വിഷാദരോഗമുള്ളവരില്‍ പ്രമേഹ സാധ്യത

വിഷാദരോഗമുള്ളവരില്‍ പ്രമേഹമുണ്ടാകാനുള്ള സാധ്യത കൂടുതലാണെന്ന്‌ പഠന റിപ്പോര്‍ട്ട്‌. അമേരിക്കന്‍ ഗവേഷകര്‍ നടത്തിയ ഒരു പഠനത്തിലാണ്‌ വിഷാദരോഗവും പ്രമേഹവും തമ്മിലുള്ള ബന്ധം വ്യക്തമായത്‌.

പ്രമേഹം വിഷാദരോഗത്തിന്‌ കാരണമാകുന്നതുപോലെ തിരിച്ചും സംഭവിക്കാമെന്ന്‌ ഗവേഷക സംഘത്തിന്‌ നേതൃത്വം നല്‍കിയ ഡോക്ടര്‍ ഷെരിതാ ഹില്‍ ഗോള്‍ഡന്‍ പറയുന്നു. 45നും 84നും ഇയില്‍ പ്രായമുള്ള വിവിധ വംശങ്ങളില്‍പ്പെട്ട 5000ത്തോളം പേരിലാണ്‌ ഗവേഷകസംഘം പഠനം നടത്തിയത്‌.

ഇവരെ മൂന്ന്‌ വര്‍ഷത്തോളം നിരീക്ഷിച്ചശേഷമാണ്‌ ഗവേഷകര്‍ പഠന റിപ്പോര്‍ട്ട്‌ തയ്യാറാക്കിയത്‌. വിഷാദ രോഗത്തിന്റെ ലക്ഷണമുള്ളവരില്‍ പ്രമേഹം ഉണ്ടാകാനുള്ള സാധ്യത 42 ശതമാനം കൂടുതലാണെന്നാണ്‌ പഠനത്തില്‍ വ്യക്തമായത്‌.

കുറച്ച്‌ വ്യായാമം നടത്തുന്നവര്‍ പുകവലിക്കുന്നവര്‍ എന്നിങ്ങനെ വിവിധ ശീലങ്ങളുള്ളവരെയായിരുന്നു പഠനത്തില്‍ ഉള്‍പ്പെടുത്തിയിരുന്നത്‌. വിഷാദരോഗമുള്ളവരില്‍ത്തന്നെ, വ്യായാമം ചെയ്യാത്തവര്‍, പൊണ്ണത്തടിയുള്ളവര്‍, പുകവലിക്കാര്‍ എന്നിവരില്‍ പ്രമേഹത്തിനുള്ള സാധ്യത 34ശതമാനം അധികമാണ്‌.

വിഷാദരോഗമുള്ളവരില്‍ മാനസിക പിരിമുറുക്കത്തിന്‌ കാരണമായ കോര്‍ടിസോണ്‍ പോലുള്ള ഹോര്‍മോണുകളുടെ അളവ്‌ വര്‍ധിക്കുന്നതായും പഠനത്തില്‍ കണ്ടെത്തിയിട്ടുണ്ട്‌.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.