എയ്ഡ്സ് മരുന്ന്: ഗവേഷകര്‍ മൂട്ടയ്ക്ക് പിന്നാലെ

News

oi-Vijesh Krishna

By Ajith Babu

Published: Saturday, September 4, 2010, 10:45 [IST]

കിടക്കകളിലും സിനിമാ തിയറ്ററുകളിലും പതുങ്ങിയിരുന്ന് രക്തം ഊറ്റുന്ന ശല്യക്കാരന്‍ മൂട്ടയ്ക്ക് മുന്നില്‍ എയ്ഡ്‌സ് വൈറസ് മുട്ടുമടക്കുന്നു. മനുഷ്യര്‍ക്ക് ഏറെ ശല്യക്കാരനായ ഈ പ്രാണിയ്ക്ക് എയ്ഡ്‌സ് വൈറസുകളെ കൊന്നൊടുക്കാന്‍ കഴിവുണ്ടെന്നാണ് പുതിയ കണ്ടെത്തല്‍.

ദക്ഷിണാഫ്രിക്കയിലെ ഒരു സംഘം ഗവേഷകരുടെ പരീക്ഷണങ്ങളിലാണ് ഇക്കാര്യം വ്യക്തമായത്.
ഇവരുടെ പരീക്ഷണങ്ങള്‍ ശാസ്ത്രീയമായി വിജയിക്കുന്നപക്ഷം മനുഷ്യന്‍ ഏറെ ഭയക്കുന്ന എച്ച്‌ഐവി വൈറസിനെ കൊന്നൊടുക്കാന്‍ കഴിയുന്ന പ്രാണികളായി മൂട്ടകള്‍ ഒരുപക്ഷേ ഭാവിയില്‍ വാഴ്ത്തപ്പെട്ടേക്കാം.

മനുഷ്യരുടെയും മറ്റു മൃഗങ്ങളുടെയും രക്തമൂറ്റുന്ന മൂട്ടകള്‍ക്ക് എയ്ഡ്‌സ് വൈറസിനെ നശിപ്പിക്കാന്‍ കഴിവുണ്ടത്രേ. എയ്ഡ്‌സ് രോഗിയുടെ രക്തം കുടിച്ച മൂട്ടകളുടെ ശരീരത്തില്‍ ഒരു വൈറസ് പോലും ജീവനോടെ ശേഷിയ്ക്കുന്നില്ലെന്ന് ശാസ്ത്രജ്ഞര്‍ കമ്‌ടെത്തി.

ഇവയുടെ പ്രതിരോധശേഷിയെപ്പറ്റി കൂടുതല്‍ പഠനം നടത്തി എയ്ഡ്‌സ് പ്രതിരോധത്തിന് മരുന്ന കണ്ടെത്താന്‍ കഴിയുമെന്നാണ് ശാസ്ത്രജ്ഞരുടെ പ്രതീക്ഷ. ഹെപ്പറ്റൈറ്റിസ് ബി വൈറസ് മൂട്ടകളുടെ ശരീരത്തില്‍ ഏറെക്കാലം ജീവിക്കുമെങ്കിലും അവയിലൂടെ രോഗം പകരില്ലെന്നും ഗവേഷകര്‍ കണ്ടെത്തിയിട്ടുണ്ട്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.