നിക്കോട്ടിന്‍ സ്തനാര്‍ബുദമുണ്ടാക്കും

Studies

oi-Siji KM

By Lakshmi

Published: Wednesday, August 25, 2010, 16:07 [IST]

പുകയില ഉത്പന്നങ്ങളിലടങ്ങിയ വിഷവസ്തുവായ നിക്കോട്ടിന്‍ സ്തനാര്‍ബുദത്തിന് കാരണമാവുന്നതായി പഠന റിപ്പോര്‍ട്ട്.

സിഗരറ്റിലടങ്ങിയ അറുപതോളം രാസവസ്തുക്കള്‍ അര്‍ബുദത്തിന് ഇടയാക്കുന്നതായി നേരത്തേ കണ്ടെത്തിയിരുന്നെങ്കിലും നിക്കോട്ടിന്‍ ഇതുവരെ അര്‍ബുദത്തിന് കാരണമാകുമെന്ന് കണ്ടെത്തിയിരുന്നില്ല.

പുകവലി ശീലമാവുന്നതിനും വലിക്കാരെ അതിന്റെ അടിമകളാക്കുന്നതിനും കാരണക്കാരനായ നിക്കോട്ടിന്‍ കോശങ്ങളുടെ അമിതവളര്‍ച്ചയ്ക്കും ഉത്തരവാദിയാണെന്ന പഠന റിപ്പോര്‍ട്ടാണ് ഇപ്പോള്‍ പുറത്തുവന്നിരിക്കുന്നത്.

തായ്‌പേയ് സര്‍വകലാശാലയിലെ ഗവേഷകരാണ് ഗവേഷണത്തിന് നേതൃത്വം നല്കിയത്. സാധാരണ കോശങ്ങളില്‍ നിക്കോട്ടിന്‍ കുത്തിവെച്ചപ്പോള്‍ അവ അമിത വളര്‍ച്ച പ്രകടിപ്പിക്കുന്നെന്നാണ് ഗവേഷകര്‍ക്ക് കണ്ടെത്താനായത്.

മറിച്ച്, നിക്കോട്ടിന്റെ അളവ് കുറയുന്നതിനനുസരിച്ച് കോശവളര്‍ച്ചയും കുറയുന്നതായി ഗവേഷണത്തില്‍ തെളിഞ്ഞു.

പുകവലി ഉപേക്ഷിക്കാനായി പലരും നിക്കോട്ടിന്‍ ച്യൂയിംഗവും ഇലക്‌ട്രോണിക് സിഗരറ്റുകളും ഉപയോഗിക്കാറുണ്ട്. ഇതും അപകടകരമാണെന്നാണ് പുതിയ പഠന റിപ്പോര്‍ട്ടിലൂടെ ഗവേഷകര്‍ ചൂണ്ടിക്കാട്ടുന്നത്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.