2024ല്‍ കോവിഡ് രൂക്ഷമാകുമോ, ആശങ്കയായി വീണ്ടും കോവിഡ് ഭീതി; JN.1 ലക്ഷണങ്ങള്‍ ശ്രദ്ധിക്കണം

കോവിഡിന്‍റെ പിറോള (COVID Variant BA.2.86 - Pirola) വകഭേദത്തിന് ശേഷം, അതിന്റെ പിൻഗാമിയായ ജെഎൻ.1 യുഎസിലും ചൈനയിലും ഇപ്പോൾ ഇന്ത്യയിലും കണ്ടെത്തിയ വാര്‍ത്തയാണ് പോയവാരം നാം കണ്ടത്. പിറോള അല്ലെങ്കിൽ ബിഎ.2.86-നെ അപേക്ഷിച്ച് സ്പൈക്ക് പ്രോട്ടീനിൽ ഒരൊറ്റ മ്യൂട്ടേഷൻ ഉള്ള പുതിയ സ്ട്രെയിൻ ഡിസംബർ 8-ന് കേരളത്തിലെ തിരുവനന്തപുരം ജില്ലയിലെ കരകുളത്ത് കണ്ടെത്തി.

ഉയർന്ന സംപ്രേക്ഷണക്ഷമതയും നേരിയ ലക്ഷണങ്ങളും ഉള്ള ഒമിക്‌റോൺ വകഭേദത്തില്‍ നിന്ന് ജെ.എൻ. 1-ഉം വ്യത്യസ്തമല്ല, പ്രതിരോധ ശേഷി കുറഞ്ഞവരെ എളുപ്പത്തില്‍ ബാധിക്കുന്നതിനാൽ പ്രതിരോധ നടപടികൾ പ്രധാനമാണ്. പനി, മൂക്കൊലിപ്പ്, തൊണ്ടവേദന, ദഹന പ്രശ്നങ്ങള്‍ എന്നിവ ഈ വകഭേദവുമായി ബന്ധപ്പെട്ട ലക്ഷണങ്ങളിൽ ഉൾപ്പെടുന്നവയാണ്.

സെപ്റ്റംബറിൽ യു‌എസ്‌എയിൽ ജെഎൻ.1 ആദ്യമായി കണ്ടെത്തി ചൈനയിൽ ഡിസംബർ 15 ന് 7 കേസുകൾ റിപ്പോര്‍ട്ട് ചെയ്യപ്പെട്ടു. ഇത് പുതിയ വകഭേദത്തിന്റെ വ്യാപനത്തെക്കുറിച്ച് ലോകമെമ്പാടും ആശങ്കയുണ്ടാക്കി. കോവിഡ് -19, ഇൻഫ്ലുവൻസ എന്നിവയുടെ പുതിയ കേസുകൾ അമേരിക്കയുടെ ആരോഗ്യ സംവിധാനത്തെ ബാധിച്ചേക്കാമെന്ന് സെന്റർ ഓഫ് ഡിസീസ് കൺട്രോൾ ആൻഡ് പ്രിവൻഷൻ മുന്നറിയിപ്പ് നൽകി. പുതിയ കോവിഡ് വേരിയന്റ് ആയ JN.1 ഇപ്പോൾ വളരെ വേഗത്തില്‍ പടര്‍ന്നു പിടിക്കുന്നതായി CDC-യുടെ ട്രാക്കിംഗ് റിപ്പോര്‍ട്ട് ചെയ്യുന്നു.

ഇന്ത്യയിലെ ജെഎൻ.1 വകഭേദം :

കേരളത്തിൽ അടുത്തിടെയാണ് ജെഎൻ.1 സ്‌ട്രെയിൻ കൊറോണ വൈറസ് കണ്ടെത്തിയത്. ഡിസംബർ 8 ന് തിരുവനന്തപുരം ജില്ലയിലെ കരകുളത്ത് നിന്നുള്ള ആർടി-പിസിആർ പോസിറ്റീവ് സാമ്പിളിലാണ് കേസ് കണ്ടെത്തിയത്. 79 കാരിയായ സ്ത്രീക്ക് ഇൻഫ്ലുവൻസ ലൈക്ക് ഇൽനെസ് (ഐഎൽഐ) യുടെ നേരിയ ലക്ഷണങ്ങൾ ഉണ്ടായിരുന്നു, അതിനുശേഷം കോവിഡിൽ നിന്ന് സുഖം പ്രാപിച്ചു. ഉപ-വകഭേദം - ലക്സംബർഗിൽ ആദ്യമായി തിരിച്ചറിഞ്ഞ- പിറോള വേരിയന്റിന്റെ (BA.2.86) പിൻഗാമിയായാണ്, ഇത് ഒമിക്രോൺ ഉപ വേരിയന്റിന്റെ പിൻഗാമിയാണ്. സ്പൈക്ക് പ്രോട്ടീനിലെ മ്യൂട്ടേഷൻ ഇതിൽ അടങ്ങിയിരിക്കുന്നു, ഇത് വർദ്ധിച്ച രീതിയില്‍ പടരുന്നതിനും രോഗപ്രതിരോധ ശേഷി കുറക്കുന്നതിനും കാരണമാകാം. വൈറസ് ആളുകളെ ബാധിക്കുന്നതിൽ സ്പൈക്ക് പ്രോട്ടീൻ നിർണായക പങ്ക് വഹിക്കുന്നു.

JN.1 കൊവിഡിന്റെ ലക്ഷണങ്ങൾ :

യുണൈറ്റഡ് സ്റ്റേറ്റ്സില്‍ ഇപ്പോള്‍ ഉയര്‍ന്നുവരുന്ന കേസുകളിൽ ഏകദേശം 15 ശതമാനം മുതൽ 29 ശതമാനം വരെ JN.1 ആണ്. രോഗബാധയും സംക്രമണക്ഷമതയും വർധിച്ചിട്ടുണ്ടെങ്കിലും, JN.1 ന്റെ ലക്ഷണങ്ങൾ താരതമ്യേന കുറവാണ്.

റിപ്പോർട്ട് ചെയ്യപ്പെട്ട ലക്ഷണങ്ങള്‍ പ്രകാരം പനി, മൂക്കൊലിപ്പ്, തൊണ്ടവേദന, തലവേദന, ചുമ, ചില സന്ദർഭങ്ങളിൽ ചെറിയ ദഹന സംബന്ധമായ ലക്ഷണങ്ങൾ എന്നിവ ഉൾപ്പെടുന്നു. കൈ - മൂക്ക് ശുചീകരണം, ട്രിപ്ലൈ മാസ്‌കിന്റെ ഉപയോഗം, സാമൂഹിക അകലം പാലിക്കൽ തുടങ്ങിയ മുൻകരുതലുള്ള പ്രതിരോധ നടപടികൾ പാലിച്ചില്ലെങ്കിൽ, അതിന്റെ സംക്രമണക്ഷമത കാരണം, JN.1 ന് കൊവിഡ് വൈറസ് വ്യാപനത്തിന്റെ തീവ്രത കൂടിയേക്കാം.

അടുത്തിടെ, കേരളത്തിൽ ഒമൈക്രോണിന്റെ ഉപ-വകഭേദമായ JN.1 കണ്ടെത്തിയിട്ടുണ്ട്. ഈ വർഷം സെപ്റ്റംബറിൽ യുഎസ്എയിലാണ് ഇത് ആദ്യമായി കണ്ടെത്തിയത്, അതിനുശേഷം ഇത് പല രാജ്യങ്ങളിലും റിപ്പോർട്ട് ചെയ്യപ്പെട്ടിട്ടുണ്ട്. മുമ്പ് അണുബാധയുള്ളവരിലും വാക്സിനേഷൻ എടുത്തവരിലും ഇത് ബാധിക്കാമെന്ന് വിദഗ്ദ്ധര്‍ പറയുന്നു. മാത്രമല്ല ഇത് അതിവേഗം പടരുന്ന വൈറസാണ്, എന്നാല്‍ ഇവയുടെ ലക്ഷണങ്ങള്‍ സാധാരണയായി 4-5 ദിവസത്തിനുള്ളിൽ മെച്ചപ്പെടുന്നതയും കണ്ടുവരുന്നു.

ചില രോഗികൾക്ക് ശ്വസിക്കാൻ ബുദ്ധിമുട്ടും ഉണ്ടായെക്കാ,. എന്നാല്‍ ഇത് മറ്റേതൊരു വേരിയന്റിനേക്കാൾ ഗുരുതരമാണെന്നതിന് തെളിവുകളൊന്നുമില്ല, അതിനാൽ പരിഭ്രാന്തരാകേണ്ടതില്ല എന്ന് ആരോഗ്യ കേന്ദ്രങ്ങള്‍ അറിയിച്ചു. അണുബാധ പടരുന്നത് തടയാൻ, ഇടയ്ക്കിടെ കൈകഴുകുക, മാസ്ക് ധരിക്കുക, സാമൂഹിക അകലം പാലിക്കുക തുടങ്ങിയ എല്ലാ സമ്പർക്ക മുൻകരുതലുകളും പാലിക്കേണ്ടതുണ്ട്.

വാക്സിനുകൾ, ചികിത്സകൾ :

നിലവിലുള്ള COVID-19 വാക്‌സിനുകളോടും ചികിത്സകളോടും ഉള്ള പ്രതികരണം വിലയിരുത്തുന്നതിലാണ് ഈ പുതിയ വേരിയന്റ് കൈകാര്യം ചെയ്യുന്നതിനുള്ള ഒരു പ്രധാന ഘടകം. എന്നാല്‍ ആശാവഹമായ കാര്യം എന്തെന്നാല്‍ ഏറ്റവും പുതിയ വാക്സിനുകൾ JN.1 നെതിരെ ഫലപ്രദമായി ഉപയോഗിക്കാം എന്നാണ് പ്രാഥമിക സൂചനകൾ നല്‍കുന്നത്. എങ്കിലും ഈ വേരിയന്റിനെതിരെ നിലവിലുള്ള മെഡിക്കൽ പ്രതിരോധ നടപടികളുടെ ഫലപ്രാപ്തി ഉറപ്പാക്കാൻ ഗവേഷണവും നിരീക്ഷണവും അത്യന്താപേക്ഷിതമാണ്.

JN.1-ന്റെയും മറ്റ് COVID-19 വേരിയന്റുകളുടെയും വ്യാപനം ലഘൂകരിക്കുന്നതിന് സുസ്ഥിരമായ ജാഗ്രതയുടെയും സജീവമായ നടപടികളുടെയും ആവശ്യകതയ്ക്ക് CDC-യും ആരോഗ്യ വിഭാഗവും ആഗോളതലത്തിൽ തീവ്രമായ ശ്രമങ്ങളില്‍ ആണ്. ശക്തമായ രീതിയില്‍ പ്രതിരോധ / ശുചിത്വ മാര്‍ഗ്ഗങ്ങള്‍ പാലിക്കൽ, വാക്സിനേഷനുകളെക്കുറിച്ച് സമഗ്രമായ പ്രചാരണവും ബോധവല്‍ക്കരണവും നടത്തല്‍, രോഗലക്ഷണങ്ങൾ കണ്ടെത്തുമ്പോള്‍ തന്നെ ഉടനടി വൈദ്യസഹായം തേടൽ എന്നിവ ഇതിൽ ഉൾപ്പെടുന്നു.

കൂടാതെ, JN.1 ന്റെ ആവിർഭാവത്തിനും വ്യാപനത്തിനും കാരണമായ ഘടകങ്ങൾ മനസ്സിലാക്കാനുള്ള തീവ്രശ്രമം നടന്കൊണ്ടിരിക്കുകയാണ്. കൂടാതെ പുതിയ വേരിയന്റിന്റെ ആഘാതത്തെയും സ്വാധീനിച്ചേക്കാവുന്ന പാരിസ്ഥിതിക, വൈറൽ, ബാക്ടീരിയ മൂലകങ്ങളെ കുറിച്ച് അന്വേഷിക്കുന്നതും ഇതില്‍ ഉൾപ്പെടുന്നു.

പടര്‍ന്നു പിടിക്കാവുന്ന വകഭേദം :

കൊറോണ വൈറസുകളുടെ മുന്‍ വകഭേദങ്ങളില്‍ നിന്നും വ്യത്യസ്തമായ ലക്ഷണങ്ങൾക്ക് JN1 കാരണമാകുന്നുണ്ടോ എന്ന് വ്യക്തമായിട്ടില്ലെന്ന് സിഡിസി മുന്നറിയിപ്പ് നൽകി. എന്നിരുന്നാലും, മറ്റ് വകഭേദങ്ങളെ അപേക്ഷിച്ച് "നമ്മുടെ രോഗപ്രതിരോധ സംവിധാനങ്ങളിൽ നിന്ന് ഒഴിഞ്ഞുമാറാൻ" JN.1 -ന് കഴിവുണ്ടെന്ന് ഏജൻസി മുന്നറിയിപ്പ് നൽകിയിട്ടുണ്ട്, ഇത് വൈറസ് കൂടുതൽ വേഗതയില്‍ പകരാനുള്ള സാധ്യതയെക്കുറിച്ചുള്ള ആശങ്കകൾ ഉയർത്തുകയും രോഗപ്രതിരോധ സംവിധാനത്തിൽ നിന്ന് മാറി പ്രവര്‍ത്തിക്കുകയും ചെയ്തേക്കാമെന്നുള്ള ആശങ്ക വര്‍ദ്ധിപ്പിക്കുന്നു.

JN.1 ന്റെ വേഗത്തിലുള്ള പടര്‍ച്ച കാണിക്കുന്നത്, ഒന്നുകിൽ അത് കൂടുതൽ കൈമാറ്റം ചെയ്യപ്പെടാന്‍ കഴിവുള്ളതാണ് എന്നോ അല്ലെങ്കിൽ പ്രതിരോധ സംവിധാനത്തിൽ നിന്ന് ഒഴിഞ്ഞുമാറാൻ കഴിവുള്ള വേരിയത് ആണ് എന്നുള്ള കാര്യങ്ങളാണ്. അതിനാല്‍ തന്നെ ആരോഗ്യവകുപ്പ് ഉദ്യോഗസ്ഥർ പൊതുജനങ്ങളോട് ഭയക്കാതെ ജാഗ്രത പാലിക്കാനും, ഇതിനെതിരെ സമ്പര്‍ക്ക മുന്‍കരുതല്‍ രീതികളായ കൈ-മുഖ ശുചിത്വം, പ്രതിരോധ കുത്തിവയ്പ്പുകള്‍, രോഗലക്ഷണങ്ങളുണ്ടെങ്കില്‍ ഉടനടി വൈദ്യസഹായം തേടുക എന്നിവ ചെയ്യേണ്ടതാണ്.

JN.1 ന്റെ ആവിർഭാവം വളരെ ഗൗരവമായാണ് ലോകം വീക്ഷിക്കുന്നത്. COVID-19 മഹാമാരി പോലുള്ള ഒരു സാധ്യത തള്ളിക്കളയാനാവില്ല എന്നും വിദഗ്ദ്ധര്‍ ചൂണ്ടിക്കാണിക്കുന്നു. ഈ വകഭേദത്തിന്റെ വ്യാപനം തടയുന്നതിലും ലോക ജനതയെ സംരക്ഷിക്കുന്നതിലും ആരോഗ്യ അധികാരികളുടെ സജീവമായ നടപടികളും ഗവേഷണവും നടക്കുന്നതോടൊപ്പം പൊതുജനങ്ങളുടെ കൃത്യമായ സഹകരണവും ആവശ്യമാണെന്നത് പ്രധാനപ്പെട്ട കാര്യമാണ്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.