കൂര്‍ക്കംവലി ഉറക്കം കെടുത്തുമ്പോള്‍

ലണ്ടന്‍: ഉറക്കത്തിനിടെ കൂര്‍ക്കം വലിയ്‌ക്കുന്നതുമൂലം മറ്റുള്ളവരെ കിടത്തി ഉറക്കാത്തവരാണ്‌ ബ്രിട്ടീഷ് ജനതയിലെ 75ശതമാനം പേരുമെന്ന്‌ പഠനം റിപ്പോര്‍ട്ട്‌.

ചെയിന്‍ ട്രാവലോഡ്‌ജ്‌ എന്ന ഹോട്ടല്‍ നടത്തിയ വോട്ടെടുപ്പിലാണ്‌ ഇക്കാര്യം വ്യക്തമാക്കുന്നത്‌. വോട്ടെടുപ്പില്‍ കൂര്‍ക്കം വലിയുടെ തലസ്ഥാനം എന്നു വിശേഷിപ്പിച്ചിരിക്കുന്നത്‌ കോവന്‍ട്രിയെയാണ്‌. ഇവിടത്തെ 90ശതമാനം മുതിര്‍ന്നവരും ഈ ദുശ്ശീലമുള്ളവരാണ്‌.

വോട്ടെടുപ്പില്‍ പങ്കെടുത്ത 1,788 മുതിര്‍ന്നവരില്‍ 21ശതമാനം പേരും കൂര്‍ക്കം വലിമൂലം കിടപ്പറയില്‍ തങ്ങള്‍ക്ക്‌ മുഷിവനുഭവപ്പെടുന്നുവെന്ന്‌ തുറന്നുപറഞ്ഞിട്ടുണ്ട്‌. ഇതില്‍ പത്തുപേരില്‍ ഒരാളെന്ന നിലയ്‌ക്ക്‌ കൂര്‍ക്കം വലിമൂലം പുതിയ ഒരു പങ്കാളിയ്‌ക്കൊപ്പം ഉറങ്ങാന്‍ കഴിയുന്നില്ലെന്നും സമ്മതിച്ചിട്ടുണ്ട്‌. അതേപോലെതന്നെ അഞ്ചില്‍ ഒരാള്‍ എന്ന നിലയില്‍ കൂര്‍ക്കംവലി ദാമ്പത്യ ബന്ധത്തില്‍ പ്രശ്‌നങ്ങള്‍ക്ക്‌ കാരണമാകുന്നതായും വ്യക്തമാക്കി.

ബ്രിട്ടനില്‍ കൂര്‍ക്കം വലിക്കാര്‍ ഏറ്റവും കൂടുതലുള്ള സ്ഥലങ്ങള്‍ കോവന്‍ട്രി(90%), ഷെഫീല്‍ഡ്‌(87%), ഗ്ലാസ്‌ഗോ(86%), പ്ലിമൗത്ത്‌(82%), ലീഡ്‌സ്‌(82%), ന്യൂകാസില്‍(79%), ബ്രിസ്റ്റൊള്‍(79%), മാഞ്ചസ്റ്റര്‍(78%), ലിവര്‍പൂള്‍(77%), ബെല്‍ഫാസ്റ്റ്‌(75%)

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.