കരളിനെ ശുദ്ധീകരിക്കാൻ രാവിലെ കുടിക്കേണ്ടത് ഇവ

കരളിന്റെ പ്രവർത്തനം കൃത്യമല്ലെങ്കിൽ ഒട്ടനവധി രോ​ഗങ്ങൾ നമ്മുടെ ശരീരത്തിൽ ഉണ്ടാകുന്നതാണ്. കരൾ പ്രവർത്തിച്ചാൽ മാത്രമാണ്, ശരീരത്തിൽ നിന്നും മാലിന്യങ്ങൾ നീക്കം ചെയ്യപ്പെടുകയുള്ളൂ. എന്നാൽ, നമ്മൾ കഴിക്കുന്ന ആഹാരങ്ങൾ കരളിന്റെ ആരോ​ഗ്യത്തെ ബാധിക്കുന്നു. കരളിൽ അമിതമായി കൊഴുപ്പും, മാലിന്യങ്ങളും കെട്ടിക്കിടക്കുന്നതിന് കാരണമാകുന്നു. ഇത് ഒഴിവാക്കാനും, കരളിനെ ശുദ്ധീകരിക്കാനും സഹായിക്കുന്ന ചില പാനീയങ്ങളുണ്ട്. വെറും വയറ്റിൽ ഈ പാനീയങ്ങൾ കുടിക്കുന്നത് വളരെ നല്ലതാണ്.

Photo Credit: AI

നാരങ്ങയും വെള്ളവും

1/2 ടേബിൾസ്പൂൺ- നാരങ്ങ നീര്
1 ഗ്ലാസ്- ചെറുചൂടുള്ള വെള്ളം

ഇവ രണ്ടും മിക്സ് ചെയ്ത് രാവിലെ വെറും വയറ്റിൽ കുടിക്കുന്നത് നല്ലതാണ്. ഇതിൽ ചേർത്തിരിക്കുന്ന നാരങ്ങ ദഹനത്തെയും, കരളിന്റെ പ്രവർത്തനത്തെയും ഉത്തേജിപ്പിക്കാൻ സഹായിക്കുന്നു. അതുപോലെ, വെള്ളം ശരീരത്തിൽ നിന്നും വിഷവസ്തുക്കളെ പുറന്തള്ളാൻ സഹായിക്കുന്നു.

ഗ്രീൻ ടീ

1 ടീസ്പൂൺ ​ഗ്രീൻ ടീ പൗഡർ ചെറുചൂടുവെള്ളത്തിൽ ചേർത്ത് വെയ്ക്കുക. അതിനുശേഷം അരിച്ച് രാവിലെെ വെറും വയറ്റിൽ കുടിക്കുക. ഗ്രീൻ ടീയിലെ ആന്റിഓക്സിഡന്റുകൾ, പ്രത്യേകിച്ച് കാറ്റെച്ചിനുകൾ, കരളിന്റെ ആരോഗ്യത്തെ സംരക്ഷിക്കുന്നു. കരളിൽ നിന്നും വിഷാംശം ഇല്ലാതാക്കുന്നതിനും സഹായിക്കുന്നു.

വെള്ളരി- ചെറുനാരങ്ങ

1/2 ടീസ്പൂൺ- വെള്ളരി നീര്
1/4 ടീസ്പൂൺ- ചെറുനാരങ്ങനീര്
ഇരു ചേരുവകളും മിക്സ് ചെയ്ത് രാവിലെ വെറും വയറ്റിൽ കുടിക്കുക. വെള്ളരിയിൽ അടങ്ങിയിരിക്കുന്ന ആന്റിഓക്സിഡന്റുകളും നാരങ്ങയുടെ ​ഗുണങ്ങളും കരളിനെ ശുദ്ധീകരിക്കാൻ സഹായിക്കുന്നു.

മഞ്ഞൾപ്പൊടി

1 കപ്പ് - പാൽ
1/2 ടീസ്പൂൺ- മഞ്ഞൾപ്പൊടി
1/4 ടീസ്പൂൺ- കുരുമുളക് പൊടി

പാലിൽ മഞ്ഞളും കുരുമുളകരും ചേർക്കുക. ഇത് രാവിലെ വെറും വയറ്റിൽ കുടിക്കാവുന്നതാണ്. പാൽ ഇഷ്ടമില്ലാത്തവർക്ക് പാലിനു പകരം ചൂടുവെള്ളത്തിൽ ഈ മിശ്രിതം ചേർക്കാവുന്നതാണ്. മഞ്ഞളിൽ അടങ്ങിയിരിക്കുന്ന കുർക്കുമിൻ കരളിലെ വിഷാംശം ഇല്ലാതാക്കാൻ സഹായിക്കുകയും വീക്കം കുറയ്ക്കുകയും ചെയ്യുന്നു. കുരുമുളകും കരളിന്റെ ആരോ​ഗ്യത്തെ നിലനിർത്താനും, രോ​ഗപ്രതിരോധശേഷി വർദ്ധിപ്പിക്കാനും സഹായിക്കുന്നതാണ്.

ആപ്പിൾ സൈഡർ വിനെഗർ പാനീയം

1 ടീസ്പൂൺ- ആപ്പിൾ സൈഡർ വിനെഗർ
1 ഗ്ലാസ്- ചെറുചൂടുള്ള വെള്ളം
ഇവ രണ്ടും മിക്സ് ചെയ്ത് രാവിലെ വെറും വയറ്റിൽ കുടിക്കാവുന്നതാണ്. ആപ്പിൾ സൈഡർ വിനെഗറിലെ അസറ്റിക് ആസിഡ് കരളിന്റെ പ്രവർത്തനത്തിന് സഹായിക്കുന്നു. കൂടാതെ, ദഹനം കൃത്യമായി നടക്കാനും ആപ്പിൾ സൈഡർ വിനെ​ഗർ സഹായിക്കുന്നു.

ഇഞ്ചി, നാരങ്ങ നീര്

1/2 ടീസ്പൂൺ- ഇഞ്ചി ചതച്ചത്
1 ടീസ്പൂൺ- മഞ്ഞൾപ്പൊടി

ഇവ രണ്ടും മിക്സ് ചെയ്ത് എന്നും രാവിലെ വെറും വയറ്റിൽ കഴിക്കുന്നത് വളരെ നല്ലതാണ്. ഇഞ്ചിയുടെ ആൻറി-ഇൻഫ്ലമേറ്ററി ഗുണങ്ങളും നാരങ്ങയുടെ ദഹന ഗുണങ്ങളും കരളിനെ ശുദ്ധീകരിക്കാൻ സഹായിക്കുന്നു. രോ​ഗപ്രതിരോധശേഷി വർദ്ധിപ്പിക്കാനും ഈ ചേരുവകൾ സഹായിക്കുന്നതാണ്.

Disclaimer : ഇവിടെ നല്‍കിയിരിക്കുന്ന വിവരങ്ങള്‍ ഇന്റര്‍നെറ്റില്‍ നിന്ന് ലഭിച്ച പൊതുവായ അനുമാനങ്ങളുടെയും വിവരങ്ങളുടെയും അടിസ്ഥാനത്തിലാണ്. മലയാളം ബോള്‍ഡ്സ്‌കൈ ഇത് സ്ഥിരീകരിക്കുന്നില്ല. ഇത്തരം കാര്യങ്ങള്‍ ചെയ്യുന്നതിന് മുന്‍പ് വിദഗ്ധന്റെ ഉപദേശം സ്വീകരിക്കേണ്ടതാണ്.