വെള്ളമടിയ്ക്കാം; പക്ഷേ മൂക്കോളം വേണ്ട

News

oi-Siji KM

By Lakshmi

Published: Friday, September 9, 2011, 14:48 [IST]

മദ്യപാനം ആരോഗ്യത്തിന് ഹാനികരമെന്ന് കേട്ടാണ് നമ്മള്‍ക്ക് ശീലം, എന്നുവച്ച് ആരെങ്കിലും മദ്യപിക്കാതിരിക്കാറുണ്ടോ. അതനോട് താല്‍പര്യമുള്ളവരൊക്കെ ഏത് വിധേനയും സംഗതി വീശിയിരിക്കും. ലക്കില്ലാതെ കുടിച്ച് പൂസായി പ്രശ്‌നക്കാരാകുമ്പോള്‍ ആളുകള്‍ അവരെ അകറ്റിനിര്‍ത്തും. പിന്നീട് ഇവര്‍ ഖജനാവിലേയ്ക്ക് തങ്ങള്‍ കൊടുക്കുന്ന കാശിന്റെ കണക്കുപറഞ്ഞ് ആളാവാന്‍ ശ്രമിക്കുകയും ചെയ്യും.

അമിതമായാല്‍ അമൃതം വിഷം എന്നാണല്ലോ, മദ്യത്തിന്റെ കാര്യത്തിലും ഇത് ശരിയാണ്. അതായത് മിതമായി ഒരു നിയന്ത്രണത്തോടെയൊക്കെ മദ്യപിച്ചാല്‍ മദ്യപിക്കുന്നവര്‍ക്ക് കൊള്ളാം. അടുത്തിടെ നടന്ന ഒരു പഠനത്തില്‍ ദിവസേന മിതമായ അളവില്‍(രണ്ട് ഡ്രിങ്ക്‌സില്‍ കൂടരുത്) മദ്യപിക്കുന്നത് ഹൃദയത്തെ ആരോഗ്യമുള്ളതാക്കി മാറ്റുമെന്നാണ് കണ്ടെത്തിയിരിക്കുന്നത്.

എലികളില്‍ നടത്തിയ ഒരു പഠനമാണ് കണ്ടെത്തലിന്റെ ആധാരം. ദിവസേന മിതമായ അളവില്‍ മദ്യം നല്‍കിയപ്പോള്‍ എലികളില്‍ എതറോസ്‌ക്ലിറോസിസ് എന്ന പ്രശ്‌നം കുറയുന്നതായി കണ്ടുവത്രേ. ഹൃദയത്തിലേയ്ക്കുള്ള രക്തധമനികള്‍ ചുരുങ്ങുകയും രക്തപ്രവാഹം കുറയുകയും ചെയ്യുന്ന അവസ്ഥയാണ്. ഹൃദയാഘാതം, പക്ഷാഘാതം എന്നീ പ്രശ്‌നങ്ങള്‍ക്ക് എതറോസ്‌ക്ലിറോസിസ് കാരണമാകുന്നുണ്ട്.

ഇതുകുറയുകയെന്നത് ആരോഗ്യകരമായ കാര്യമാണെന്ന് ഗവേഷകര്‍ പറയുന്നു. മനുഷ്യരിലും മിതമായ അവസ്ഥയില്‍ ആള്‍ക്കഹോള്‍ ഉള്ളിലെത്തുന്നത് ഈ പ്ര്ശ്‌നം കുറയ്ക്കാന്‍ സഹായിക്കുമെന്നാണ് പഠനറിപ്പോര്‍ട്ടില്‍ പറയുന്നത്. എന്നാല്‍ മദ്യത്തിന്റെ അളവ് കൂടുന്നത് വിപരീത ഫലം ഉണ്ടാക്കുകയും ചെയ്യും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.