വെയില്‍ കൊണ്ടാല്‍ ലൈംഗിക ശേഷി

വെയിലും ലൈംഗികതയും തമ്മിലെന്തെങ്കിലും ബന്ധമുണ്ടോ? ഉണ്ടെന്നാണ്‌ ഇതുസംബന്ധിച്ച്‌ പഠനങ്ങള്‍ നടത്തിയ ഗവേഷകര്‍ പറയുന്നത്‌.

വെയില്‍ കൊള്ളുന്നതിലൂടെ ഒട്ടുമിക്ക ലൈംഗിക പ്രശ്‌നങ്ങളും പരിഹരിക്കാന്‍ കഴിയുമത്രേ. ലൈംഗിക പ്രശ്‌നങ്ങള്‍ നേരിടുന്ന പുരുഷന്മാരില്‍ മൂന്നില്‍ ഒരാള്‍ക്ക്‌ എന്ന തോതില്‍ വിറ്റാമിന്‍ ഡിയുടെ കുറവുണ്ടത്രേ.

സൂര്യപ്രകാശം ശരീരത്തില്‍ ഏല്‍ക്കുന്നത്‌ വഴി ഈ കുറവ്‌ പരിഹരിക്കപ്പെടുന്നു. ഇതുവഴി ലൈംഗിക പ്രശ്‌നങ്ങള്‍ക്കും പരിഹാരമാകുന്നുവെന്നാണ്‌ ഗവേഷകര്‍ പറയുന്നത്‌. പരീക്ഷണത്തിലൂടെ ഇക്കാര്യം തെളിയിക്കപ്പെട്ടിട്ടുണ്ടെന്നാണ്‌ ഗവേഷകര്‍ അവകാശപ്പെടുന്നത്‌.

ശരീരത്തില്‍ സൂര്യപ്രകാശം ഏല്‍ക്കുന്നതില്‍ നിന്നും വിമുഖത പുലര്‍ത്തുന്നവരാണ്‌ പുരുഷന്മാരെന്ന്‌ ഗവേഷക സംഘത്തിലെ ഡോക്ടര്‍ ആന്‍ ക്ലാര്‍ക്ക്‌ പറയുന്നു. ജീവിത ക്രമത്തില്‍ ഗുണകരമായ മാറ്റങ്ങള്‍ വരുത്തിയാല്‍ ഒരു പരിധിവരെ ലൈംഗിക സംബന്ധമായ പ്രശ്‌നങ്ങള്‍ പരിഹരിക്കാന്‍ കഴിയുമെന്നും ക്ലാര്‍ക്ക്‌ പറയുന്നു.

വെയില്‍ കൊള്ളുന്നതിനൊപ്പം പുകവലി, മദ്യപാനം എന്നിവ കുറയ്‌ക്കുക, ശരീര ഭാരം ലഘൂകരിക്കുക, കാപ്പിയുടെ ഉപയോഗം കുറയ്‌ക്കുക എന്നിവയും ഗവേഷകര്‍ നിര്‍ദ്ദേശിക്കുന്നു.

ഇത്തരത്തിലുള്ള പരീക്ഷണങ്ങള്‍ക്ക്‌ വിധേയരായ പുരുഷന്മാരുടെ ബീജാരോഗ്യം വര്‍ധിച്ചതായും ഇതില്‍ 31 പേര്‍ക്ക്‌ കുഞ്ഞുങ്ങളുണ്ടായതായും ഗവേഷകര്‍ അവകാശപ്പെടുന്നു.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.