സാമ്പത്തികമുണ്ടെങ്കില്‍ പ്രണയിക്കാം

എന്നാല്‍ ബന്ധങ്ങളില്‍ പലതിന്റെയും അടിസ്ഥാനം പണമാണെന്നത് മറ്റൊരു സത്യം. പലരും പ്രണയബന്ധങ്ങള്‍ പോലും തിരഞ്ഞെടുക്കുന്നത് ബാങ്ക് ബാലന്‍സിന്റെ കനം നോക്കിയാണെന്നാണ് ഒരു പുതിയ സര്‍വ്വേയില്‍ കണ്ടെത്തിയിരിക്കുന്നത്. മാനസികമായുള്ള പൊരുത്തത്തിലും മേലെയാണത്രേ ഈ അക്കൗണ്ട് പൊരുത്തം നോക്കല്‍.

ബ്രിട്ടനില്‍ നടന്ന ഒരു സര്‍വ്വേയില്‍ പത്തില്‍ നാലുപേരും ഒരു ബന്ധം തിരഞ്ഞെടുക്കുന്നതില്‍ ബാങ്ക് ബാലന്‍സാണ് പ്രധാന ഘടകമെന്നാണ് പറഞ്ഞിരിക്കുന്നത്. മറ്റൊരു പോളില്‍ പുരുഷന്മാരില്‍ മൂക്കാല്‍ഭാഗത്തിലേറെ പേരും പങ്കാളിയെത്തിരഞ്ഞെടുക്കുമ്പോള്‍ സാമ്പത്തിക ഭദ്രത നോക്കുന്നുണ്ടെന്നാണ് വെളിപ്പെടുത്തിയിരിക്കുന്നത്.

നല്ല ആരോഗ്യവും സാമ്പത്തിക ഭദ്രതയുമുള്ള ഒരു പങ്കാളിയെ കിട്ടുകയെന്നാല്‍ പുരുഷന്മാര്‍്ക്ക് ഏറെ സന്തോഷമുള്ള കാര്യമാണെന്ന് സര്‍വ്വേ റിപ്പോര്‍ട്ടില്‍ പറയുന്നു. വര്‍ത്തമാനകാല ജീവിതത്തിന്റെ മാറിയ രീതികളും സാമ്പത്തിക പ്രതിസന്ധിയും എല്ലാമാണത്രേ ആളുകളെ ഇത്തരത്തില്‍ ചിന്തിപ്പിക്കുന്നത്.

സ്ത്രീകളും ഇക്കാര്യത്തില്‍ അത്ര പിന്നിലല്ലെന്ന് നേരത്തേ നടന്ന പല പഠനങ്ങളിലും സര്‍വ്വേകളിലുമൊക്കെ കണ്ടെത്തിയിട്ടുണ്ട്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.