പങ്കാളിയ്ക്കു കൂര്ക്കം വലിയുണ്ടോ? ശ്രദ്ധിക്കുക!

എത്രസ്നേഹമാണെങ്കിലും ബോധമില്ലാതെ കൂര്ക്കം വലിച്ച് ഉറക്കം കെടുത്തുന്ന പങ്കാളിയെക്കുറിച്ച് 'ശല്യം' എന്ന് ഒരിക്കലെങ്കിലും മനസ്സില് കരുതിയിട്ടില്ലേ?.

കൂര്ക്കം വലി കൂടെക്കിടക്കുന്നയാളുടെ ഉറക്കത്തിന് വിഘാതമുണ്ടാക്കുമെന്ന് മാത്രമേ ഇതുവരെ കരുതിയിരുന്നുള്ളു. എന്നാല് ഇത് പങ്കാളിയുടെ ആരോഗ്യത്തിന് തന്നെ ഭീഷണിയാണെന്നാണ് പുതിയ പഠനത്തില് കണ്ടെത്തിയിരിക്കുന്നത്.

നിരന്തരം കൂര്ക്കംവലി കേള്ക്കുന്നയാള്ക്ക് ശ്രദ്ധക്കുറവ്, പകലുറക്കം, തുടങ്ങി ശാരീരികവും മാനസികവുമായ ഒട്ടേറെ പ്രശ്നങ്ങലുണ്ടാക്കുമെന്ന് നേരത്തേ തന്നെ കണ്ടെത്തിയികരുന്നു.

എന്നാല് ഇപ്പോഴത്തെ പഠനത്തില് പറയുന്നത് പങ്കാളിയുടെ നിരന്തരമായ കൂര്ക്കം വലി കേള്ക്കേണ്ടിവരുന്നയാളിന്റെ രക്തസമ്മര്ദ്ദം ക്രമാതീതമായി വര്ധിക്കുമെന്നാണ്.

വിമാനം താഴ്ന്നു പറക്കുന്പോഴും റോഡില് വാഹനം പുറകോട്ടെടുക്കുന്പോഴും ഉണ്ടാകുന്ന അസ്വസ്ഥതയുടെ അതേതരത്തിലുള്ള അസ്വസ്ഥതയാണത്രേ പങ്കാളിയുടെ കൂര്ക്കം വലി മറ്റേ പങ്കാളിയില് ഉണ്ടാക്കുന്നത്.

ലണ്ടനിലെ ഇംപീരിയല് കോളജിലെ ഗവേഷകരാണ് ഇക്കാര്യത്തില് പഠനം നടത്തിയത്. വിമാനത്താവളത്തിലെ ശബ്ദം പലര്ക്കും പ്രശ്നങ്ങളുണ്ടാക്കുന്നതായി വ്യക്തമായിട്ടുണ്ട്. ലണ്ടന് ഹീത്രൂ വിമാനത്തവാളമുള്പ്പടെ യൂറോപ്പിലെ മറ്റ് മൂന്ന് വിമാനത്താവളങ്ങളിലെയും ശബ്ദമലിനീകരണം ആളുകളില് അസ്വസ്ഥതയുണ്ടാക്കുന്നതായി കണ്ടെത്തിയിട്ടുണ്ട്.

140പേരില് നടത്തിയ പഠനത്തെത്തുടര്ന്നാണ് ഇക്കാര്യം സ്ഥീരീകരിച്ചത്. ഇതേപോലെതന്നെയുള്ള പ്രശ്നമാണ് കിടക്കറയില് കൂര്ക്കം വലിയുണ്ട്ക്കുന്നത്. ഉയര്ന്ന ശബ്ദം കേള്ക്കുന്പോള് വളരെ പെട്ടന്നാണ് ആളുകളില് രക്തസമ്മര്ദ്ദം ഉയരുന്നത്.

ഇതിന്റെ ഉറവിടം ഏതാണെന്നത് ഒരു പ്രശ്നമേയല്ല. അതുകൊണ്ടുതന്നെ ഈയര്ത്ഥത്തില് കൂര്ക്കം വലിയും പ്രശ്നമുണ്ടാക്കുന്നതാണ്- ഗവേഷണകര് പറയുന്നു.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.