കമ്പ്യൂട്ടര്‍ കയ്യ് നശിപ്പിക്കും

കമ്പ്യൂട്ടറില്‍ കുടുതല്‍ നേരം ജോലിചെയ്യുന്നത്‌, പ്രത്യേകിച്ചും ടൈപ്പ്‌ ചെയ്യുന്നത്‌ വിരലുകളിലെ മസിലുകളെ ബലഹീനമാക്കുമെന്ന്‌ പഠനങ്ങള്‍.

കമ്പ്യൂട്ടര്‍ കീബോര്‍ഡില്‍ കൂടുതല്‍ ടൈപ്പ്‌ ചെയ്യുന്നവര്‍ പിന്നീട്‌ പേന ഉപയോഗിച്ച്‌ എഴുതുമ്പോഴാണത്രേ ഈ ബലഹീനത തിരിച്ചറിയാന്‍ കഴിയുക.

തുടര്‍ച്ചയായി ദീര്‍ഘനാള്‍ കമ്പ്യൂട്ടറില്‍ ടൈപ്പ്‌ ചെയ്‌ത്‌ കഴിഞ്ഞ്‌ കടലാസും പേനയും ഉപയോഗിച്ച്‌ എഴുതുമ്പോള്‍ കയ്യെഴുത്ത്‌ വികൃതമായിപ്പോകുന്നുവെന്ന പരാതികള്‍ കൂടിവരുകയാണ്‌. ഇതിന്‌ കാരണം കൈവിരലുകളുടെ സ്വാഭാവിക ചലനശേഷി കുറയുകയും സന്ധികളുടെ വഴക്കം കുറയുകയും ചെയ്യുന്നതാണ്‌. എഴുതുമ്പോള്‍ വിരലുകള്‍ക്ക്‌ കഴപ്പും തളര്‍ച്ചയും അനുഭവപ്പെടുന്നു.

കമ്പ്യൂട്ടര്‍ കീബോര്‍ഡില്‍ മാത്രമല്ല മൊബൈല്‍ കീപാഡിലും കൂടുതല്‍ ടൈപ്പ്‌ ചെയ്യുന്നത്‌ ഈ അസുഖത്തിന്‌ കാരണമാകുമെന്നാണ്‌ ആരോഗ്യവിദഗ്‌ധര്‍ പറയുന്നത്‌. കമ്പ്യൂട്ടറിന്റെ ഉപയോഗം കൂടുതന്നതിനനുസരിച്ച്‌ ആളുകളില്‍ വാതസംബന്ധമായ അസുഖങ്ങളും കൂടുകയാണെന്ന്‌ എല്ലുരോഗ വിദഗ്‌ധര്‍ ചൂണ്ടിക്കാട്ടുന്നു.

കൂടുതലായി ടൈപ്പ്‌ ചെയ്യുമ്പോള്‍ കൈകളിലെ സന്ധികളുടെ വഴക്കം കുറയുന്നു. ഇത്‌ പിന്നീട്‌ വേദനയനുഭവപ്പെടാന്‍ കാരണമാകുന്നു ഇത്‌ പതിയെ വാതത്തിലേയ്‌ക്ക്‌ നയിക്കുന്നു.

കമ്പ്യൂട്ടറുകളുടെ ഉപയോഗം കുറയ്‌ക്കുകയെന്ന്‌ പ്രായോഗിക മാര്‍ഗ്ഗമല്ല. പക്ഷേ വാഹനങ്ങളിലിരുന്നും, കിടക്കയിലും മറ്റും വെച്ചും ലാപ്‌ടോപ്പില്‍ ടൈപ്പുചെയ്യാതിരുന്നാല്‍ത്തന്നെ ഈ പ്രശ്‌നം ഒരു പരിധിവരെ പരിഹരിക്കാന്‍ കഴിയുമെന്ന്‌ ഡോക്ടര്‍മാര്‍ പറയുന്നു.

മാത്രമല്ല ജോലിസ്ഥലത്തായാലും തുടര്‍ച്ചയായി ടൈപ്പ്‌ ചെയ്യാതെ ഇടയ്‌ക്ക്‌ ഇടവേളകളെടുക്കുകയും കൈവിരലുകള്‍ക്ക്‌ വ്യായാമം നല്‍കുകയും ചെയ്യുന്നതും നല്ലതാണ്‌.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.