ഇതാ ഇവിടെ പ്രണയം വില്‍പനയ്ക്ക് !!

Living

oi-Siji KM

By Lakshmi

Published: Wednesday, April 13, 2011, 15:35 [IST]

പ്രണയം വിലയ്ക്കുവാങ്ങാന്‍ കഴിയില്ലെന്നാണ് പറയാറുള്ളത്, പക്ഷേ ഇന്നത്തെക്കാലത്ത് മറ്റെന്തുമെന്നപോലെ പ്രണയവും വിപണിയില്‍ ലഭ്യമാണ്. പണം നല്‍കിയാല്‍ പ്രണയവും ലഭിയ്ക്കുമെന്നതാണ് അവസ്ഥ. ഡേറ്റിങ് വെബ്‌സൈറ്റായ വാട്‌സ് യുവര്‍ പ്രൈസ് ഡോട്ട് കോമാണ് പ്രണയവില്‍പ്പനയുടെ പുതിയ സാധ്യതകള്‍ കണ്ടെത്തിയിരിക്കുന്നത്.

പ്രണയത്തിന് വിലയിടാന്‍ ഇവര്‍ വായനക്കാര്‍ക്ക് അവസരം നല്‍കുകയാണ്. ഈ സൈറ്റ് ഉപയോഗിക്കുന്ന സ്ത്രീകള്‍ക്കും പുരുഷന്മാര്‍ക്കുമെല്ലാം തങ്ങളുടെ പ്രണയത്തിന് നിശ്ചിത വിലയിട്ട് വില്‍പനയ്ക്ക് വെയ്ക്കാം. ഈ പണം നല്‍കാന്‍ തയ്യാറുള്ള ആളുകള്‍ക്ക് സൈറ്റിലൂടെ പ്രണയിക്കാം.

1400 രൂപ മുതല്‍ 7000 രൂപ വരെ വ്യത്യസ്ത വില ഉപയോക്താക്കള്‍ക്ക് സ്വയം നിശ്ചയിക്കാം. ഈ വില ഒരാള്‍ ചെലവഴിക്കാന്‍ തയാറായാല്‍ വില പ്രഖ്യാപിച്ച അംഗത്തിനു അയാളെ സ്വീകരിക്കാം, ഇനി താല്‍പര്യമില്ലെന്നാണെങ്കില്‍ അപേക്ഷ തള്ളുകയും ചെയ്യാം.

ഇരുവര്‍ക്കും സ്വീകാര്യമായാല്‍ മാത്രം ബന്ധം തുടര്‍ന്നാല്‍ മതി. സൈറ്റിലെ ഇപ്പോഴത്തെ കണക്കനുസരിച്ച് സുന്ദരന്മാരുടെയും സുന്ദരികളുടെയും പ്രണയം വാങ്ങാന്‍ മാത്രമേ ആളുകളുള്ളു. സൗന്ദര്യമുള്ള ചില അംഗങ്ങള്‍ 70,000 രൂപവരെയായി തങ്ങളുടെ വില നിശ്ചയിച്ചിട്ടുമുണ്ട്. അതായത് പ്രണയമെന്നാല്‍ ശരീരസൗന്ദര്യത്തിന്റെ അടിസ്ഥാനത്തിലല്ല മനസ്സിന്റെ സൗന്ദര്യമാണ് കാര്യമാക്കേണ്ടതെന്ന പൊതുതത്വം സൈറ്റില്‍ നടപ്പില്ലെന്നുതന്നെ.

മാര്‍ച്ച് 29നാണ് സൈറ്റ് പ്രവര്‍ത്തനം തുടങ്ങിത്, അന്ന് 10,000ആളുകളാണ് ഇതില്‍ സൈന്‍ അപ് ചെയ്തത്. ദിവസം രണ്ടായിരത്തോളം അക്കൗണ്ടുകള്‍ എന്ന നിലയില്‍ ആളുകള്‍ എത്തുന്നുണ്ടെന്നും സൈറ്റ് നടത്തിപ്പുകാര്‍ പറയുന്നു.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.