വിവാഹം ബോറടിയായെങ്കില്‍ വായിക്കൂ

വിവാഹത്തിന്റെ പുതുമ നഷ്ടപ്പെടുമെന്നത് ഒരു യാഥാര്‍ത്ഥ്യമായി അംഗീരിക്കുകയാണ് ആദ്യം വേണ്ടത്. കല്യാണം കഴിഞ്ഞ സമയത്ത് എന്തു രസമായിരിന്നു, ഇപ്പോഴതു പോയി എന്ന് നെടുവീര്‍പ്പിട്ടിട്ടു കാര്യമില്ല. ഇത് ജീവിതത്തിന്റെ ഒരോ ഘട്ടങ്ങളാണെന്നും ഓരോരുത്തരും ഈ ഘട്ടത്തിലൂടെ കടന്നു പോകുന്നുണ്ടെന്നും മനസിലാക്കുക. ഹണിമൂണ്‍ കാലം കഴിഞ്ഞുപോകുക തന്നെ ചെയ്യും.

ഉത്തരവാദിത്വങ്ങളുമായിരിക്കും പലപ്പോഴും വിരസതക്കു കാരണമാകുന്നത്. പങ്കാളിയെയല്ലാ, മറിച്ച് ഇത്തരം പ്രശ്‌നങ്ങളാണ ്മടുപ്പിക്കുന്നതെന്ന് മനസിലാക്കുക. പരസ്പരസ്‌നേഹവും വിശ്വാസവും ഉത്തരവാദിത്വങ്ങള്‍ പങ്കിട്ടെടുക്കാന്‍ സഹായിക്കും. ഇത് ജീവിതം കുറച്ചുകൂടി ആസ്വദ്യകരമാക്കും.

യാന്ത്രികതയായിരിക്കും പലപ്പോഴും പല വിവാഹജീവിതങ്ങളും കൂടുതല്‍ വിരസമാക്കുന്നത്. ഇതിന് വിനോദയാത്രകള്‍ നല്ലൊരു പരിഹാരമായിരിക്കും. ഇത്തരം യാത്രകളില്‍ ഉത്തരവാദിത്വങ്ങളുടെ ഭാരം തലയിലേറ്റിക്കൊണ്ടു പോകരുതെന്നത് പ്രധാനം. യാത്രയുടെ മൊത്തം സുഖം കളയാന്‍ ഇത് മതിയാകും.

വിവാഹജീവിതമെന്നാല്‍ ഉത്തരവാദിത്വം കൂടിയാണെന്ന യാഥാര്‍ത്ഥ്യം മനസിലാക്കുകയാണ് ആദ്യം വേണ്ടത്. ചില ഉത്തരവാദിത്വങ്ങളാണ് ജീവിതത്തിന് അര്‍ത്ഥം തരുന്നതെന്ന് തിരിച്ചറിയണം.

ഇരുവരും ചേര്‍ന്ന് പരിഹരിക്കാവുന്ന പ്രശ്‌നങ്ങള്‍ മൂന്നാമതൊരു കയ്യിലേക്ക് വിട്ടുപോകാന്‍ ഒരുവിധത്തിലും അനുവദിക്കരുത്. ഇത് ചിലപ്പോള്‍ പ്രശ്ങ്ങള്‍ കൂടുതല്‍ വഷളാക്കാനേ ഉപകരിക്കൂ. തീരെ നിവൃത്തിയില്ലെങ്കില്‍ മാത്രം മറ്റുള്ളവരുടെയോ കൗണ്‍സിലിംഗ് സഹായമോ തേടുക.