ഇനി 150 വയസ്സു വരെ ജീവിയ്ക്കാം

By Ajith Babu

Published: Thursday, October 20, 2011, 14:39 [IST]

ആയുസ്സിന്റെ ദൈര്‍ഘ്യം വര്‍ദ്ധിപ്പിയ്ക്കുന്നതിനുള്ള ഔഷധങ്ങള്‍ ഒരു പതിറ്റാണ്ടിനുള്ളില്‍ യാഥാര്‍ഥ്യമാവുമെന്ന് ഗവേഷകര്‍. ഈ അദ്ഭുത മരുന്ന് വരുന്നതോടെ മനുഷ്യായുസ്സ് 150ഉം അതിനുമപ്പുറവും കടക്കുമെന്നാണ് കരുതപ്പെടുന്നത്.

മനുഷ്യശരീരത്തിന് പ്രായമാവുന്നത് പതുക്കനെയാക്കിക്കൊണ്ടാണ് ഈ മരുന്ന് പ്രവര്‍ത്തിയ്ക്കുക. സ്വയം റിപ്പയര്‍ ചെയ്യാനുള്ള മനുഷ്യശരീരത്തിന്റെ കഴിവ് ഈ മരുന്നുകളുടെ ഉപയോഗത്തിലൂടെ കൂടുതല്‍ ഫലപ്രദമാക്കാന്‍ കഴിയും. മൂലകോശ ചികിത്സകള്‍ നല്ല ജീവിതത്തിനും വഴിയൊരുക്കുമെന്ന് ഗവേഷകര്‍ പ്രതീക്ഷ പ്രകടിപ്പിയ്ക്കുന്നു.

ആസ്‌ത്രേലിയയില്‍ ഇപ്പോള്‍ ജനിയ്ക്കുന്ന ഒരു പെണ്‍കുഞ്ഞിന് തന്നെ നൂറ് വയസ്സ് ആയുര്‍ദൈര്‍ഘ്യം പ്രതീക്ഷിയ്്ക്കാമെന്ന് ന്യൂ സൗത്ത് വെയില്‍സ് സര്‍വകലാശാലയിലെ മെഡിസിന്‍ വിഭാഗം ഡീന്‍ പ്രൊഫസര്‍ പീറ്റര്‍ സ്മിത്ത് ചൂണ്ടിക്കാട്ടുന്നു. പുതിയ മരുന്നുകള്‍ വരുന്നതോടെ മരണത്തിന് തൊട്ടുമുമ്പ് വരെ ആരോഗ്യത്തോടെ ജീവിച്ചിരിയ്ക്കാനുവമെന്നും അദ്ദേഹം ചൂണ്ടിക്കാട്ടുന്നു.

വെറുതെ ആയുര്‍ദൈര്‍ഘ്യം വര്‍ദ്ധിപ്പിയ്ക്കുകയല്ല മറിച്ച് ആരോഗ്യത്തോടെ ദീര്‍ഘകാലം ജീവിച്ചിരിയക്കാനുള്ള വഴികളാണ് ശാസ്ത്രലോകം തേടുന്നതെന്നും അദ്ദേഹം വ്യക്തമാക്കി. 150 വയസ്സുവരെ ജീവിച്ചിരിയ്ക്കുന്നതിനുള്ള മരുന്ന് കണ്ടുപിടിയ്ക്കുന്ന ദിനം ഉടന്‍ യാഥാര്‍ഥ്യമാവുമെന്ന് ഹാര്‍വാര്‍ഡ് ജെനിറ്റിക്‌സ് പ്രൊഫസര്‍ ഡേവിഡ് സിന്‍ക്ലിയറും പറയുന്നു.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.