മുട്ട കഴിയ്‌ക്കാം ഭാരം കുറയ്‌ക്കാം

ശരീരഭാരം കുറയ്‌ക്കാന്‍ മുട്ടകഴിച്ചാല്‍ മതിയോ മതിയെന്നാണ്‌ ഈയിടെ നടന്ന ഒരു പഠനത്തില്‍ വ്യക്തമായിരിക്കുന്നത്‌.

പ്രാതലിനൊപ്പം രണ്ടുമുട്ടവരെ കഴിച്ചാല്‍ ദിവസം മുഴുവന്‍ ഊര്‍ജ്ജ്വസ്വലത നിലനില്‍ക്കുകയും അമിതഭാരം കുറയുകയും ചെയ്യുമെന്നാണ്‌ ഇതിനെക്കുറിച്ച്‌ പഠനം നടത്തിയ പെന്നിംഗ്‌ടണ്‍ ബയോമെഡിക്കല്‍ റിസര്‍ച്ച്‌ സെന്ററിലെ ഡോക്ടര്‍ നിഖില്‍ വി ധുരന്ധര്‍ പറയുന്നത്‌.

രാവിലെ രണ്ടുമുട്ടകഴിയ്‌ക്കുകയാണെങ്കില്‍ പൊണ്ണത്തടിയുള്ള മുതിര്‍ന്നവരുടെ ഭാരം 65ശതമാനംവരെ കുറയുമത്രേ. മുട്ടയുടെ ഗുണമാണ്‌ ഇതിന്‌ കാരണമാകുന്നതെന്നാണ്‌ കരുതുന്നതെങ്കില്‍ തെറ്റി. രാവിലെ രണ്ടുമുട്ടകഴിച്ചുകഴിഞ്ഞാല്‍ തുടര്‍ന്ന്‌ ദിവസംമുഴുവന്‍ കഴിയ്‌ക്കുന്ന ഭക്ഷണത്തിന്റെ അളവ്‌ കുറയും ഇതുതന്നെയാണ്‌ ഭാരം കുറയാന്‍ സഹായിക്കുന്നതും.

ശരീരഭാരം കൂടുതലുള്ള ഒരു കൂട്ടമാളുകളിലാണ്‌ നിഖില്‍ പഠനം നടത്തിയത്‌. ഇവരെ രണ്ടു വിഭാഗമായി തിരിച്ച്‌ ഒരു വിഭാഗത്തിന്‌ പ്രാതലായി അപ്പവും മറ്റേ വിഭാഗത്തിന്‌ രണ്ടുമുട്ടയും നല്‍കി. ഇത്‌ രണ്ടുമാസത്തോളം തുടര്‍ന്നു. ഇരു വിഭാഗത്തിനും ലഭിച്ച കലോറിയുടെ അളവ്‌ തുല്യമായിരുന്നു. എന്നാല്‍ മുട്ടകഴിച്ചവരുടെ തൂക്കം 61 ശതമാനം കുറഞ്ഞിരുന്നു.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.