ഹൃദയാഘാത ലക്ഷണങ്ങള്‍ സ്ത്രീകളില്‍

Heart

oi-Saritha

By Veena

Published: Monday, April 16, 2012, 11:26 [IST]

സ്ത്രീകളില്‍ ഹാര്‍ട്ട് അറ്റാക്ക് വരാനുള്ള സാധ്യത തള്ളിക്കളയാനാവില്ലെന്നതാണ് പഠനങ്ങള്‍ സൂചിപിക്കുന്നത്. എന്നാല്‍ പുരുഷന്മാരില്‍ ഉണ്ടാകുന്നതു പോലെ ലക്ഷണങ്ങള്‍ സ്ത്രീകളില്‍ പ്രകടമായി കാണാത്തത് അപകട സാധ്യത വര്‍ദ്ധിപ്പിക്കുന്നുണ്ട്. അറ്റാക്ക് ലക്ഷണങ്ങള്‍ പെട്ടെന്ന് തിരിച്ചറിയാന്‍ സാധിക്കുന്നത് ചികിത്സയും പരിഹാരവും വേഗത്തിലാകാനും സഹായിക്കും.

അറ്റാക് വരുന്നതിനു മുന്നോടിയായി സ്ത്രീകള്‍ക്ക് വല്ലാത്ത ക്ഷീണവും തളര്‍ച്ചയും അനുഭവപ്പെടാറുണ്ട്. അതും ആഴ്ചകള്‍ക്കും മാസങ്ങള്‍ക്കും മുന്‍പെ. ഇവ രണ്ടും അറ്റാക്ക് ലക്ഷണങ്ങളായി മാത്രം എടുക്കാന്‍ സാധിക്കില്ല. എന്നാല്‍ പ്രത്യേകിച്ച് കാരണങ്ങളൊന്നുമില്ലാതെ വരുന്ന ഇത്തരം ലക്ഷണങ്ങള്‍ ഒരുപക്ഷേ അറ്റാക്കിന്റെ മുന്നോടിയായിട്ടായിരിക്കാം.

ചില സ്ത്രീകള്‍ക്ക് ഉറക്കം വരാത്ത അവസ്ഥയുണ്ടാകാറുണ്ട്. ഇതും അറ്റാക്കിന്റെ ഒരു പ്രത്യക്ഷ ലക്ഷണമായിട്ടെടുക്കാം.

ടെന്‍ഷന്‍, സ്‌ട്രെസ് എന്നിവ അറ്റാക്കിനുള്ള കാരണങ്ങളാണ്. എന്നാല്‍ ഹൃദയാഘാതം വരുന്നതിന് മുന്‍പായി സ്ത്രീകളില്‍ ടെന്‍ഷനും സ്‌ട്രെസും കൂടുതല്‍ അനുഭവപ്പെടാറുണ്ട്.

ദഹനക്കുറവ്, മനംപിരട്ടല്‍, വയറുവേദന തുടങ്ങിയ ലക്ഷണങ്ങളും സ്ത്രീകളില്‍ അറ്റാക്കിന് മുന്നോടിയായി കാണാറുണ്ട്.

ചില സ്ത്രീകള്‍ക്ക് ശ്വസിക്കുവാനായി ബുദ്ധിമുട്ടനുഭവപ്പെടും. കോണിപ്പടികള്‍ കയറുമ്പോഴും ജോലികള്‍ ചെയ്യുമ്പോഴും കിതപ്പും ശ്വാസംമുട്ടും അനുഭവപ്പെടും.

ശരീരവേദന, പ്രത്യേകിച്ചും ഇടതു ഭാഗത്ത് വേദനയനുഭവപ്പെടുന്ന തോന്നലും ഉണ്ടാകാറുണ്ട്. തലയിലും കഴുത്തിനു താഴേയ്ക്കും വേദന തോന്നും. ശരീരത്തിലെ മസിലുകളില്‍ വേദനയും മസിലുകളനക്കാന്‍ ബുദ്ധിമുട്ടും ഉണ്ടാകാറുണ്ട്.

ഇത്തരം ലക്ഷണങ്ങള്‍ അറ്റാക്കിന്റെ മാത്രമാവണമെന്നില്ല. എന്നാല്‍ ആകാനുള്ള സാധ്യത തള്ളിക്കളയാനുമാവില്ല. ഹൃദയപ്രശ്‌നങ്ങളുള്ള സ്ത്രീകള്‍ക്ക് ഇത്തരം ലക്ഷണങ്ങള്‍ അനുഭവപ്പെടുകയാണെങ്കില്‍ പ്രത്യേക ശ്രദ്ധ വേണം. പ്രത്യേകിച്ച് കാരണങ്ങളൊന്നുമില്ലാതെ ഇത്തരം ലക്ഷണങ്ങള്‍ അനുഭവപ്പെടുകയാണെങ്കിലും അറ്റാക്ക് ലക്ഷണങ്ങളായി സംശയിക്കാവുന്നതേയുള്ളൂ.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.