ശ്വാസകോശവും ഹൃദയവും തമ്മില്‍

ശ്വാസകോശ രോഗങ്ങളും ഹൃദയാഘാതവും തമ്മില്‍ ബന്ധമുണ്ടെന്ന്‌ പുതിയ പഠനറിപ്പോര്‍ട്ട്‌. ശ്വാസകോശ രോഗമുള്ളവര്‍ക്ക്‌ ഹൃദയാഘാതം ഉണ്ടാകാനുള്ള സാധ്യത മൂന്ന്‌ മടങ്ങ്‌ കൂടുതലാണെന്ന്‌ പഠന റിപ്പോര്‍ട്ട്‌ പറയുന്നു.

നോട്ടിങ്‌ഹാം സര്‍വ്വകലാശാലയിലെ ഗവേഷകരാണ്‌ ഇത്‌ സംബന്ധിച്ച്‌ പഠനം നടത്തിയത്‌. ശ്വാസകോശരോഗമുള്ളവര്‍ക്ക്‌ ഹൃദ്രോഗങ്ങള്‍ക്ക്‌ പുറമേ പക്ഷാഘാതം ഞരമ്പ്‌ രോഗങ്ങള്‍ എന്നിവ ഉണ്ടാകാനുള്ള സാധ്യതയും കൂടുതലാണെന്നാണ്‌ ഗവേഷകര്‍ പറയുന്നത്‌.

ശ്വാസകോശരോഗമുള്ളവരുടെ ഹൃദയസ്‌പന്ദനം ക്രമരഹിതമായിരിക്കും. ഇതാണ്‌ ഹൃദ്രോഗത്തിന്‌ കാരണമാകുന്നത്‌. ശ്വാസകോശ രോഗങ്ങളും ഹൃദ്രോഗങ്ങളും തമ്മിലുള്ള ബന്ധത്തെക്കുറിച്ച്‌ ഇതേവരെ കാര്യമായ പഠനങ്ങള്‍ നടന്നിട്ടില്ല.

അമേരിക്കന്‍ ജേണല്‍ ഓഫ്‌ റസ്‌പിറേറ്ററി ആന്റ്‌ ക്രിട്ടിക്കല്‍ കെയര്‍ മെഡിസിന്‍ എന്ന ജേണലിലാണ്‌ ഈ പഠന റിപ്പോര്‍ട്ട്‌ പ്രസിദ്ധീകരിച്ചിരിക്കുന്നത്‌.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.