ഓടൂ... ഓടൂ...ഓടിക്കൊണ്ടിരിയ്‌ക്കൂ

കൂടുതല്‍ക്കാലം ജീവിച്ചിരിക്കണമെന്ന്‌ ആഗ്രഹിയ്‌ക്കാത്തവരുണ്ടാകുമോ. എന്നാല്‍ ഇങ്ങനെ ആഗ്രഹിക്കുകയല്ലാതെ അതിന്‌ വേണ്ടി എന്തെങ്കിലും ചെയ്യാന്‍ ശ്രമിക്കുന്നവരുടെ എണ്ണം വളരെ ചുരുക്കമാണ്‌.

ഇപ്പോള്‍ ഗവേഷകര്‍ പറയുന്നത്‌ കൂടുതല്‍ക്കാലം ജീവിച്ചിരിക്കാന്‍ നിത്യേന ഓടിയാന്‍ മതിയെന്നാണ്‌. ഈയിടെ നടന്ന ഒരു പഠനത്തിലാണ്‌ ഓട്ടം ജീവിതക്രമത്തില്‍ വലിയ പങ്കുവഹിക്കുന്നതായി കണ്ടെത്തിയത്‌.

ഇരുപത്‌ വര്‍ഷമായി ഓട്ടം ശീലമാക്കിയ മധ്യവസ്‌കരിലാണ്‌ ഗവേഷകര്‍ ഇതുസംബന്ധിച്ച പഠനം നടത്തിയത്‌. ഹൃദ്രോഗം, കാന്‍സര്‍, അല്‍ഷിമേര്‍സ്‌ പോലെ നാഡീസംബന്ധമായ അസുഖങ്ങള്‍ മുതലായവയെ ചെറുക്കുന്നതില്‍ ഓട്ടത്തിന്‌ വലിയ പങ്കുണ്ടെന്ന്‌ ഗവേഷണം നടത്തിയ കാലിഫോര്‍ണിയ സ്‌റ്റാന്‍ഫോര്‍ഡ്‌ യൂണിവേഴ്‌സിറ്റിയിലെ ഡോക്ടര്‍ അല്‍സ്‌ ഹെമിയര്‍ അഭിപ്രായപ്പെടുന്നു.

ഓട്ടം പോലുള്ള എല്ലാതരം കായിക പിരശീലനങ്ങളും ശരീരത്തിന്‌ ഗുണം ചെയ്യുമെന്ന്‌‌ ഹെമിയറുടെ സഹായികളായ ഡോക്ടര്‍ എലിസ ചക്രവര്‍ത്തിയും ഡോക്ടര്‍ ജെയിംസ്‌ ഫ്രയിസും അഭിപ്രായപ്പെടുന്നു.

രാജ്യത്താകമാനമുള്ള റണ്ണിംഗ്‌ ക്ലബുകളില്‍ നിന്നുള്ള 284 അംഗങ്ങളിലും 156 സാധാരണക്കാരിലുമാണ്‌ പഠനം നടത്തിയത്‌.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.