സെക്‌സിന് പിന്നില്‍ കാമം!

237 കാരണങ്ങള്‍കൊണ്ടാണ്‌ മനുഷ്യര്‍ ലൈംഗിക ബന്ധത്തിലേര്‍പ്പെടുന്നതെന്ന കണ്ടെത്തിലിന്‌ പിന്നാലെ ലൈംഗികത സംബന്ധിച്ച പുതിയ വെളിപ്പെടുത്തലുമായി ഗവേഷകര്‍ വീണ്ടും രംഗത്ത്‌.

പ്രണയമല്ല ലൈംഗിക ബന്ധത്തിന്‌ പ്രേരിപ്പിക്കുന്ന ഘടകമെന്നും കാമമാണ്‌ ഈ ആഗ്രഹത്തിലേയ്‌ക്ക്‌ മനുഷ്യരെ നയിക്കുന്നതെന്നുമാണ്‌ ഗവേഷകര്‍ പറയുന്നത്‌.

ടെക്‌സാസ്‌ യൂണിവേഴ്‌സിറ്റിയിലെ ഗവേഷകര്‍ അഞ്ചു വര്‍ഷം ചെലവഴിച്ചാണ്‌ ലൈംഗികതയ്‌ക്കുപിന്നിലെ ഈ മാനസിക രഹസ്യം കണ്ടെത്തിയിരിക്കുന്നത്‌. ഇവര്‍ പഠനം നടത്തിയതാകട്ടെ സ്വന്തം കീശയില്‍ നിന്നും പണം ചെലവഴിച്ചുമാണ്‌. ആര്‍ക്കൈവ്‌ഡ്‌ സെക്‌ ഷ്വല്‍ ബിഹേവിയര്‍ എന്ന ജേണലിന്റെ ആഗസ്റ്റ്‌ ലക്കത്തിലാണ്‌ ഗവേഷകര്‍ ഇക്കാര്യം പ്രസിദ്ധീകരിച്ചിരിക്കുന്നത്‌.

ഒരാളെ കാണുമ്പോള്‍ തോന്നുന്ന ശാരീരികമായ ആകര്‍ഷണമാണ്‌ ലൈംഗിക ബന്ധത്തിലേര്‍പ്പെടണമെന്ന ആഗ്രഹം തങ്ങളിലുണ്ടാക്കുന്നതെന്നാണ്‌ പഠനത്തിനായി വിവരങ്ങള്‍ നല്‍കിയ പുരുഷന്മാരും സ്‌ത്രീകളും വെളിപ്പെടുത്തിയിരിക്കുന്നത്‌.

മാത്രവുമല്ല സ്‌ത്രീകളും പുരുഷന്മാരും ലൈംഗിക ബന്ധത്തിലേര്‍പ്പെടാനുള്ള കാരണങ്ങളായി പറഞ്ഞ ആദ്യത്തെ 25 കാരണങ്ങളും സമാനങ്ങളാണ്‌. സ്‌നേഹവും ഇഷ്ടവും ആദ്യ പത്തുകാരണങ്ങളില്‍ ഉള്‍പ്പെടുകയും ചെയ്യുന്നു.

പക്ഷേ ഇരുകൂട്ടരും ആദ്യം പറയുന്ന കാരണം ശാരീരികമായ ആകര്‍ഷണവും അതില്‍ നിന്നുണ്ടാകുന്ന സന്തോഷവും തന്നെയാണ്‌ ലൈംഗികതയിലേര്‍പ്പെടാന്‍ പ്രേരിപ്പിക്കുന്നതെന്നാണ്‌.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.