30വര്‍ഷത്തിനുള്ളില്‍ വന്ധ്യത ഇല്ലാതാകും

മക്കളില്ലെന്ന ദുഖം അനുഭവിക്കുന്നവര്‍ക്കും ഭാവിയില്‍ വന്ധ്യത വന്നേയ്‌ക്കുമോയെന്ന്‌ ഭയപ്പെടുന്നവര്‍ക്കും ആശ്വസിക്കാന്‍ വകനല്‍കുന്ന ഒരു വാര്‍ത്ത. വധ്യതാ പ്രശ്‌നത്തിന്‌ അടുത്ത മുപ്പത്‌ വര്‍ഷത്തിനുള്ളില്‍ പൂര്‍ണ പരിഹാരം കാണാനാകുമെന്ന്‌ ശാസ്‌ത്രലോകം പറയുന്നു.

സ്വാഭാവിക ഗര്‍ഭധാരണത്തിന്റെ സ്ഥാനത്ത്‌ കൃത്രിമ ഗര്‍ഭധാരണം എന്ന ആശയമാണ്‌ ഗവേഷകര്‍ മുന്നോട്ടുവയ്‌ക്കുന്നത്‌. ഇതുവഴി ഏതു പ്രായക്കാര്‍ക്കും ഗര്‍ഭം ധരിക്കാന്‍ കഴിയുമത്രേ.

ഇത്‌ വെറും ഭാവനയല്ലെന്നും മുപ്പത്‌ വര്‍ഷത്തിനുള്ളില്‍ ഏത്‌ പ്രായത്തിലുള്ളവര്‍ക്കും ഗര്‍ഭംധരിക്കാമെന്ന കാര്യം യാഥാര്‍ത്ഥ്യമാകുമെന്നും ശാസ്‌ത്രപ്രസിദ്ധീകരണമായ നേച്ചറില്‍ പ്രസിദ്ധീകരിച്ച റിപ്പോര്‍ട്ടില്‍ പറയുന്നു.

ജനിതകമായി നവീകരിച്ച ഭ്രൂണം വഴി ജനിക്കുന്ന ശിശുക്കള്‍ രോഗവിമുക്തരാണെന്ന്‌ ഉറപ്പാക്കാമെന്നും ഗവേഷകര്‍ പറയുന്നു. വന്ധ്യതാ ചികിത്സയ്‌ക്കുള്ള ചെലവു കുറയുന്നതിനാല്‍ സാധാരണക്കാര്‍ക്കും ഇത്‌ പ്രാപ്യമാകുമത്രേ.

പലരാജ്യങ്ങളിലും നിരോധനമുണ്ടെങ്കിലും ക്ലോണിംഗിലൂടെയുള്ള ശിശുക്കള്‍ യാഥാര്‍ത്ഥ്യമാകുമെന്നും റിപ്പോര്‍ട്ട്‌ പറയുന്നു.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.