ഇനി വാര്‍ധക്യത്തെയും അകറ്റിനിര്‍ത്താം

Studies

oi-Siji KM

By Lakshmi

Published: Saturday, September 25, 2010, 11:39 [IST]

എല്ലാവരും ഭയത്തോടെ മാത്രം ചിന്തിക്കുന്ന ഒന്നാണ് വാര്‍ധക്യം, ചര്‍മ്മം ചുളിഞ്ഞ്, പല്ലു കൊഴിഞ്ഞ്, രോമങ്ങള്‍ നരച്ച് വാര്‍ധക്യം വന്നുചേരുന്നത് സന്തോഷത്തോടെ ഓര്‍ക്കുന്നവര്‍ ഉണ്ടാകാനിടയില്ല. എന്നാല്‍ വാര്‍ധക്യമെന്ന ദുസ്വപ്നത്തെ അകറ്റാന്‍ മരുന്ന് തയ്യാറായിക്കൊണ്ടിരിക്കുന്നു. രണ്ട് വര്‍ഷത്തിനുള്ളില്‍ വാര്‍ധക്യമകറ്റുന്ന മരുന്ന് വിപണിയില്‍ എത്തുമെന്നാണ് റിപ്പോര്‍ട്ട്.

വാര്‍ദ്ധക്യത്തെ അകറ്റിനാര്‍ത്തുന്നതിനുള്ള ആന്റി ഓക്‌സിഡന്റ്‌സ് അടങ്ങിയ ഒരു ഗുളികയാണ് വരാന്‍ പോകുന്നത്. മരുന്ന് തയ്യാറായിക്കഴിഞ്ഞു. എങ്കിലും മനുഷ്യരില്‍ പരീക്ഷണം നടത്തി ഫലം കണ്ടാലേ വാണിജ്യാടിസ്ഥാനത്തില്‍ നിര്‍മ്മിക്കാനാവൂ.

എലികളില്‍ നടത്തിയ പരീക്ഷണത്തില്‍ മരുന്ന് വിജയകരമാണെന്ന് കണ്ടെത്തിയിട്ടുണ്ട്. എന്നാല്‍ മനുഷ്യരില്‍ പരീക്ഷണം നടത്തുന്നതിന് അനുമതി ലഭിക്കേണ്ടതുണ്ട് അതിനാലാണ് ഇതുസംബന്ധിച്ച പരീക്ഷണങ്ങള്‍ വൈകുന്നത്.

അതേസമയം വാര്‍ദ്ധക്യത്തെ പൂര്‍ണമായി ഈ മരുന്ന് തടയുകയല്ല പകരം വൈകിപ്പിക്കുകയാണ് ഈ മരുന്ന് ചെയ്യുന്നതെന്ന് ഗവേഷകര്‍ പറയുന്നു.

ശരീരത്തിലെ 99% ഓക്‌സിജനും നിരുപ്രദവകരമായ വെള്ളത്തിന്റെ രൂപത്തിലാണ് ആകുന്നത്. എന്നാല്‍ അതില്‍ ഒരു ശതമാനം ഓക്‌സിജന്‍ സൂപ്പര്‍ ഓക്‌സൈഡായി രൂപാന്തരം പ്രാപിക്കുകയും, അത് പിന്നീട് വിഷമയമായ ഘടകങ്ങളായി മാറുകയുമാണ് ചെയ്യുന്നത്.

ഈ രൂപന്തര പ്രക്രിയയെ തടയുന്ന ആന്റി ഓക്‌സിഡന്റാണ് ഇപ്പോള്‍ തയ്യാറാക്കിയിരിക്കുന്നതെന്ന് റിസര്‍ച്ചിന് നേതൃത്വം നല്‍കിയ മോസ്കോ യൂണിവേഴ്സിറ്റിയിലെ വ്‌ളാഡിമര്‍ സ്‌കുളഷേവ് പറഞ്ഞു.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.