ഭയമകറ്റും ലൗ ഹോര്‍മോണ്‍

Published: Monday, February 13, 2012, 11:24 [IST]

അടുത്തു തന്നെ അമ്മമാരായവര്‍ക്ക് ഭയം കുറവേ തോന്നുകയുള്ളൂവെന്ന് പഠനറിപ്പോര്‍ട്ട്. ഇതിന് കാരണമോ ഓക്‌സിടോസിന്‍ എന്നറിയപ്പെടുന്ന ഹോര്‍മോണും. അമ്മമാരില്‍ കുഞ്ഞുങ്ങളോടുള്ള വാല്‍സല്യം ഈ ഹോര്‍മോണിന്റെ ഉല്‍പാദനം കൂട്ടുകയാണ് ചെയ്യുന്നത്. ന്യൂറോണ്‍ ജേര്‍ണലില്‍ പ്രസിദ്ധീകരിച്ചതാണ് ഈ പഠനറിപ്പോര്‍ട്ട്. ലൗ ഹോര്‍മോണ്‍ എന്നാണ് ശാസ്ത്രജ്ഞര്‍ ഓക്‌സിടോസിനെ റിപ്പോര്‍ട്ടില്‍ വിശേഷിപ്പിച്ചിരിക്കുന്നത്.

പ്രസവശേഷം ഓക്‌സിടോസിന്‍ ഉല്‍പാദനം അമ്മമാരില്‍ കൂടുന്നു. ഇത് കുഞ്ഞുങ്ങളോടുള്ള വാല്‍സല്യവും കരുതലും കൊണ്ടുകൂടിയാണെന്നതാണ് റിപ്പോര്‍ട്ടില്‍ പറയുന്നത്. ഈ ഹോര്‍മോണ്‍ തലച്ചോറിലെ ഭയത്തെ നിയന്ത്രിക്കുന്ന അമിഗ്ഡാല എന്ന ഭാഗത്തേക്കു പ്രവഹിക്കുകയും അങ്ങനെ ഭയം കുറയ്ക്കുകയും ചെയ്യുന്നു.

പ്രസവസമയത്തും അതിന് ശേഷവുമാണ് ഓക്‌സിടോസിന്‍ ഉല്‍പാദനം കൂടുന്നതെന്ന് തെളിഞ്ഞിട്ടുണ്ട്. തലച്ചോറില്‍ തന്നെയാണ് ഓക്‌സിടോസിന്‍ ഉല്‍പാദനം നടക്കുന്നത്. ഇത് പിന്നീട് രക്തത്തില്‍ അലിഞ്ഞുചേരുകയാണ് ചെയ്യുന്നത്.

എലികളിലും പിന്നീട് മനുഷ്യരിലും ഈ പരീക്ഷണം വിജയിച്ചതായി തെളിഞ്ഞിട്ടുണ്ട്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.