വൈനില്‍ നിന്ന് വസ്ത്രവും

News

oi-Saritha

By Veena

Published: Thursday, June 14, 2012, 12:06 [IST]

ഫാഷന്‍ കാലഘട്ടമാണിത്. ഫാഷന്റെ പേരില്‍ വിചിത്രമായ പരീക്ഷണങ്ങള്‍ വരെ നടക്കുന്ന കാലഘട്ടം. ഇതില്‍ ഏറ്റവും പുതിയത് വൈനില്‍ നിന്നും ഉണ്ടാക്കുന്ന വസ്ത്രമാണ്. ഡെയ്‌ലി മിറര്‍ ആണ് ഇതു സംബന്ധിച്ച വിശദാംശങ്ങള്‍ പുറത്തു വിട്ടത്.

പടിഞ്ഞാറന്‍ ആസ്‌ത്രേലിയയിലെ ഒരു വിഭാഗം ശാസ്ത്രജ്ഞരാണ് ചുവന്ന വൈന്‍ ഉപയോഗിച്ച് വസ്ത്രം നിര്‍മിച്ചത്. വൈനിലേക്ക് ഒരിനം ബാക്ടീരിയയെ കടത്തിവിട്ടാണ് ഇവര്‍ കോട്ടന്‍ പോലുള്ള ഒരുല്‍പന്നം സൃഷ്ടിച്ചത്. പിന്നീട് ഇതുപയോഗിച്ച് വസ്ത്രം നിര്‍മിക്കുകയായിരുന്നു.

ടീ ഷര്‍ട്ടുകളും സ്വിമ്മിംഗ് വസ്ത്രങ്ങളുമാണ് ഇതുവരെ നിര്‍മിച്ചിരിക്കുന്നത്. ഇത് കൂടുതല്‍ മേഖലകളിലേക്കു വ്യാപിപ്പിക്കാനുള്ള ശ്രമത്തിലാണ് ശാസ്ത്രജ്ഞരും ഫാഷന്‍ നിര്‍മാതാക്കളും.

ഇതാദ്യമായല്ല ഭക്ഷണസാധനങ്ങള്‍ കൊണ്ട് വസ്ത്രം നിര്‍മിക്കാനുള്ള പരീക്ഷണങ്ങള്‍ നടക്കുന്നത്. കഴിഞ്ഞ വര്‍ഷം ജര്‍മനിയിലെ ഒരു മൈക്രോബയോളജി വിദ്യാര്‍ത്ഥി പാലില്‍ നിന്നും വസ്ത്രം നിര്‍മിച്ചതും വാര്‍ത്തയായിരുന്നു.

ഇതിനു പുറമെ നട്‌സില്‍ നിന്നും പഴവര്‍ഗങ്ങളില്‍ നിന്നും വസ്ത്രങ്ങള്‍ മുന്‍പു നിര്‍മിക്കാനുള്ള പരീക്ഷങ്ങളും നടന്നിട്ടുണ്ട്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.