സൗന്ദര്യമുള്ളവര്‍ക്ക് ബുദ്ധികൂടും?

കാലക്രമത്തില്‍ നശിക്കുമെങ്കിലും സൗന്ദര്യം തള്ളിക്കളയേണ്ടകാര്യമല്ലെന്നാണ് പുതിയൊരു പഠനത്തില്‍ വ്യക്തമാകുന്നത്. സുന്ദരന്മാരും സുന്ദരികളും നല്ല ബുദ്ധിയുള്ളവരും ആയിരിക്കുമത്രേ. ബ്രിട്ടനില്‍ നിന്നും അമേരിക്കയില്‍ നിന്നുമുള്ള ഗവേണക സംഘമാണ് ഇക്കാര്യത്തെക്കുറിച്ച് പഠനം നടത്തുകയും നിഗമനത്തില്‍ എത്തുകയും ചെയ്തിരിക്കുന്നത്.

ലണ്ടന്‍ സ്‌കൂള്‍ ഓഫ് ഇക്കണോമിക്‌സിന്റെ നേതൃത്വത്തിലായിരുന്നു പഠനം. കാണാന്‍ സൗന്ദര്യമുള്ളയാളുകള്‍ക്ക് അല്ലാത്തവരെ അപേക്ഷിച്ച് ഐക്യു കൂടുതലാണെന്നാണ് ഗവേഷകര്‍ പറയുന്നത്.

ഇതുമായി ബന്ധപ്പെട്ട് നടത്തിയ പഠനത്തില്‍ സൗന്ദര്യമുള്ള പുരുഷന്മാര്‍ ഐക്യു ടെസ്റ്റില്‍ ശരാശരിയലും 13.6 പോയിന്റ് അധികം നേടി, ഒപ്പം തന്നെ സുന്ദരിമാര്‍ ശരാശരിയിലും 11.4പോയിന്റും അധികം നേടിയത്രേ. ഇതുമാത്രമല്ല കാര്യം സൗന്ദര്യമുള്ള അച്ഛനമ്മമാര്‍ക്ക് ജനിക്കുന്ന കുട്ടികളുടെ ജീനുകളും ഈ ഗുണം കാണിക്കുമെന്നാണ് ഗവേഷകര്‍ പറയുന്നത്.

പഠനത്തിനായി ബ്രിട്ടനിലുള്ള 52,000ത്തോളം ആളുകളെയാണ് നിരീക്ഷണവിധേയരാക്കിയത്. എന്നാല്‍ ഈ പഠനത്തില്‍ ലഭിച്ചത് ഒരു സ്റ്റാറ്റിസ്റ്റിക്കല്‍ വിവരമാണെന്നും അത് വ്യക്തികളെ വച്ച് അളക്കാന്‍ കഴിയില്ലെന്നും ഗവേഷകര്‍ പറയുന്നു.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.