ഇരുന്നാണോ ജോലി? എങ്കില്‍ മരണം നേരത്തേ

News

oi-Siji KM

By Lakshmi

Published: Wednesday, October 27, 2010, 15:37 [IST]

ഒരിടത്തുതന്നെയിരുന്ന ചെയ്യുന്ന സ്വഭാവമുള്ള ജോലിയിലാണോ ഏര്‍പ്പെട്ടിരിക്കുന്നത്. എങ്കില്‍ സൂക്ഷിക്കുക അകാലമരണം ഒരു പക്ഷേ നിങ്ങളെത്തേടിയെത്തിയേയ്ക്കും.

അടുത്തിടെ നടന്ന ഒരു പഠനത്തിലാണ് ഡെസ്‌ക് ജോലികള്‍ മൂലമുണ്ടാകുന്ന ആരോഗ്യ പ്രശ്‌നങ്ങള്‍ അകാലമരണത്തിന് വഴിവച്ചേയ്ക്കുമെന്ന് കണ്ടെത്തിയത്.

ദിവസവും ജിമ്മില്‍ വ്യായാമം ചെയ്യുന്നവരാണെങ്കില്‍പ്പോലും ഇത്തരം ജോലിയില്‍ ഏര്‍പ്പെട്ടിരിക്കുന്നവരില്‍ ഈ സാധ്യത കൂടുതലാണെന്നാണ് പഠനറിപ്പോര്‍ട്ടില്‍ പറയുന്നത്.

കൂടുതല്‍ സമയം ഒരിടത്തുതന്നെ ഇരിക്കുന്നത് ഹൃദയസംബന്ധമായ പ്രശ്‌നങ്ങള്‍ക്ക് സാധ്യതയുണ്ടാക്കും. കൃത്യമായി വ്യായാമം ചെയ്യുന്നതിന്റെ ഗുണം പോലും ഈ ഇരുത്ത ജോലികാരണം ശരീരത്തിന് നഷ്ടമാകുമത്രേ.

17,000ത്തോളം പുരുഷന്മാരിലും സ്ത്രീകളിലുമാണ് ഇതുസംബന്ധിച്ച പഠനം നടത്തിയത്. ഇവരില്‍ ദിവസം മുഴുവന്‍ ഇരുന്ന് ജോലിചെയ്യുന്നവരില്‍ മറ്റുള്ളവരെ അപേക്ഷിച്ച് നേരത്തേയുള്ള മരണത്തിന് 54ശതമാനം വരെ സാധ്യതയുണ്ടെന്നാണ് കണ്ടെത്തിയത്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.