സ്ത്രീകളിലെ സെക്സ് ഡ്രൈവ് കൂട്ടാന്‍ ക്ലെയ്റ

News

oi-Siji KM

By Lakshmi

Published: Thursday, June 17, 2010, 15:05 [IST]

ലൈംഗികബന്ധത്തില്‍ താല്‍പര്യമില്ലെന്നും അതില്‍ സന്തോഷം കണ്ടെത്താന്‍ കഴിയുന്നില്ലെന്നും പരാതിപ്പെടുന്ന സ്ത്രീകളുടെ എണ്ണം വളരെ ഏറെയാണ്. മാത്രവുമല്ല ആര്‍ത്തവും അതുസംബന്ധിച്ച പ്രശ്‌നങ്ങളും കാരണം വിഷമതകളനുഭവിക്കുന്നവരുടെ എണ്ണവും കുറവല്ല.

ഇതിനെല്ലാം പരിഹാരമായി ഒരു മരുന്ന് വിപണിയില്‍ എത്തുന്നു. ആസ്‌ത്രേലിയയില്‍ നിന്നുമുള്ള ഗവേഷക സംഘമാണ് ഈ മരുന്ന് വികസിപ്പിച്ചെടുത്തിരിക്കുന്നത്.

ടു ഇന്‍ വണ്‍ എന്ന് വിശേഷിപ്പിക്കാവുന്നതരത്തിലുള്ളതാണ് ക്ലെയ്‌റ എന്ന പേരിലുള്ള ഈ മരുന്ന്. കാരണം ഗര്‍ഭനിരോധന മരുന്നായും ലൈംഗികശേഷി കൂട്ടാനുള്ള മരുന്നായും ഇത് ഒരേസമയം പ്രവര്‍ത്തിക്കുമെന്നതുതന്നെ.

സ്ത്രീ ഹോര്‍മോണായ ഈസ്ട്രജനാണ് മരുന്നിലെ പ്രധാന ഘടകം. അഡ്‌ലെയ്ഡ് സര്‍വ്വകലാശാലയും ഫാമിലി പ്ലാനിങ് എന്‍എസ്ഡബ്ല്യൂസ് റിസര്‍ച്ച് സെന്ററും, ദി റോയല്‍ ഹോസ്പിറ്റല്‍ ഫോണ്‍ വുമണും സംയുക്തമായിട്ടാണ് ഇതുസംബന്ധിച്ച ഗവേഷണങ്ങള്‍ നടത്തിയത്.

ആര്‍ത്തവസമയങ്ങളില്‍ സ്ത്രീകളില്‍ കാണാറുള്ള വയറുവേദന ശരീരവേദന എന്നിവ കുറയ്ക്കാനും ഇതുപകരിക്കുമെന്നാണ് ഗവേഷകര്‍ പറയുന്നത്. എന്നാല്‍ ഗവേഷണം സംബന്ധിച്ച് പൂര്‍ണ വിവരങ്ങള്‍ ഇതേവരെ പുറത്തുവിട്ടിട്ടില്ല.

ഈ മരുന്ന് ഈ വര്‍ഷം തന്നെ ആസ്‌ത്രേലിയയില്‍ പുറത്തിറക്കുമെന്നാണ് റിപ്പോര്‍ട്ടുകള്‍ നല്‍കുന്ന സൂചന. ഒപ്പം തന്നെ യൂറോപ്പിലും, അമേരിക്കയിലും ബ്രിട്ടനിലും ലഭ്യമാകുമത്രേ.

ആര്‍ത്തവവിരാമത്തോട് അടുക്കുന്ന സ്ത്രീകളില്‍ കണ്ടുവരുന്ന ശക്തമായ ആര്‍ത്തവ വേദനയും രക്തസ്രാവവും കുറയ്ക്കാനും മരുന്നിന് കഴിയുമെന്ന് ഗവേഷകര്‍ പറയുന്നു.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.