പങ്കാളിയുടെ പുകവലിയ്‌ക്കെതിരെ ജാഗ്രതൈ

പുകവലിയുണ്ടാക്കുന്ന വിവിധതരത്തിലുള്ള ആരോഗ്യ പ്രശ്‌നങ്ങള്‍ പലപ്പോഴായി നടന്ന ഗവേഷണങ്ങളിലൂടെയും പഠനങ്ങളിലൂടെയും വ്യക്തമായിട്ടുണ്ട്‌. അടുത്തിടെ നടന്ന പുതിയൊരു ഗവേഷണത്തില്‍ പുകവലിയുടെ മറ്റൊരു ദോഷഫലം കൂടി വ്യക്തമായിരിക്കുന്നു.

പുകവലിക്കുന്നവരുടെ പുകവലിക്കാത്ത പങ്കാളികളില്‍ പക്ഷാഘാത(സ്‌ട്രോക്ക്‌)ത്തിനുള്ള സാധ്യത വളരെക്കൂടുതലാണെന്നതാണ്‌ പുതിയ പഠനഫലം. അതായത്‌ സ്‌ത്രീകളാണ്‌ കൂടുതലായും ഈ ആരോഗ്യപ്രശ്‌നത്തിന്‌ ഇരകളാകുന്നതെന്ന്‌ ചുരുക്കം.

ഹാര്‍വാര്‍ഡ്‌ യൂണിവേഴ്‌സിറ്റിയിലെ ഒരു ഗവേഷകസംഘമാണ്‌ ഇതുസംബന്ധിച്ച പഠനം നടത്തിയത്‌. 16,000ത്തില്‍പ്പരം ആളുകളുടെ ആരോഗ്യ റിപ്പോര്‍ട്ടുകള്‍ പഠനവിധേയമാക്കിയാണ്‌ ഗവേഷകര്‍ ഇക്കാര്യം കണ്ടെത്തിയത്‌.

പുകവലിക്കുന്നവരില്‍ പക്ഷാഘാതം വളരെ സാധാരണമായി കാണപ്പെടുന്ന ഒരു പ്രശ്‌നമാണ്‌. പുകവലിക്കാത്തവരില്‍ പക്ഷാഘാതമുണ്ടാകാനുള്ള സാധ്യത 72ശതമാനമാണ്‌. എന്നാല്‍ പുകവലിക്കാരായ പങ്കാളികള്‍ക്കൊപ്പം ജീവിക്കുന്നവരില്‍ പക്ഷാഘാതമുണ്ടാകാനുള്ള സാധ്യത 42ശതമാനമാണത്രേ.

എന്നാല്‍ പങ്കാളികളില്‍ ഒരാള്‍ പുകവലി തുടരുന്നയാളും മറ്റേയാള്‍ മുമ്പ്‌ പുകവലിയ്‌ക്കുകയും പിന്നീട്‌ ആ ശീലം ഉപേക്ഷിക്കുകയും ചെയ്‌തയാളുമാണെങ്കില്‍ പക്ഷാഘാതമുണ്ടാകാനുള്ള സാധ്യത 72ശതമാനം അധികമാണ്‌. മുമ്പ്‌ പുകവലിക്കുകയും പിന്നീട്‌ അത്‌ ഉപേക്ഷിക്കുകയും ചെയ്‌തയാളെ വിവാഹം ചെയ്യുന്നത്‌ ആരോഗ്യ പ്രശ്‌നങ്ങള്‍ക്ക്‌ കരാണമാകുന്നില്ലെന്നും ഗവേഷകര്‍ പറയുന്നു.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.