സ്വാതന്ത്ര്യദിന ആഘോഷങ്ങളിൽ മേക്കപ്പ് ഉരുകുമോ? വിയർപ്പിനെ തോൽപ്പിച്ച് തിളങ്ങാൻ ഈ വിദ്യകൾ മതി

സ്വാതന്ത്ര്യദിനാഘോഷങ്ങളുടെ ഭാഗമായി വൈകുന്നേരങ്ങളിൽ പുറത്തിറങ്ങുമ്പോൾ അസഹ്യമായ ചൂടും ഉയർന്ന ഈർപ്പവുമാണ് നമ്മെ കാത്തിരിക്കുന്നത്. പ്രത്യേകിച്ച് തീരദേശ മേഖലകളിൽ, അന്തരീക്ഷത്തിലെ ഈർപ്പം കാരണം മേക്കപ്പ് പെട്ടെന്ന് ഉരുകിപ്പോകാനും മുടി പാറിപ്പറക്കാനും സാധ്യതയേറെയാണ്. എന്നാൽ വൈകുന്നേരത്തെ ആഘോഷങ്ങളിലോ പാർട്ടിയിലോ തിളങ്ങിനിൽക്കാൻ ചർമ്മവും മുടിയും കൃത്യമായി തയ്യാറാക്കിയാൽ മതിയാകും. ശരിയായ രീതിയിൽ ബ്യൂട്ടി പ്രൊഡക്ടുകൾ ഉപയോഗിക്കുന്നത് അമിത വിയർപ്പിൽ നിന്നും അന്തരീക്ഷത്തിലെ ഈർപ്പത്തിൽ നിന്നും ചർമ്മത്തിന് മികച്ച സംരക്ഷണം നൽകും.

പുറത്തിറങ്ങുന്നതിന് 30 മിനിറ്റ് മുമ്പ് ലൈറ്റ്‌വെയ്റ്റ് ആയ സൺസ്ക്രീൻ (SPF) പുരട്ടിക്കൊണ്ട് നിങ്ങളുടെ മേക്കപ്പ് ആരംഭിക്കാം. അതിനുശേഷം ജെൽ പ്രൈമർ, ഷീർ സ്കിൻ ടിൻ്റ്, ഒപ്പം ലൈറ്റായി ട്രാന്സ്ലൂസെന്റ് പൗഡർ എന്നിവ ഉപയോഗിക്കാം. പുറത്തേക്ക് പോകുന്നതിന് 60 മിനിറ്റ് മുമ്പ് ബ്ലോട്ടിംഗ് പേപ്പറും സെറ്റിംഗ് സ്‌പ്രേയും ഉപയോഗിച്ച് ഈ ബേസ് മേക്കപ്പ് സെറ്റ് ചെയ്യുക. വിയർത്താലും കണ്ണ് എഴുതിയത് പടരാതിരിക്കാൻ ട്രാന്സ്ഫർ-പ്രൂഫ് കാജലും വാട്ടർപ്രൂഫ് ഐലൈനറും തന്നെ തിരഞ്ഞെടുക്കാൻ ശ്രദ്ധിക്കുക.

വിയർപ്പിലും മേക്കപ്പ് കേടാകാതിരിക്കാൻ കരുതേണ്ട കാര്യങ്ങൾ

ഔട്ട്‌ഡോർ ആഘോഷങ്ങളിൽ പങ്കെടുക്കുമ്പോൾ ചെറിയൊരു ടച്ച്-അപ്പ് കിറ്റ് കൈയ്യിൽ കരുതുന്നത് വളരെ ഉപകാരപ്പെടും. ഓയിൽ-ബ്ലോട്ടിംഗ് പേപ്പറുകൾ, മിനി ഹൈഡ്രേറ്റിംഗ് ഫേസ് മിസ്റ്റ്, ഒരു ഹെയർ ക്ലോ ക്ലിപ്പ് എന്നിവ ഹാൻഡ്‌ബാഗിൽ സൂക്ഷിക്കാം. ഈർപ്പമുള്ള അന്തരീക്ഷത്തിൽ പുറത്ത് സമയം ചെലവഴിക്കുമ്പോൾ, ഓരോ രണ്ട് മണിക്കൂറിലും മിനറൽ പൗഡറോ സൺസ്ക്രീൻ സ്‌പ്രേയോ വീണ്ടും പുരട്ടുക. മേക്കപ്പ് കട്ടപിടിക്കുന്നത് ഒഴിവാക്കാൻ, പൗഡർ ഇടുന്നതിന് മുമ്പ് ബ്ലോട്ടിംഗ് പേപ്പർ ഉപയോഗിച്ച് വിയർപ്പ് പതുക്കെ ഒപ്പിയെടുക്കണം.

ഈർപ്പമുള്ള കാലാവസ്ഥയിലും മുടി ഭംഗിയായി നിലനിർത്താൻ ചില വഴികൾ

ഒരു ലൈറ്റ്‌വെയ്റ്റ് ലീവ്-ഇൻ കണ്ടീഷണറും മൈക്രോ-പ്ലോപ്പ് ടെക്നിക്കുകളും ഉപയോഗിച്ച് ഈർപ്പമുള്ള മുടിയെ എളുപ്പത്തിൽ ഒതുക്കി നിർത്താം. മൃദുവായ മൈക്രോഫൈബർ ടവലോ കോട്ടൺ ടി-ഷർട്ടോ ഉപയോഗിച്ച് നനഞ്ഞ മുടി പതുക്കെ ഒപ്പിയെടുത്താൽ കേളുകൾ ഭംഗിയായി കിട്ടും. ഇതിനുശേഷം അന്തരീക്ഷത്തിലെ ഈർപ്പത്തിൽ നിന്ന് മുടിയെ സംരക്ഷിക്കാൻ ആന്റി-ഹ്യുമിഡിറ്റി സ്‌പ്രേ ഉപയോഗിക്കാം. കൂടാതെ, മുടി മുകളിലേക്ക് കെട്ടിവെക്കുകയോ ക്ലോ ക്ലിപ്പ് ഉപയോഗിക്കുകയോ ചെയ്യുന്നത് കഴുത്തിൽ വിയർപ്പ് തട്ടുന്നത് തടയും.

അമിത വിയർപ്പുള്ളപ്പോൾ ചർമ്മത്തിലെ സുഷിരങ്ങൾ അടഞ്ഞുപോകാതിരിക്കാൻ നോൺ-കോമഡോജെനിക് (Non-comedogenic) ഉൽപ്പന്നങ്ങൾ തിരഞ്ഞെടുക്കാനാണ് ഡെർമറ്റോളജിസ്റ്റുകൾ നിർദ്ദേശിക്കുന്നത്. ആഘോഷങ്ങൾക്ക് പോകുന്നതിന് മുമ്പ് പുതിയ കോസ്മെറ്റിക് ഉൽപ്പന്നങ്ങൾ ചെറിയ രീതിയിൽ പാച്ച് ടെസ്റ്റ് ചെയ്തുനോക്കാൻ മറക്കരുത്. ഈ ലളിതമായ നുറുങ്ങുകൾ പിന്തുടർന്നാൽ സ്വാതന്ത്ര്യദിനാഘോഷങ്ങളിൽ ദിവസം മുഴുവൻ പ്രസരിപ്പോടെയും ആത്മവിശ്വാസത്തോടെയും നിങ്ങൾക്ക് തിളങ്ങാൻ സാധിക്കും. അസഹ്യമായ ചൂടിലും തികഞ്ഞ ആത്മവിശ്വാസത്തോടെ ആഘോഷങ്ങൾ ആസ്വദിക്കൂ.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.