മാനസിക രോഗം സുഖപ്പെടുത്താന്‍ യോഗ

വിഷാദ രോഗത്തിനും സിസോഫ്രേനിയ(ഉന്മാദം)യ്ക്കും ഇരയായ രോഗികളില്‍ യോഗാ തെറാപ്പി ഫലപ്രദമാണെന്നാണ് നിംഹാന്‍സ് നടത്തിയ പഠനങ്ങളില്‍ കണ്ടെത്തിയത്. യോഗതെറാപ്പിയ്ക്കു വിധേയരാവുന്ന രോഗികളില്‍ ജീവശാസ്ത്രപരമായ മാറ്റങ്ങള്‍ ഉണ്ടാകുന്നുണ്ടെന്നാണ് പഠനങ്ങള്‍ തെളിയിച്ചത്.

പ്രായാധിക്യം മൂലമുള്ള ഓര്‍മ്മ നഷ്ടപ്പെടല്‍, വിഷാദ രോഗം, സിസോഫ്രേനിയ തുടങ്ങിയ രോഗങ്ങള്‍ക്ക് മറ്റു മരുന്നുകളോടൊപ്പം യോഗ തെറാപ്പിയും നല്‍കുന്നത് വേഗത്തില്‍ രോഗം ഭേദമാകാന്‍ സഹായിക്കുന്നുണ്ടെന്നാണ് നിംഹാന്‍സ് അധികൃതര്‍ പറയുന്നത്.

ഇതു പോലെത്തന്നെ 'ഓം' ശബ്ദം കേള്‍പ്പിക്കുന്നതും വിഷാദ രോഗികളില്‍ ഫലം ചെയ്യുന്നുണ്ടെന്ന് നിംഹാന്‍സ് അഡ്വാന്‍സ്ഡ് യോഗ സെന്ററിലെ ഡോക്ടര്‍ ബിഎന്‍ ഗംഗാധര്‍ അഭിപ്രായപ്പെട്ടു.