ബ്രൊക്കോളി കഴിച്ചാല്‍ ഹൃദയാരോഗ്യം

ബ്രൊക്കോളി എന്നൊരിനം പച്ചക്കറിയെക്കുറിച്ച്‌ കേട്ടിട്ടുണ്ടോ. കാണാന്‍ കോളിഫ്ലവര്‍പോലെ തോന്നിക്കുന്ന ഒന്നാണിത്‌. ഇത്‌ പതിവായിക്കഴിച്ചാല്‍ ഹൃദയാരോഗ്യം വീണ്ടെടുക്കാമെന്നാണ്‌ അടുത്തിടെ നടന്ന പഠനങ്ങള്‍ വ്യക്തമാക്കുന്നു.

രക്തത്തിലെ പഞ്ചസാരയുടെ അളവ്‌ കൂടുന്നതുമൂലം രക്തക്കുഴലുകള്‍ക്കുണ്ടാകുന്ന കേടുപാടുകള്‍ ബ്രൊക്കോളി കഴിയ്‌ക്കുന്നതുമൂലം പരിഹരിക്കപ്പെടുന്നു.

ബ്രൊക്കോളിയിലടങ്ങിയിരിക്കന്ന സള്‍ഫോറാഫിന്‍ എന്ന പദാര്‍ത്ഥം രക്തക്കുഴലുകളെ സംരക്ഷിക്കുന്ന എന്‍സൈമുകളുടെ ഉല്‍പാദനത്തെ ത്വരിതപ്പെടുത്തുന്നുവെന്നാണ്‌ പഠനത്തില്‍ കണ്ടെത്തിയത്‌. ഇതുവഴി ഹൃദയ കോശങ്ങള്‍ക്ക്‌ ദോഷകരമായ തന്മാത്രകളുടെ ഉല്‍പാദനം കുറയുമത്രേ. ലണ്ടനിലെ വാര്‍വിക സര്‍വ്വകലാശാലയിലെ ഒരു കൂട്ടം ഗവേഷകരാണ്‌ ബ്രൊക്കോളിയുടെ ഈ കഴിവിനെക്കുറിച്ച്‌ പഠനം നടത്തിയത്‌.

പ്രമേഹമുള്ളവരില്‍ ഹൃദ്രോഗത്തിനുള്ള സാധ്യത മറ്റുള്ളവരേക്കാള്‍ അഞ്ചു മടങ്ങ്‌ കൂടുതലാണെന്നും ഗവേഷകര്‍കണ്ടെത്തിയിട്ടുണ്ട്‌. രക്തക്കുഴലുകള്‍ക്കുണ്ടാകുന്ന തകരാറുകളാണ്‌ ഹൃദയസംബന്ധമായ മിക്ക രോഗങ്ങള്‍ക്കും കാരണമാകുന്നത്‌. കാബേജ്‌ കുടുംബത്തില്‍പ്പെടുന്ന സസ്യമാണ്‌ ബ്രൊക്കോളി.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.