ത്വക്‌രോഗം ചെറുക്കാന്‍ വിറ്റാമിന്‍ ഡി

ത്വക്‌ രോഗങ്ങളെ ചെറുക്കാന്‍ വിറ്റാമിന്‍ ഡി ഗുളികള്‍ സഹായകമാണെന്ന്‌ പഠനറിപ്പോര്‍ട്ട്‌. അമേരിക്കയിലെ കാലിഫോര്‍ണിയ സര്‍വ്വകലാശാലയിലെ സാന്‍ഡിഗോ സ്‌കൂള്‍ ഓഫ്‌ മെഡിസിനിലെ ഒരു സംഘം ശാസ്‌ത്രജ്ഞരാണ്‌ വിറ്റാമിന്‍ ഡി ഒട്ടേറെ ത്വക്‌രോഗങ്ങളെ പ്രതിരോധിക്കുമെന്ന്‌ കണ്ടെത്തിയത്‌.

വിറ്റാമിന്‍ ഡിയുടെ കുറവ്‌ കാന്‍സറിനും പ്രമേഹത്തിനും കാരണമാകാറുണ്ട്‌. ത്വക്‌ രോഗങ്ങളെ പ്രതിരോധിക്കുന്ന രാസവസ്‌തുക്കള്‍ ഉല്‍പാദിപ്പിക്കുന്നതില്‍ വിറ്റാമിന്‍ ഡി പ്രധാനഘടകമായി പ്രവര്‍ത്തിക്കാറുണ്ടെന്നും ഇതിന്റെ ഉപയോഗം കുട്ടികളെ ബാധിക്കുന്ന ഇരുപത്‌ ശതമാനത്തോളം മാരക ത്വക്‌രോഗങ്ങളെ തടയാന്‍ പര്യാപ്‌തമാണെന്നും ശാസ്‌ത്രജ്ഞര്‍ പറയുന്നു.

വിറ്റാമിന്‍ ഡിയുടെ ഉപയോഗംകൊണ്ട്‌ ഒട്ടേറെ ത്വക്‌ രോഗികളില്‍ വലിയ തോതിലുള്ള മാറ്റങ്ങള്‍ ഉണ്ടായിട്ടുണ്ടെന്നും പഠനം വെളിപ്പെടുത്തുന്നു.

പ്രൊഫസര്‍ റിച്ചാര്‍ഡ്‌ ഗാല്ലോയുടെ നേതൃത്വത്തിലുള്ള ഗവേഷക സംഘമാണ്‌ ഇതുസംബന്ധിച്ച പഠനം നടത്തിയത്‌. ഇപ്പോഴത്തെ പഠനം ചെറിയതോതിലുള്ളത്‌ മാത്രമാണെന്നും കൂടുതല്‍ പഠനം ഇനിയും നടക്കേണ്ടതുണ്ടെന്നും സംഘം പറഞ്ഞു.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.