Click it and Unblock the Notifications
Latest Updates
-
ഭക്ഷണത്തില് ഉപ്പ് കൂടുതലോ? അറിയണം കിഡ്നിയെ ബാധിക്കുന്നതെങ്ങനെയെന്ന് -
30 വര്ഷത്തിനിപ്പുറം ശനിയും ചൊവ്വയും ചേരുന്നു: ശത്രു മുട്ടുമടക്കും, ധനം നിറഞ്ഞ് കുമിയും, ഭാഗ്യം ഏത് കോണിലും -
തടി കുറയ്ക്കാന് രാവിലെ ഈ ശീലങ്ങള് മാത്രം മതി: മറക്കാതെ ചെയ്യണം ഇതെല്ലാം -
കരള് എന്നെന്നും സുരക്ഷിതമായിരിക്കുന്നതിനും വിഷമുക്തമാക്കുന്നതിനും കഴിക്കണം ഈ ഭക്ഷണങ്ങള് -
മീനം 1 പുലരുന്നത് തന്നെ രാജയോഗത്തോടെ: അശ്വതി - രേവതി വരെ 27 നാളിനും മീനമാസം സമ്പൂര്ണ നാള്ഫലം -
5 ദിനങ്ങള്ക്കുള്ളില് സൂര്യനെത്തുന്നു മീനത്തില്: പക്ഷേ ഈ രാശിക്കാര് അല്പം കരുതിയിരിക്കണം, നിര്ണായകം -
Rashiphalam: ഇന്ന് ഭാഗ്യയോഗങ്ങളില് മാറ്റങ്ങള് തേടി എത്തുന്ന രാശിക്കാര്: സമ്പൂര്ണഫലം ഇപ്രകാരം -
വ്യാഴം മിഥുനത്തില് നേര്ഗതിയില്: ഈ രാശിക്കാര് മാര്ച്ച് 11 മുതല് കരുതിയിരിക്കണം -
സ്ഥിരമായി ബീറ്റ്റൂട്ട് ജ്യൂസ് കുടിക്കുന്നോ? എങ്കില് ഇക്കാര്യങ്ങള് പരിഗണിക്കണം -
കാത്തിരുന്ന നക്ഷത്രമാറ്റം: രാജകീയ ജീവിതം നല്കുന്ന കേതു, മകം നക്ഷത്രത്തിലേക്ക് പ്രൗഡിയോടെ ഇവര്
രക്തസമ്മര്ദ്ദം കൂടുന്നതിന്റെ ആദ്യ സൂചന; സ്ത്രീകളിലെ ഈ ലക്ഷണങ്ങള് തള്ളിക്കളയരുത്
ഉയര്ന്ന രക്തസമ്മര്ദ്ദം സാധാരണയായി പുരുഷന്മാരുടെ മാത്രം പ്രശ്നമായി കണക്കാക്കപ്പെടുന്നുണ്ട്. എന്നാല് അത് ശരിയല്ല. സ്ത്രീയായാലും പുരുഷനായാലും ഉയര്ന്ന രക്തസമ്മര്ദ്ദം എന്ന പ്രശ്നം ആര്ക്കും ഉണ്ടാകാം. 40 വയസ്സ് തികയുന്നതിന് മുമ്പ് കൂടുതല് പുരുഷന്മാര് ഇത് അനുഭവിക്കുന്നുണ്ടെങ്കിലും, ആര്ത്തവവിരാമത്തിന് ശേഷമാണ് സ്ത്രീകളെ കൂടുതലായി അമിത രക്തസമ്മര്ദ്ദം പിടികൂടുന്നത്.
വാസ്തവത്തില്, ആര്ത്തവവിരാമം കഴിഞ്ഞ സ്ത്രീകള്ക്ക് പുരുഷന്മാരേക്കാള് ഉയര്ന്ന രക്തസമ്മര്ദ്ദം ഉണ്ടാകാനുള്ള സാധ്യത കൂടുതലാണ്. ആര്ത്തവവിരാമം വരെ സ്ത്രീകള്ക്ക് ഹൈപ്പര്ടെന്ഷന് കുറവായിരിക്കുമെന്ന് ഗവേഷണങ്ങള് സൂചിപ്പിക്കുന്നു. അവരുടെ ശരീരത്തില് ഈസ്ട്രജന് ധാരാളം ഉണ്ടെന്നതാണ് കാരണം.
അറിയപ്പെടുന്ന വാസോഡിലേറ്ററാണ് ഈസ്ട്രജന്. അതിനാല് സ്ത്രീകളില് രക്തസമ്മര്ദ്ദം കുറയ്ക്കുന്നു. ആര്ത്തവവിരാമം നേരിടുമ്പോള്, രക്തത്തിലെ ഈസ്ട്രജന്റെ അളവ് കുറയുകയും സ്ത്രീകളെ രക്തസമ്മര്ദ്ദത്തിന് കൂടുതല് ഇരയാക്കുകയും ചെയ്യുന്നു. സ്ത്രീകളില് ഉയര്ന്ന രക്തസമ്മര്ദ്ദത്തിന്റെ പ്രത്യേക ലക്ഷണങ്ങള് ഇല്ലെങ്കിലും, തലകറക്കം, ചര്മ്മം ചുവന്നുതടിക്കുന്നത് എന്നിവ ഉയര്ന്ന രക്തസമ്മര്ദ്ദത്തിന്റെ ലക്ഷണമായി കണക്കാക്കാം.
സ്ത്രീകളില് കാണപ്പെടുന്ന ഉയര്ന്ന രക്തസമ്മര്ദ്ദത്തിന്റെ ലക്ഷണങ്ങള് എന്തൊക്കെ എന്നറിയാന് ലേഖനം വായിക്കൂ. ഒപ്പം, ഉയര്ന്ന രക്തസമ്മര്ദ്ദത്തില് നിന്ന് രക്ഷ നേടാനുള്ള ചില വഴികളും വായിച്ചറിയാം.
തലകറക്കം
തലകറക്കമുണ്ടായാല്, സ്വന്തം ശരീരത്തിന്റെ സന്തുലിതാവസ്ഥ നിലനിര്ത്താന് സ്ത്രീക്ക് കഴിയാതെ വന്നേക്കാം. പെട്ടെന്ന് തലകറക്കം അനുഭവപ്പെടുന്നത് ഉയര്ന്ന രക്തസമ്മര്ദ്ദം അല്ലെങ്കില് സ്ട്രോക്ക് പോലുള്ള ഗുരുതരമായ അവസ്ഥകളുമായി ബന്ധപ്പെട്ടിരിക്കാം. ചിലപ്പോള് ബോധക്ഷയം പോലെയുള്ള അവസ്ഥയും അനുഭവപ്പെടാം. രക്തസമ്മര്ദ്ദം വര്ദ്ധിക്കുന്നതിനാലാണ് ഇത് സംഭവിക്കുന്നത്.
കണ്ണുകളില് ചുവന്ന പാടുകള്
രക്തസമ്മര്ദ്ദം ഉയരുമ്പോള്, കണ്ണിലെ റെറ്റിനയുടെ രക്തക്കുഴലുകള് വികസിക്കും. ഇത് മറ്റ് രക്തക്കുഴലുകള് ചുരുങ്ങാന് ഇടയാക്കും, ഇതുമൂലം രക്തം റെറ്റിനയില് എത്തില്ല. ചില സന്ദര്ഭങ്ങളില് റെറ്റിനയും വീര്ക്കുന്നു. കാലക്രമേണ ഉയര്ന്ന രക്തസമ്മര്ദ്ദം റെറ്റിനയുടെ രക്തക്കുഴലുകളെ തകരാറിലാക്കുകയും റെറ്റിനയുടെ പ്രവര്ത്തനം പരിമിതപ്പെടുത്തുകയും ഒപ്റ്റിക് നാഡിയില് സമ്മര്ദ്ദം ചെലുത്തുകയും ചെയ്യും.
ഇത് കാഴ്ച പ്രശ്നങ്ങള്ക്കും കാരണമാകും. ഈ അവസ്ഥയെ ഹൈപ്പര്ടെന്സിവ് റെറ്റിനോപ്പതി എന്ന് വിളിക്കുന്നു. ഈ അവസ്ഥയില്, കണ്ണുകളില് രക്തത്തിന്റെ പാടുകള് പ്രത്യക്ഷപ്പെടാം.
ചര്മ്മത്തില് ചുവപ്പ്
ഉയര്ന്ന രക്തസമ്മര്ദ്ദം ഉണ്ടാകുമ്പോള് ശരീരത്തിലെ രക്തയോട്ടം വര്ദ്ധിക്കും. ഇതുമൂലം, കവിള് പോലെ ചര്മ്മത്തിന്റെ ഏത് ഭാഗത്തും കൂടുതല് രക്തപ്രവാഹം ഉണ്ടാകാം. അവിടെയുള്ള രക്തക്കുഴലുകള് വലുതാകുകയും ഇതുമൂലം ചര്മ്മം ചുവന്നതായി കാണപ്പെടുകയും ചെയ്യുന്നു. വര്ദ്ധിച്ച രക്തപ്രവാഹം കാരണം, കഴുത്തിന്റെയും നെഞ്ചിന്റെയും മുകള് ഭാഗത്ത് അല്ലെങ്കില് മുഖത്ത് ചൂട് അനുഭവപ്പെടുന്നു. വ്യക്തമായ നിറം ഉള്ളവരുടെ ചര്മ്മത്തില് ചുവന്ന പാടുകള് കാണാം. ഇരുണ്ട ചര്മ്മമുള്ള ആളുകളുടെ ചര്മ്മം നിറമില്ലാത്തതോ ഇരുണ്ടതോ ആയേക്കാം.
കഠിനമായ തലവേദന- ഉയര്ന്ന രക്തസമ്മര്ദ്ദം മൂലം വിട്ടുമാറാത്ത തലവേദന ഉണ്ടാകാം. നിങ്ങള്ക്ക് വിട്ടുമാറാത്ത തലവേദനയുണ്ടെങ്കില് ഉടന് ഡോക്ടറെ കാണുക.
അമിതമായ ക്ഷീണം - ഉയര്ന്ന രക്തസമ്മര്ദ്ദം അനുഭവിക്കുന്ന സ്ത്രീകള് അമിതമായ ക്ഷീണം അനുഭവിക്കുന്നു.
കാഴ്ചയുടെ പ്രശ്നങ്ങള് - രക്തസമ്മര്ദ്ദം വര്ധിച്ചാല് അത് കാരണം കണ്ണിനും സമ്മര്ദ്ദം വരുത്തും. രക്തസമ്മര്ദ്ദം നിങ്ങളുടെ കണ്ണിലെ രക്തക്കുഴലുകള് വീര്ക്കുന്നതിന് കാരണമാകും. ഇതുകാരണം, സ്ത്രീകള് കാഴ്ച പ്രശ്നങ്ങള് നേരിടാന് തുടങ്ങും.
ക്രമരഹിതമായ ഹൃദയമിടിപ്പ് - ഉയര്ന്ന രക്തസമ്മര്ദ്ദ പ്രശ്നങ്ങള് നേരിടുന്ന സ്ത്രീകള്ക്ക് ക്രമരഹിതമായ ഹൃദയമിടിപ്പ് അനുഭവപ്പെടാന് തുടങ്ങുന്നു.
രക്തം കലര്ന്ന മൂത്രം - ഉയര്ന്ന രക്തസമ്മര്ദ്ദത്തിന്റെ ഒരു സാധാരണ ലക്ഷണമാണ് മൂത്രത്തില് രക്തം കാണപ്പെടുന്നത്.
ശ്വാസതടസ്സം - സ്ത്രീകളിലെ ഹൈപ്പര്ടെന്ഷന്റെ മറ്റൊരു ലക്ഷണമാണ് ശ്വാസതടസ്സം.
സ്ത്രീകളില് ഉയര്ന്ന രക്തസമ്മര്ദ്ദം തടയുന്നതിനുള്ള വഴികള്
സ്ത്രീകളിലെ ഉയര്ന്ന രക്തസമ്മര്ദ്ദം തടയുന്നതിനുള്ള രീതികള് പുരുഷന്മാരുടേതുപോലെ തന്നെയാണ്. ദിവസവും വ്യായാമം ചെയ്യുന്നതിലൂടെയും കഫീന് കുറയ്ക്കുന്നതിലൂടെയും ഉയര്ന്ന രക്തസമ്മര്ദ്ദം ഒഴിവാക്കാം.
വ്യായാമം
ആഴ്ചയില് 5 ദിവസവും ദിവസവും അര മണിക്കൂര് മുതല് 45 മിനിറ്റ് വരെ വ്യായാമം ചെയ്യേണ്ടത് ആവശ്യമാണ്. ഇതുമൂലം, രക്തക്കുഴലുകള് ശരിയായ സ്ഥാനത്ത് തുടരുന്നു. വ്യായാമം ചെയ്യുന്നതിലൂടെ ശരീരഭാരം നിയന്ത്രിക്കപ്പെടുന്നു. ഇത് രക്തസമ്മര്ദ്ദം ശരിയായി നിലനിര്ത്താനും സഹായിക്കുന്നു.
ആരോഗ്യകരമായ ഭക്ഷണം
ഉയര്ന്ന രക്തസമ്മര്ദ്ദം തടയുന്നതിന് പരിമിതമായ കലോറിയും കുറഞ്ഞ പൂരിത കൊഴുപ്പും ഉള്ള ഭക്ഷണക്രമം പിന്തുടരേണ്ടത് അത്യാവശ്യമാണ്. ഇതോടൊപ്പം ഭക്ഷണത്തിലെ ഉപ്പിന്റെ അളവ് കുറയ്ക്കാനും പഴങ്ങളും പച്ചക്കറികളും കൂടുതലായി കഴിക്കാനും ശ്രദ്ധിക്കുക. ഇതിലൂടെ രക്തസമ്മര്ദ്ദം ക്രമപ്പെടുത്തി നിലനിര്ത്താന് സഹായിക്കും.
കാപ്പി കുറയ്ക്കുക
കാപ്പിയുടെ അമിത ഉപയോഗം ശരീരത്തിലെ കഫീന്റെ അളവ് വര്ദ്ധിപ്പിക്കും. ഇത് ശരീരത്തിലെ രക്തസമ്മര്ദ്ദം വര്ദ്ധിപ്പിക്കും. അതിനാല്, കാപ്പി കഴിക്കുന്നത് പരിമിതപ്പെടുത്തുക.
രക്തസമ്മര്ദ്ദ പരിശോധന
അമിത രക്തസമ്മര്ദ്ദം ഉള്ളവര് പതിവായി രക്തസമ്മര്ദ്ദ പരിശോധന നടത്തേണ്ടത് അത്യാവശ്യമാണ്. ഇതിലൂടെ നിങ്ങള്ക്ക് രക്തസമ്മര്ദ്ദത്തില് നേരിയ മാറ്റമുണ്ടായാല്ത്തന്നെ നേരത്തെ തിരിച്ചറിയാന് സാധിക്കും. ഉടന് തന്നെ ഡോക്ടറെ കണ്ട് സങ്കീര്ണതകള് ഒഴിവാക്കുകയും ചെയ്യാം.
Disclaimer: ഈ ലേഖനത്തില് പരാമര്ശിച്ചിരിക്കുന്ന വിവരങ്ങള് പൊതുവായ വിവരങ്ങള്ക്കും വിദ്യാഭ്യാസപരമായ ആവശ്യങ്ങള്ക്കും വേണ്ടി മാത്രമുള്ളതാണ്. പ്രൊഫഷണല് അഭിപ്രായങ്ങളോ, രോഗനിര്ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്നങ്ങള്ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.
Continue with Google