അടുക്കള കക്കൂസിനേക്കാള്‍ വൃത്തിഹീനമാണെന്ന്‌ സര്‍വ്വേ

വീട്ടില്‍ നമ്മള്‍ ഏറെ വൃത്തിയോടെ സൂക്ഷിക്കുന്ന സൂക്ഷിക്കേണ്ട ഒരിടമുണ്ട്‌, അടുക്കള. എല്ലാവരും അടുക്കള വൃത്തിയാക്കിവയ്‌ക്കാന്‍ പരമാവധി മിക്കാറുമുണ്ട്‌. എന്നാല്‍ ഈ ശ്രമങ്ങളൊന്നും കാര്യമായ ഗുണമുണ്ടാക്കുന്നില്ലെന്ന്‌ ഒരു സര്‍വ്വേ റിപ്പോര്‍ട്ട്‌.

മിക്ക വീടുകളുടെയും അടുക്കളകള്‍ കക്കൂസുകളേക്കാളേറെ മലിനമാണെന്നാണ്‌ സര്‍വ്വേയില്‍ കണ്ടെത്തിയത്‌. ഗ്ലോബല്‍ ഹൈജീന്‍ കൗണ്‍സില്‍ പത്തുരാജ്യങ്ങളിലായി നടത്തിയ സര്‍വ്വേയിലാണ്‌ ഇക്കാര്യം വ്യക്തമായത്‌.

സര്‍വ്വേയുടെ ഭാഗമായി ഹൈജീന്‍ കൗണ്‍സിലിലെ ഗവേഷകര്‍ 10,000 ആളുകളെയാണ്‌ ഇന്റര്‍വ്യൂ ചെയ്‌തത്‌. ഇതില്‍ കക്കൂസ്‌, ചവറ്റുകുട്ടയ്‌ക്ക് ചുറ്റുമുള്ള ഭാഗങ്ങള്‍ എന്നിവിടങ്ങളിലാണ്‌ ഏറ്റവും കൂടുതല്‍ കീടാണുക്കളുള്ളതായി കണ്ടെത്തിയത്‌.

മാത്രമല്ല മിക്ക വീടുകളിലും ഉപയോഗിക്കുന്ന മേശവിരികളും വിവിധതരം ആരോഗ്യപ്രശ്‌നങ്ങളുണ്ടാകാവുന്ന രീതിയില്‍ മലിനമാണെന്നും കണ്ടെത്തിയിട്ടുണ്ട്‌. പലരും മേശവിരികളും മറ്റും മാറ്റുകയോ കൃത്യമായ ഇടവേളകളില്‍ കഴുകി സൂക്ഷിക്കുകയോ ചെയ്യുന്നില്ലത്രേ.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.