3 ചേരുവയില്‍ കൊളസ്‌ട്രോള്‍ പോയി; അടിഞ്ഞുകൂടുന്ന കൊഴുപ്പ് നീക്കാന്‍ എളുപ്പ പരിഹാരം

അനാരോഗ്യകരമായ ജീവിതശൈലിയും തെറ്റായ ഭക്ഷണശീലങ്ങളും കാരണം ഇന്നത്തെക്കാലത്ത് രോഗങ്ങളും അതിവേഗം വര്‍ദ്ധിച്ചുകൊണ്ടിരിക്കുകയാണ്. ഇന്ന് മിക്ക ആളുകളെയും പിടികൂടുന്ന ഒരു രോഗാവസ്ഥയാണ് അമിത കൊളസ്‌ട്രോള്‍. ശരീരത്തിലെ കൊളസ്ട്രോളിന്റെ അളവ് കൂടുന്നത് ഹൃദ്രോഗം, സന്ധി വേദന, പൊണ്ണത്തടി തുടങ്ങിയ ആരോഗ്യ പ്രശ്നങ്ങള്‍ക്ക് കാരണമാകും. നമ്മുടെ ശരീരത്തില്‍ രണ്ട് തരം കൊളസ്‌ട്രോള്‍ ഉണ്ട്, നല്ലതും ചീത്തയും. നല്ല കൊളസ്‌ട്രോള്‍ നിങ്ങളുടെ ആരോഗ്യത്തിന് ഗുണകരമാണ്, അതേസമയം ചീത്ത കൊളസ്‌ട്രോള്‍ പല ഗുരുതരമായ രോഗങ്ങള്‍ക്കും കാരണമാകും. അതിനാല്‍, കൊളസ്ട്രോളിന്റെ അളവ് കൂടുന്നത് തടയാനും കൊളസ്‌ട്രോള്‍ നിയന്ത്രണത്തിലാക്കാനും ആരോഗ്യ വിദഗ്ധര്‍ നിര്‍ദ്ദേശിക്കുന്നു.

ജീവിതശൈലിയിലെ ചില മാറ്റങ്ങള്‍ കൊളസ്‌ട്രോള്‍ കുറയ്ക്കാന്‍ സഹായിക്കും. ഭക്ഷണക്രമവും ക്രമമായ ശാരീരിക വ്യായാമവും പോലുള്ള ജീവിതശൈലി മാറ്റങ്ങള്‍ നിങ്ങളുടെ കൊളസ്‌ട്രോളിന്റെ അളവും നിങ്ങളുടെ മൊത്തത്തിലുള്ള ആരോഗ്യവും മെച്ചപ്പെടുത്താന്‍ സഹായിക്കും. കൊളസ്‌ട്രോള്‍ കുറയ്ക്കാന്‍ സഹായിക്കുന്ന ഒരു ചായ ഇന്ന് നിങ്ങളെ പരിചയപ്പെടുത്തുന്നു. മൂന്ന് ചേരുവയാല്‍ തയാറാക്കുന്ന ഈ ചായ കൊളസ്‌ട്രോള്‍ കുറയ്ക്കാന്‍ ഉത്തമമാണ്.

വെളുത്തുള്ളി, കുരുമുളക്, നാരങ്ങ ചായ തയാറാക്കുന്നതെങ്ങനെ

ചേരുവകള്‍

വെളുത്തുള്ളി അല്ലി - 2
കുരുമുളക് - കാല്‍ ടീസ്പൂണ്‍
നാരങ്ങ നീര് - അര ടീസ്പൂണ്‍

ചായ ഉണ്ടാക്കുന്ന വിധം

ആദ്യം ഒരു പാനില്‍ ഒരു ഗ്ലാസ് വെള്ളം ഒഴിച്ച് ചൂടാക്കുക.
ഇനി വെളുത്തുള്ളി അല്ലി നന്നായി ചതച്ച് ഈ വെള്ളത്തില്‍ ഇടുക.
ഇതിനുശേഷം ഇതിലേക്ക് കുരുമുളക് ചേര്‍ത്ത് വെള്ളം പകുതിയായി കുറയുന്നത് വരെ തിളപ്പിക്കുക.
ഇനി ഇത് ഒരു കപ്പില്‍ സ്ട്രൈനറിന്റെ സഹായത്തോടെ അരിച്ചെടുത്ത് നാരങ്ങാനീര് ചേര്‍ക്കുക.
ഈ ചായ ഒറ്റത്തവണയായി കഴിക്കുക.

ഈ ചായ കുടിക്കുന്നതിന്റെ ഗുണങ്ങള്‍

വെളുത്തുള്ളിയില്‍ അല്ലിസിന്‍ അടങ്ങിയിട്ടുണ്ട്, ഇത് കൊളസ്‌ട്രോള്‍ ബയോസിന്തസിസ് തടയുന്നതിലൂടെ നിങ്ങളുടെ ശരീരത്തില്‍ നിന്ന് ചീത്ത കൊളസ്‌ട്രോള്‍ കുറയ്ക്കാന്‍ സഹായിക്കുന്നു. കുരുമുളകില്‍ പൈപ്പറിന്‍ അടങ്ങിയിട്ടുണ്ട്. ഇത് ശരീരത്തില്‍ നിന്ന് എല്‍ഡിഎല്‍ കൊളസ്‌ട്രോള്‍ അതായത് ചീത്ത കൊളസ്‌ട്രോള്‍ നീക്കം ചെയ്യുന്നു. നാരങ്ങയില്‍ വിറ്റാമിന്‍ സി അടങ്ങിയിട്ടുണ്ട്. ഇത് ഫൈബ്രിനോജന്റെ അളവ് കുറയ്ക്കുന്നു. ഫൈബ്രിനോജന്‍ ഒരു തരം രാസവസ്തുവാണ്. ഇത് രക്തം കട്ടപിടിക്കുന്ന പ്രക്രിയയെ ത്വരിതപ്പെടുത്തുകയും രക്തയോട്ടം നിര്‍ത്തുകയും ചെയ്യുന്നു.

കൊളസ്‌ട്രോളിന്റെ അളവ് കുറയ്ക്കുന്നതിന് വഴികള്‍

ആരോഗ്യകരമായ ഭക്ഷണം കഴിക്കുക
അനാരോഗ്യകരവും ജങ്ക് ഫുഡുകളും കഴിക്കുന്നത് ഒഴിവാക്കുക
രാത്രി ഉറങ്ങുന്നതിന് 3 മണിക്കൂര്‍ മുമ്പ് ഭക്ഷണം കഴിക്കുക
അത്താഴത്തിന് ശേഷം അര മണിക്കൂര്‍ നടക്കുക
പഞ്ചസാരയും ഉപ്പും കഴിക്കുന്നത് കുറയ്ക്കുക
ഉയര്‍ന്ന ഫൈബര്‍ അടങ്ങിയ സീസണല്‍ പഴങ്ങളും പച്ചക്കറികളും കഴിക്കുക

മോണോസാച്ചുറേറ്റഡ് കൊഴുപ്പുകള്‍

എല്ലാ കൊഴുപ്പുകളും നിങ്ങളുടെ ആരോഗ്യത്തിന് ദോഷകരമല്ല. പൂരിത കൊഴുപ്പുകളും ട്രാന്‍സ് ഫാറ്റുകളും അനാരോഗ്യകരമാണ്, അതിനാല്‍ പരിമിതമായ അളവില്‍ ഇത് കഴിക്കുക. ഒലിവ് ഓയില്‍, സൂര്യകാന്തി എണ്ണ, ലീന്‍ മീറ്റ്, കനോല ഓയില്‍, നട്‌സ്, അവോക്കാഡോ എന്നിവയില്‍ അടങ്ങിയിരിക്കുന്ന മോണോസാച്ചുറേറ്റഡ് കൊഴുപ്പുകള്‍ 'മോശം' എല്‍ഡിഎല്‍ കുറയ്ക്കുകയും 'നല്ല' എച്ച്ഡിഎല്‍ വര്‍ദ്ധിപ്പിക്കുകയും ചെയ്യുന്നു.

പുകവലി ഉപേക്ഷിക്കുക

പുകവലി മോശം ലിപ്പോപ്രോട്ടീനുകള്‍ വര്‍ദ്ധിപ്പിക്കുകയും ചീത്ത കൊളസ്‌ട്രോള്‍ കുറയ്ക്കുകയും ചെയ്യും. നിങ്ങള്‍ പുകവലി ഉപേക്ഷിച്ചാല്‍ അത് കൊളസ്‌ട്രോള്‍ കുറയ്ക്കാന്‍ നല്ല രീതിയില്‍ സഹായിക്കും.

വ്യായാമം

ജീവിതത്തിന്റെ എല്ലാ മേഖലകളിലും ശാരീരിക പ്രവര്‍ത്തനങ്ങള്‍ വളരെ പ്രധാനമാണ്. ഇത് സ്റ്റാമിന വര്‍ദ്ധിപ്പിക്കാനും നിങ്ങളുടെ മാനസികാവസ്ഥ മെച്ചപ്പെടുത്താനും വിട്ടുമാറാത്ത രോഗങ്ങളെ അകറ്റി നിര്‍ത്താനും സഹായിക്കുന്നു. നടത്തം, ജോഗിംഗ്, സൈക്ലിംഗ്, എയ്‌റോബിക്‌സ്, യോഗ, നീന്തല്‍ എന്നിവ കൊളസ്‌ട്രോള്‍ കുറയ്ക്കാനും ഹൃദയാരോഗ്യം മെച്ചപ്പെടുത്താനും സഹായിക്കും.

തടി കുറയ്ക്കുക

നിങ്ങളുടെ കൊളസ്‌ട്രോള്‍ കുറയ്ക്കുന്നതിനുള്ള മറ്റൊരു പ്രധാന ജീവിതശൈലി മാറ്റം ആരോഗ്യകരമായ ശരീരഭാരം നിലനിര്‍ത്തുക എന്നതാണ്. മൊത്തത്തിലുള്ള ആരോഗ്യത്തിന് ശരീരഭാരം നിയന്ത്രിക്കേണ്ടത് അത്യാവശ്യമാണ്.

ആരോഗ്യകരമായ ഭക്ഷണക്രമം

നല്ല സമീകൃതവും പോഷകപ്രദവുമായ ഭക്ഷണക്രമം കൊളസ്ട്രോളിന്റെ അളവ് കുറയ്ക്കുന്നതിന് വളരെ പ്രധാനമാണ്. നിങ്ങളുടെ ഭക്ഷണത്തില്‍ ധാരാളം ലയിക്കുന്ന നാരുകളും പ്രോട്ടീനുകളും അടങ്ങിയിരിക്കണം. ഓട്സ്, ഓട്സ് തവിട് തുടങ്ങിയ വിവിധതരം ധാന്യങ്ങളും ആപ്പിള്‍, ഓറഞ്ച്, പ്‌ളം, പിയര്‍ തുടങ്ങിയ പഴങ്ങളും കഴിക്കുക. പയര്‍, ചെറുപയര്‍, കിഡ്‌നി ബീന്‍സ് തുടങ്ങിയ പയറുവര്‍ഗ്ഗങ്ങള്‍ കഴിക്കുക.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.