ടിവിക്ക് മുന്നില്‍ ചടഞ്ഞ് കൂടുന്നവര്‍ ദുഖിതര്‍

ഏതു നേരവും നിങ്ങള്‍ ടിവിയ്‌ക്ക്‌ മുന്നിലാണോ? എങ്കില്‍ ഒരു കാര്യം മനസിലാക്കുക, നിങ്ങള്‍ എന്തോ കടുത്ത ദുഖം അനുഭവിയ്‌ക്കുന്നുണ്ട്‌.

‌അസന്തുഷ്ടരായ മനുഷ്യരാണ്‌ ടെലിവിഷന്‌ മുന്നില്‍ ചടഞ്ഞ്‌ കൂടിയിരിക്കുന്നതെന്ന്‌ ഇത്‌ സംബന്ധിച്ച്‌ പഠനം നടത്തിയ മെരിലാന്റ്‌ സര്‍വകലാശാലയിലെ സാമൂഹ്യശാസ്‌ത്ര ഗവേഷകരായ ജോണ്‍ റോബിന്‍സണും സ്റ്റീവ്‌ മാര്‍ട്ടിനും പറയുന്നു.

ഇത്തരക്കാര്‍ സന്തുഷ്ടരായ മനുഷ്യരേക്കാള്‍ 30 ശതമാനം അധികം സമയം ടിവിയ്‌ക്ക്‌ മുന്നില്‍ കഴിച്ചുകൂട്ടുന്നതായാണ്‌ ഇവര്‍ കണ്ടെത്തിയിട്ടുള്ളത്‌.

സന്തുഷ്ടരായ മനുഷ്യര്‍ മറ്റുള്ളവരുമായി കൂടുതല്‍ ഇടപഴകുന്നതിനും വായനയ്‌ക്കും ലൈംഗികകാര്യങ്ങള്‍ക്കും മറ്റുമാണ്‌ പ്രധാന്യം നല്‌കുന്നത്‌. എന്നാല്‍ ദുഖതര്‍ ടെലിവിഷന്‌ മുന്നില്‍ സമയം തള്ളിനീക്കുകയാണെന്ന്‌ പഠനം വെളിപ്പെടുത്തുന്നു.

1975 മുതല്‍ 2006 വരെ നീണ്ട ഗവേഷണ നിരീക്ഷണങ്ങള്‍ക്കൊടുവിലാണ്‌ ഇക്കാര്യം കണ്ടെത്തിയത്‌. ഇക്കാലത്തിനിടയ്‌ക്ക്‌ 30,000 ഓളെ പേരെ ഇവര്‍ പഠനത്തിന്‌ വിധേയരാക്കി.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.