മൈഗ്രേനുള്ളവരില്‍ സ്‌തനാര്‍ബുദ സാധ്യത കുറയും

മൈഗ്രേന്‍: എന്ന്‌ കേള്‍ക്കുമ്പോള്‍ത്തന്നെ ജീവിയ്‌ക്കണ്ടായേ എന്നു ചിന്തിയ്‌ക്കുന്നവരാണ്‌ മിക്കവരും. ആ വേദന സഹിച്ചിട്ട്‌ സ്വര്‍ണ്ണക്കട്ടി തരാമെന്ന്‌ പറഞ്ഞാലും വേണ്ടെന്നുമാത്രേമേ അനുഭവമുള്ളവര്‍ പറയൂ.

എന്നാല്‍ മൈഗ്രേന്‍ ശല്യം അനുഭവിക്കുന്ന സ്‌ത്രീകള്‍ക്ക്‌ ഒരു കാര്യത്തില്‍ സമാധാനിക്കാം. ഇവരില്‍ സ്‌തനാര്‍ബുദം വരാനുള്ള സാധ്യത കുറവാണ്‌.

അമേരിക്കയിലെ ഗവേഷകര്‍ നടത്തിയ പഠനത്തിലാണ്‌ ഇക്കാര്യം കണ്ടെത്തിയത്‌. മൈഗ്രൈനുള്ളവരില്‍ സ്‌തനാര്‍ബുധമുണ്ടാകാനുള്ള സാധ്യത മറ്റുള്ളവരെ അപേക്ഷിച്ച്‌ 30 ശതമാനം കുറവാണെന്നാണ്‌ പഠനറിപ്പോര്‍ട്ടില്‍ വ്യക്തമാക്കിയിരിക്കുന്നത്‌.

മൈഗ്രേനുള്ളവരുടെ ശരീരത്തില്‍ ഹോര്‍മോണുകള്‍ സവിശേഷ രീതിയില്‍ പ്രവര്‍ത്തിക്കുന്നതാണത്രേ ഇതിന്‌ കാരണം. മൈഗ്രേന്‌ കാരണമാകുന്നതും സ്‌തനാര്‍ബുദത്തിന്‌ കാരണമാകുന്നതും ഹോര്‍മോണുകളുടെ പ്രവര്‍ത്തനങ്ങളാണ്‌.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.