കാലിനടിയില്‍ സ്തനവുമായി സ്ത്രീ

News

oi-Vijesh Krishna

By Ajith Babu

Published: Tuesday, July 19, 2011, 12:13 [IST]

ലണ്ടന്‍: കാല്‍പാദത്തിനടിയില്‍ സ്തനവുമായി ജീവിയ്ക്കുന്ന സ്ത്രീ വൈദ്യശാസ്ത്രത്തിന് അദ്ഭുതമാവുന്നു. 22കാരിയുടെ പാദത്തിന് താഴെ മുലക്കണ്ണ് കണ്ടെത്തിയ ഇത്തരത്തില്‍ ആദ്യമായി റിപ്പോര്‍ട്ട് ചെയ്യപ്പെടുന്ന സംഭവമാണെന്നും ഗവേഷകര്‍ വ്യക്തമാക്കി.

ഓണ്‍ലൈന്‍ സയന്റിഫിക് ജേണലായ ഡെര്‍മിറ്റോളജി ഓണ്‍ലൈനിലാണ് ഈ അദ്ഭുതപ്രതിഭാസത്തെക്കുറിച്ചുള്ള വിവരങ്ങള്‍ പ്രസിദ്ധീകരിച്ചിരിയ്ക്കുന്നത്. ഈ സ്ത്രീയുടെ വിവിരങ്ങള്‍ വെളിപ്പെടുത്താന്‍ അധികൃതര്‍ തയാറായിട്ടില്ല.

സ്ത്രീകള്‍ക്ക് അമ്പതിലൊന്ന് എന്ന കണക്കിലും പുരുഷന്മാരില്‍ നൂറിലൊന്ന് എന്ന കണക്കിലും മൂന്നാമതൊരു സ്തനമെന്ന തകരാര്‍ കണ്ടുവരാറുണ്ട്. സാധാരണയായി നെഞ്ചിന് താഴെയായാണ് ഇത്തരം മൂന്നാം സ്തനങ്ങള്‍ പ്രത്യക്ഷപ്പെടുക.

മറ്റ് ആരോഗ്യപ്രശ്‌നങ്ങളൊന്നും സൃഷ്ടിയ്ക്കാത്ത ഈ കുഴപ്പത്തെ പലരും ശസ്ത്രക്രിയ ചെയ്ത് നീക്കാറുമുണ്ട്. ലോകജനതയില്‍ അഞ്ച് ശതമാനം പേര്‍ക്ക് കണ്ടുവരുന്ന ഈ അവസ്ഥയെ സൂപ്പര്‍ ന്യൂമറി ബ്രസ്റ്റ് ടിഷ്യൂ എന്നാണ് വൈദ്യശാസ്ത്രം വിളിയ്ക്കുന്നത്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.