വരുന്നൂ കൃത്രിമ രക്തം

Studies

oi-Siji KM

By Lakshmi

Published: Wednesday, August 18, 2010, 12:49 [IST]

കോശങ്ങളും ചര്‍മ്മവുമെല്ലാം കൃത്രിമമായി നിര്‍മ്മിക്കാന്‍ കഴിയുമെന്ന് നമ്മുടെ ശാസ്ത്രജ്ഞന്മാര്‍ നേരത്തേ കണ്ടെത്തിയിട്ടുണ്ട്. ഇപ്പോഴിതാ കൃത്രിമമായി രക്തവും ഉണ്ടാക്കാമെന്ന് കണ്ടെത്തിയിരിക്കുന്നു.

ബ്രിട്ടനിലെ ശാസ്ത്രജ്ഞരാണ് ആരോഗ്യരംഗത്ത് വിപ്ലവം സൃഷ്ടിച്ചേക്കാന്‍ കഴിയുന്ന കണ്ടെത്തലിന് പിന്നില്‍.

ഭ്രൂണത്തില്‍ നിന്നെടുക്കുന്ന മൂലകോശങ്ങളില്‍ നിന്നു മനുഷ്യരക്തത്തിലെ ചുവന്ന കോശങ്ങള്‍ നിര്‍മിച്ചെടുക്കാന്‍ കഴിയുമെന്നാണ് ഇവര്‍ കണ്ടെത്തിയിരിക്കുന്നത്. ഇതോടെ എല്ലാവര്‍ക്കും സ്വീകരിക്കാവുന്ന ഒ നെഗറ്റീവ് രക്തം കൃത്രിമമായി സൃഷ്ടിച്ചെടുക്കാന്‍ കഴിയുമെന്ന് ശാസ്ത്രജ്ഞര്‍ അവകാശപ്പെടുന്നു.

കൃത്രിമ ഗര്‍ഭധാരണ ക്‌ളിനിക്കുകളില്‍ നിന്ന് ഉപേക്ഷിക്കപ്പെട്ട നൂറോളം ഭ്രൂണങ്ങളില്‍ നടത്തിയ പരീക്ഷണമാണു വിജയകരമെന്നു കണ്ടെത്തിയത്. ഓക്‌സിജനെ വഹിക്കുന്ന ഹീമോഗോബിന്‍ ചുവന്ന കോശങ്ങളിലാണുള്ളത്.

രക്തദാനത്തിനു മതിയായ തോതില്‍ രക്തംകിട്ടാതെ വരുന്നതുമൂലമുണ്ടാകുന്ന ബുദ്ധിമുട്ട് ഒ നെഗറ്റീവ് രക്തം വന്‍തോതില്‍ ഉല്‍പാദിപ്പിച്ചാല്‍ പരിഹരിക്കാനാകുമെന്നു ഗവേഷണസംഘത്തലവന്‍
പ്രഫസര്‍ മാര്‍ക് ടേണര്‍ പറഞ്ഞു.

രക്തദാതാക്കളില്‍ നിന്നു രോഗബാധ ഉണ്ടാകുന്നത് ഇതുവഴി തടയാനാവുകയും ചെയ്യും. കൃത്രിമ രക്തം അഞ്ചുവര്‍ഷത്തിനുള്ളില്‍ രോഗികളില്‍ പരീക്ഷിച്ചുതുടങ്ങാന്‍ കഴിഞ്ഞേക്കും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.