ഉപ്പ് കുറച്ച് ഹൃദയത്തെ രക്ഷിയ്ക്കാം

News

oi-Siji KM

By Lakshmi

Published: Friday, January 29, 2010, 14:49 [IST]

ഉപ്പുകുറഞ്ഞാല്‍ ഭക്ഷണ പദാര്‍ത്ഥങ്ങള്‍ക്ക് രുചിക്കുറവുണ്ടാകുമെന്നത് സത്യമാണ്. എന്നാല്‍ ഉപ്പിന്റെ ഉപയോഗം കൂടുന്നത് ലോകമൊട്ടുക്കും ഒട്ടേറെ ജീവനുകള്‍ നഷ്ടപ്പെടാന്‍ ഇടയാക്കുന്നുണ്ട്.

ഭക്ഷണത്തില്‍ ഉപ്പുകൂടുന്നത് പക്ഷാഘാതത്തെ ക്ഷണിച്ചുവരുത്തുന്നതിന് സമമാണെന്ന് ഈയിടെ നടന്ന ഒരു പഠനത്തില്‍ നിന്നും വ്യ്ക്തമായിട്ടുണ്ട്.

ഇതിന്റെ പശ്ചാത്തലത്തില്‍ ലോകമൊട്ടുക്കുമുള്ള ജനങ്ങളോട് ഉപ്പിന്റെ ഉപയോഗം കുറയ്ക്കാന്‍ നിര്‍ദ്ദേശിക്കുകയാണ് ലോകാരോഗ്യ സംഘടന. സംഘടന പറയുന്നത് പ്രകാരം ഒരാള്‍ ഒരു ദിവസം അഞ്ച് ഗ്രാം ഉപ്പുമാത്രമേ ഉപയോഗിക്കാന്‍ പാടുള്ളു എന്നാണ്.

എന്നാല്‍ കണക്കുകള്‍ കാണിക്കുന്നത് ആളുകള്‍ ദിവസേന ശരാശരി 10ഗ്രാമിലും കൂടുതല്‍ ഉപ്പുപയോഗിക്കുന്നുണ്ടെന്നാണ്. ദിവസേന ഒരു ടേബിള്‍ സ്പൂണ്‍ ഉപ്പില്‍ കുറവാണ് ഉപയോഗിക്കുന്നതെങ്കില്‍ പക്ഷാഘാതം വരാനുള്ള സാധ്യത 25 ശതമാനം കുറയ്ക്കാനാവുമെന്നാണ് പഠനത്തില്‍ കണ്ടെത്തിയത്.

ഉപ്പിന്റെ ഉപയോഗം കുറയ്ക്കുന്നത് ഹൃദ്രോഗ സാധ്യത 17 ശതമാനമായി കുറയ്ക്കുമെന്ന് പലപ്പോഴായി നടന്ന 13 പഠനങ്ങളില്‍ കണ്ടെത്തിയിട്ടുണ്ട്. വാര്‍വിക് സര്‍വ്വകലാശാലയിലെ ഗവേഷകര്‍ നടത്തിയ പഠനമാണ് ഈ വിഷയത്തില്‍ ഏറ്റവും ഒടുവില്‍ പുറത്തുവന്നത്.

170,00 ആളുകളിലാണ് ഗവേഷകര്‍ പഠനം നടത്തിയത്. ഈ പഠനം ഉപ്പിന്റെ ദോഷങ്ങളെ വിശദീകരിക്കുന്നതാണ്. ദിവസം അഞ്ച് ഗ്രാം ഉപ്പ് കുറയ്ക്കുന്നത് വഴി ഒരു വര്‍ഷം ഹൃദ്രോഗം മൂലമുണ്ടാകുന്ന മരണങ്ങളില്‍ 1.25 ദശലക്ഷം മരണം ഒഴിവാക്കാന്‍ കഴിയുമെന്നാണ് ഗവേഷകര്‍ പറയുന്നത്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.