For Quick Alerts
ALLOW NOTIFICATIONS  
For Daily Alerts

ധൈര്യമായി കുടിയ്ക്കാം ബിയര്‍

By Lakshmi
|

Beer Mug
ബിയര്‍ കുടിയ്ക്കുന്നവരെ നോക്കി കളിയാക്കുന്ന മദ്യപരെ കണ്ടിട്ടില്ലേ, ഇവന്മാര്‍ ഹോട്ടോന്നും താങ്ങില്ലെന്നും പറഞ്ഞുള്ള താങ്ങലുകള്‍ കേള്‍ക്കാത്ത ബിയര്‍ കുടിക്കാരുണ്ടാവില്ല(ബിയര്‍ കുടിക്കുന്നവര്‍മാത്രമേ കേട്ടിട്ടുണ്ടാവാന്‍ ഇടയുള്ളു).

എന്നാല്‍ ഈ ബിയര്‍ കുടിയന്മാരെ ഇനിയിങ്ങനെ കളിയാക്കേണ്ട, കാരണം ആള്‍ക്കഹോള്‍ അടങ്ങിയിരിക്കുന്ന പാനീയങ്ങളില്‍ ആരോഗ്യത്തിന് ഉത്തമമായത് കഴിയ്ക്കുന്നവരാണ് അവര്‍. മിതമായി ബിയര്‍ കഴിയ്ക്കുന്നത് ആരോഗ്യത്തിന് നല്ലതാണെന്നാണ് പുതിയ പഠനം പറയുന്നത്.

വിറ്റാമിന്‍, ഫൈബര്‍, മിനറലുകള്‍, ആന്റി ഓക്‌സിഡന്റുകള്‍ എന്നിവ അടങ്ങിയിരിക്കുന്ന ബിയറില്‍ കലോറി വളരെ കുറവുമാണ്. എന്നാല്‍ ആല്‍ക്കഹോള്‍ അടങ്ങിയ മറ്റ് പാനീയങ്ങളില്‍ കലോറിയുടെ അളവ് വളരെ കൂടുതലാണ്.

സന്തുലിതമായ ഭക്ഷണത്തിന്റെ ഗുണമാണ് ബിയര്‍ കഴിച്ചാല്‍ ലഭിക്കുന്നത്. ആവശ്യത്തിന് ഫൈബര്‍, ആവശ്യമുള്ളത്രയും ആന്റി ഓക്‌സിഡന്റുകള്‍, സിലിക്കോണ്‍ പോലെയുള്ള മിനറലുകള്‍ എന്നിവ ആരോഗ്യത്തിന് അത്യുത്തമമാണ്.

എന്നാല്‍ ബിയറിന്റെ ഗുണങ്ങളെക്കുറിച്ച് പലരും അജ്ഞരാണെന്നാണ് പഠന റിപ്പോര്‍ട്ടില്‍ പറയുന്നത്. പലരുടെയും വിചാരം ബിയറില്‍ അമിതമായി കൊഴുപ്പ് ഉണ്ടെന്നാണ്. ബിയര്‍ ഉപയോഗിക്കുന്നവരില്‍ത്തന്നെ 10 ശതമാനംപേര്‍ കൊഴുപ്പിനെ ഭയന്നാണ് ബിയര്‍ അകത്താക്കുന്നത്.

13 ശതമാനം പേരാകട്ടെ, ബിയറില്‍ അടങ്ങിയിരിക്കുന്നത് രാസദ്രവ്യങ്ങളാണെന്ന് വിശ്വസിക്കുന്നു. പ്രകൃതിയില്‍ നിന്നു ലഭിക്കുന്ന ദ്രവ്യങ്ങള്‍ മാത്രമാണ് ബിയറിലുള്ളതെന്ന് പലര്‍ക്കും അറിയില്ല.

എന്നാല്‍ ബിയറിനേക്കാള്‍ കുഴപ്പക്കാരനായ വൈന്‍ നിരുപദ്രവകാരിയാണെന്നാണ് ഇവര്‍ വിചാരിക്കുന്നത്. പലരും ഹേയ് ഞാന്‍ ബിയര്‍ കഴിക്കില്ല വൈന്‍ മാത്രമേ കഴിയ്ക്കൂ എന്ന് പൊങ്ങച്ചം മട്ടില്‍ പറയുന്നതിന്റെ പിന്നിലും ഈ അഞ്ജതതന്നെയാണ്.

Story first published: Wednesday, June 23, 2010, 14:18 [IST]
X
Desktop Bottom Promotion