വായ്‌നാറ്റമുണ്ടോ? പ്രണയം തകരും

പ്രണയപങ്കാളി അതീവ സുന്ദരനാണ്‌ അല്ലെങ്കില്‍ സുന്ദരിയാണ്‌, പക്ഷേ ഒരേയൊരു കുഴപ്പം കക്ഷിയ്‌ക്ക്‌ വായ്‌നാറ്റമുണ്ട്‌. പിന്നെ പ്രണയത്തിന്റെ അവസ്ഥയെന്താകുമെന്ന്‌ പറയണോ പ്രണയിക്കാന്‍ വന്നയാള്‍ സ്വന്തം മൂക്കും കൊണ്ട്‌ പറപറക്കും.

പരസ്യങ്ങളില്‍ക്കാണുന്ന സീനിന്റെ വിവരണമായി ഇതിനെ തള്ളിക്കളയേണ്ടെന്നാണ്‌ ഈയിടെ നടന്ന ഒരു സര്‍വ്വേ ഫലം തെളിയിക്കുന്നത്‌. പ്രണയിക്കുന്നവരെയെല്ലാം വായ വൃത്തിയായി സൂക്ഷിക്കുന്നതിന്റെ ആവശ്യകത ബോധ്യപ്പെടുത്തുന്നതാണീ സര്‍വ്വേ ഫലം

ദന്ത പരിപാലന വസ്‌തക്കളുടെ നിര്‍മ്മാതാക്കളായ ഓറല്‍ ബിയാണ്‌ ഇത്തരത്തിലൊരു സര്‍വ്വേ നടത്തിയത്‌. 1001 ആസ്‌ത്രേലിയക്കാരാണ്‌ സര്‍വ്വേയില്‍ പങ്കെടുത്തത്‌. ഇവരില്‍ 96ശതമാനം പേരും പറഞ്ഞത്‌ പങ്കാളിയുടെ വായയുടെ ദുര്‍ഗന്ധം ബന്ധത്തില്‍ ഉലച്ചിലുണ്ടാക്കുന്നുവെന്നാണത്രേ.

വായ്‌നാറ്റം മൂലം ചുംബനം ആസ്വദിക്കാന്‍ കഴിയുന്നില്ലെന്നാണ്‌ മിക്കവും പരാതിപറഞ്ഞത്‌. പുരുഷന്മാരും സ്‌ത്രീകളും പങ്കാളിയുടെ വായ്‌നാറ്റം അസ്വസ്ഥതയുണ്ടാക്കുന്നുവെന്ന്‌ വ്യക്തമാക്കി. പങ്കാളിയുടെ വായ്‌നാറ്റം കാരണം ചുംബിക്കുന്നത്‌ നിര്‍ത്തിയെന്നാണ്‌ സര്‍വ്വേയില്‍ പങ്കെടുത്ത 61ശതമാനം പേര്‍ വെളിപ്പെടുത്തിയത്‌.

പ്രണയം മാത്രമല്ല ചിലപ്പോള്‍ കരിയര്‍ പോലും വായ്‌നാറ്റം കൊണ്ട്‌ നഷ്ടപ്പെട്ടേയ്‌ക്കുമെന്ന്‌ സര്‍വ്വേ റിപ്പോര്‍ട്ടില്‍ വ്യക്തമാക്കുന്നു.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.