നിങ്ങളുടെ കുട്ടിക്ക് ഫോണില്‍ കളി കൂടുതലാണോ? വെര്‍ച്വല്‍ ഓട്ടിസം അപകട സാധ്യത

ഒരു നിശാശലഭം വെളിച്ചത്തിലേക്ക് ആകര്ഷിക്കപ്പെടുന്നതുപോലെ, മനുഷ്യർ സ്ക്രീനുകളിലേക്ക് ആകർഷിക്കപ്പെട്ടുകൊണ്ടിരിക്കുന്ന കാലഘട്ടമാണ് ഇന്ന്, മൊബൈല്‍ ആയിക്കൊള്ളട്ടെ, കംപ്യുട്ടര്‍ ആയികൊള്ളട്ടെ സ്‌ക്രീനുകൾ നമ്മുടെ ദൈനംദിന ജീവിതത്തിൻ്റെ അവിഭാജ്യ ഘടകമായി മാറിയിരിക്കുന്നു. എന്നാല്‍ അമിതമായ സ്‌ക്രീൻ ഉപയോഗത്തിന്റെ ദൂഷ്യഫലങ്ങൾ ചിലപ്പോൾ നമ്മൾ മറക്കുന്ന തരത്തിൽ ഇപ്പോള്‍ വളരെയധികം ഉപയോഗം കൂടിയിട്ടുണ്ട്. കുട്ടികൾ മണിക്കൂറുകളോളം സ്ക്രീനിനു മുന്നിൽ ചിലവഴിക്കുന്നു; ഭക്ഷണസമയത്തും ടോയ്‌ലറ്റിലും പോലും അവർക്ക് ഇത് ആവശ്യമാണ്.

കുട്ടികളിലെ ഈ അമിത സ്ക്രീന്‍ ഉപയോഗം വളരെയധികം ആരോഗ്യ പ്രശ്നനഗള്‍ക്ക് കാരനമാകുന്നവയാണ്. അത് അവരുടെ മസ്തിഷ്ക വികാസത്തെ വളരെയധികം ദോഷകരമായി ബാധിചെക്കാം എന്ന് പഠനങ്ങള്‍ പോലും പറയുന്നു. ഇത് കുട്ടികളിൽ ഓട്ടിസം സ്പെക്ട്രം ഡിസോർഡറിലേക്ക് (ASD) നയിച്ചേക്കാം. എന്താണെന്ന് വെർച്വൽ ഓട്ടിസം ? ഓട്ടിസം സ്പെക്ട്രം ഡിസോർഡർ പോലെ തന്നെയാണോ വെർച്വൽ ഓട്ടിസം ? എന്താണ് ഇവ ഒഴിവാക്കുവാനുള്ള മാര്‍ഗ്ഗങ്ങള്‍ ? ഇവയ്ക്കുള്ള ഉത്തരമാണ് ഇവിടെ :

എന്താണ് വെർച്വൽ ഓട്ടിസം?

വെർച്വൽ ലോകം യഥാർത്ഥമല്ല. നിങ്ങൾക്ക് അത് കാണാനും കേൾക്കാനും കഴിയും, പക്ഷേ നിങ്ങൾക്ക് അത് അനുഭവിക്കാനോ സ്പർശിക്കാനോ കഴിയില്ല. ചുറ്റുപാടുമുള്ള എല്ലാ വസ്തുക്കളെയും സ്പർശിച്ചും, മണത്തുകൊണ്ടും, ചലിപ്പിച്ചും, രുചിച്ചും, കണ്ടും, കേട്ടും അവരുടെ ചുറ്റുപാടുകൾ അറിഞ്ഞു കൊണ്ടാണ്, അനുഭവിച്ചു കൊണ്ടാണ് ചെയ്തുകൊണ്ടാണ് കുട്ടികൾ പഠിക്കുന്നത്. എന്നാല്‍ ഗാഡ്‌ജെറ്റുകളുമായി നിരന്തരം സമ്പർക്കം പുലർത്തുമ്പോൾ കുട്ടികൾക്ക് യഥാർത്ഥ ലോകത്തെക്കുറിച്ചുള്ള കാര്യങ്ങൾ പഠിക്കാൻ കഴിയില്ല.

രണ്ട് വയസ്സിന് താഴെയുള്ള കൊച്ചുകുട്ടികൾ അമിതമായി സ്‌ക്രീനുകളിൽ ഏർപ്പെടുമ്പോൾ ഉണ്ടാകുന്ന ഒരു അവസ്ഥയാണ് വെർച്വൽ ഓട്ടിസം, ഇത് എഎസ്ഡി പോലുള്ള ലക്ഷണങ്ങളിലേക്ക് നയിക്കുന്നു. മൂന്ന് വയസ്സിന് താഴെയുള്ള ടിവി, ടാബ്‌ലെറ്റുകൾ, ലാപ്‌ടോപ്പുകൾ, മൊബൈൽ ഫോണുകൾ എന്നിവയിൽ അമിതമായി ചിലവഴിക്കുന്ന കുട്ടികൾക്ക് ആശയവിനിമയ പ്രശ്‌നങ്ങൾ അഭിമുഖീകരിക്കുകയും പലപ്പോഴും പെരുമാറ്റ വൈകല്യങ്ങള്‍ പ്രകടിപ്പിക്കുകയും ചെയ്യുന്നു.

വെർച്വൽ ഓട്ടിസത്തിനും എഎസ്ഡിക്കും സമാനമായ സ്വഭാവസവിശേഷതകൾ ഉള്ളതിനാൽ, ഒരു കുട്ടിക്ക് വെർച്വൽ ഓട്ടിസം ഉണ്ടോ ഇല്ലയോ എന്ന് എങ്ങനെ തിരിച്ചറിയാം ? എങ്ങനെയാണ് വെർച്വൽ ഓട്ടിസം രോഗനിർണയം നടത്തുന്നത്?

എല്ലാ സമയത്തും ഏതെങ്കിലും ഒരു ഗാഡ്ജെറ്റിന് അടിമപ്പെട്ട അവസ്ഥ ഉണ്ടാകുന്നതായി അനുഭവപ്പെടുന്നത് വെർച്വൽ ഓട്ടിസത്തിൻ്റെ പ്രധാന ലക്ഷണമാണ്. ഭക്ഷണ സമയത്തോ ടോയിലെറ്റില്‍ പോലുമോ മൊബൈല്‍ ഉള്‍പ്പടെ ആവശ്യമായി വരുന്നത് ഇവയുടെ ലക്ഷണമാണ്. എന്നാല്‍ ബലം പ്രയോഗിച്ച് മൊബൈല്‍ അല്ലെങ്കില്‍ ടിവിയില്‍ നിന്നും ശ്രദ്ധ മാറ്റുന്നത് ഒരു പക്ഷെ ആക്രമണപരമായ അവസ്ഥയിലേക്കും എത്തിച്ചേക്കാം. വെർച്വൽ ഓട്ടിസം സംഭവിക്കുന്നത് കുട്ടികള്‍ അമിതമായി സ്‌ക്രീനുകളിൽ ആസക്തി ഉള്ളവരായി മാറുന്നത് കൊണ്ടാണ്. അതിനാല്‍ തന്നെ മൊബൈല്‍ / ടിവി അല്ലെങ്കില്‍ കമ്പ്യൂട്ടര്‍ സ്ക്രീനുകളില്‍ നിന്ന് അവരെ മറ്റ് ശാരീരിക പ്രവര്‍ത്തനങ്ങളിലേക്ക് മാറ്റുന്നത് "വെർച്വൽ ഓട്ടിസ" ലക്ഷണങ്ങളില്‍ നിന്നും മോചിപ്പിക്കുവനുള്ള മാര്‍ഗ്ഗങ്ങളാണ്.

വെർച്വൽ ഓട്ടിസം എന്നത് കൊണ്ട് നിങ്ങളുടെ കുട്ടി ഓട്ടിസം ആണെന്ന് അർത്ഥമാക്കുന്നില്ല, അതിനർത്ഥം നിങ്ങളുടെ കുട്ടി ഓട്ടിസത്തിന്റെത് പോലുള്ള അവസ്ഥ കാണിക്കുന്നു എന്നാണ്.

വെർച്വൽ ഓട്ടിസത്തിൻ്റെ ലക്ഷണങ്ങൾ:

ഹൈപ്പർ ആക്ടിവിറ്റി
ശ്രദ്ധിക്കാനുള്ള കഴിവില്ലായ്മ
കളി പ്രവർത്തനങ്ങളിൽ താൽപ്പര്യമില്ലായ്മ (വെർച്വൽ ലോകത്തിന് പുറമെ)
സംസാരത്തിനുള്ള കാലതാമസം
സാമൂഹിക ഇടപെടലിൻ്റെ അഭാവം
ക്ഷോഭവും മാനസികാവസ്ഥയും
കുറഞ്ഞ അറിവ്

വെർച്വൽ ഓട്ടിസം ഒഴിവാക്കുവാനാകുമോ ?

സ്‌ക്രീനില്‍ നിന്നുള്ള ശ്രദ്ധ മാറ്റുമ്പോള്‍ സ്വാഭാവികമായും വെർച്വൽ ഓട്ടിസത്തിൻ്റെ ലക്ഷണങ്ങളും അപ്രത്യക്ഷമാകാറുണ്ട്. മാത്രമല്ല കുട്ടിയുടെ വിജ്ഞാനം, ഹൈപ്പർ ആക്ടിവിറ്റി, ക്ഷോഭം എന്നിവയിൽ കാര്യമായ പുരോഗതി കാണാൻ കഴിയും.

വെർച്വൽ ഓട്ടിസത്തിന് കാരണമാകുന്നത് എന്താണ് ?

ഫോണുകൾ, ടാബ്‌ലെറ്റുകൾ, ടെലിവിഷൻ, കമ്പ്യൂട്ടറുകൾ, ലാപ്‌ടോപ്പുകൾ തുടങ്ങിയ സ്‌ക്രീനുകളിൽ കുട്ടികൾ ദീർഘനേരം സമ്പർക്കം പുലർത്തുന്നത് കൊണ്ടാണ് വെർച്വൽ ഓട്ടിസം ഉണ്ടാകുന്നത്.

വെർച്വൽ ഓട്ടിസം എങ്ങനെ സുഖപ്പെടുത്താം ?

നിങ്ങളുടെ കുട്ടിക്ക് അവരുടെ സമയം ചെലവഴിക്കാൻ ഐപാഡോ ഫോണോ നൽകുന്നതിനുപകരം സാമൂഹികമായി ഇടപഴകാനും അവര്‍ക്ക് ശാരീരികചലനം ഉണ്ടാകുന്ന തരത്തിലുള്ള പ്രവര്‍ത്തനങ്ങള്‍ അഥവാ കളികളില്‍ ഏര്‍പ്പെടുവാനും അനുവദിക്കുന്നതിലൂടെ വെർച്വൽ ഓട്ടിസം തടയാനാകും. എന്നിരുന്നാലും, പ്രതിരോധം സാധ്യമല്ലെങ്കിൽ, നിങ്ങളുടെ കുട്ടിയെ വെർച്വൽ ഓട്ടിസത്തിൽ നിന്ന് പുറത്തുവരാൻ ചികിത്സ ആവശ്യമായി വന്നേക്കാം. വെർച്വൽ ഓട്ടിസത്തിന്‍റെ വ്യത്യസ്ത ചികിത്സാ രീതികളെ കുറിച്ച് നോക്കാം :

വെർച്വൽ ഓട്ടിസ സാഹചര്യങ്ങള്‍ ഒഴിവാക്കുക :

സ്‌ക്രീൻ സമയം കുട്ടിയുടെ ആരോഗ്യത്തിനും വികാസത്തിനും ഹാനികരമാകുമെന്നത് ഭയപ്പെടുത്തുന്ന ഒരു സത്യമാണ്. എന്നിരുന്നാലും, ശരിയായ തരത്തിലുള്ള ഉത്തേജനത്തിലൂടെയും ഇടപെടലിലൂടെയും സുഖപ്പെടുത്താൻ കഴിയുന്ന അസാധാരണമായ ഒരു അവയവമാണ് മസ്തിഷ്കം. അതിനാല്‍ സ്‌ക്രീൻ സമയം ഒഴിവാക്കി അവർക്ക് യഥാർത്ഥ ലോകാനുഭവങ്ങളെ പഠിക്കാനുമുള്ള അവസരങ്ങൾ നൽകുന്നത് കുട്ടിയെ വെർച്വൽ ഓട്ടിസത്തിൽ നിന്ന് മാറ്റുവാന്‍ സഹായിക്കും.

വെർച്വൽ ഓട്ടിസത്തിൽ നിന്ന് പൂര്‍ണ്ണമായ മോചനമുണ്ടോ ?

കുടുംബാംഗങ്ങളുമായും സമപ്രായക്കാരുമായുമുള്ള ഇടപഴകൽ, ശാരീരിക പ്രവർത്തനങ്ങൾ, കളി തുടങ്ങിയവയ്‌ക്കൊപ്പം സ്‌ക്രീൻ സമയം ഒഴിവാക്കുകയോ കുറയ്ക്കുകയോ ചെയ്യുമ്പോൾ കുട്ടികളിൽ സ്വാഭാവികമായും രോഗലക്ഷണങ്ങളിൽ വലിയ കുറവ് നിരീക്ഷിക്കാനാകും.

വെർച്വൽ ഓട്ടിസം മാറിയതിനുള്ള തെളിവുകള്‍

വെർച്വൽ ഓട്ടിസത്തിൻ്റെ അടയാളങ്ങൾ സ്‌ക്രീൻ സമയം പരിമിതപ്പെടുത്തുകയോ ഒഴിവാക്കുകയോ ചെയ്യുമ്പോൾ മുമ്പ് ചർച്ച ചെയ്ത ലക്ഷണങ്ങൾ അപ്രത്യക്ഷമാകുകയോ ഗണ്യമായി കുറയുകയോ ചെയ്യുന്നു.

വെർച്വൽ ഓട്ടിസത്തിന്‍റെ ലക്ഷണങ്ങള്‍ ഭേദമാകുവാന്‍ എത്ര സമയം എടുത്തേക്കാം ?

ഓരോ കുട്ടിയും വ്യത്യസ്തവും അതുല്യവുമാണ്, അവരുടെ കുടുംബങ്ങൾ വ്യത്യസ്തമാണ്. കുട്ടി അവൻ്റെ/അവളുടെ പരിസ്ഥിതി, കുടുംബാംഗങ്ങൾ, സമപ്രായക്കാർ, കളിപ്പാട്ടങ്ങൾ തുടങ്ങിയവയുമായി എങ്ങനെ ഇടപഴകുന്നു എന്നത് വ്യത്യാസപ്പെട്ടിരിക്കുന്നതിനാല്‍ കൃത്യമായ ഒരു സമയം പ്രവചിക്കുവാന്‍ സാധിക്കുകയില്ല.

വെർച്വൽ ഓട്ടിസത്തിന്‍റെ ചികിത്സ :

സ്ക്രീൻ സമയം ഇല്ലാതാക്കുക്കുകയോ കുറയ്ക്കുകയോ ചെയ്യുക.
വിശാലമായ പ്രവർത്തനങ്ങളിലൂടെ നമുക്ക് ചുറ്റുമുള്ള ലോകത്തില്‍ സജീവമായി ഇടപഴകുവാന്‍ അവസരമൊരുക്കുക.
സമപ്രായക്കാരുമായി ഇടപഴകാനുള്ള അവസരങ്ങൾ നൽകുന്നു
കൂട്ടായ കളികളില്‍ ഏര്‍പ്പെടുവാനുള്ള അവസരങ്ങള്‍ ഉണ്ടാക്കുക.
മാതാപിതാക്കളുമായും മുതിർന്നവരുമായും ഇടപഴകുന്ന സമയം മികച്ചതാക്കുക, അതായത് ഉറക്കത്തിന് മുന്‍പായി കഥകൾ പറയുകയോ, ഒരുമിച്ച് കളിക്കുകയോ ഒരുമിച്ച് പാചകം ചെയ്യുയോ തുടങ്ങിയവ.
വിവിധ കളികളില്‍ കുട്ടിയോടൊപ്പം പങ്കുചേരുക.

നിങ്ങളുടെ കുട്ടിയെ ശാരീരിക പ്രവര്‍ത്തനങ്ങളില്‍ നിലനിർത്താൻ അവരുമായി ചെയ്യാവുന്ന ചില പ്രവർത്തനങ്ങൾ ഇതാ :

പസിലുകൾ
ബോർഡ് ഗെയിമുകൾ
പാർക്കിലേക്കുള്ള സന്ദര്‍ശനം.
ചെറിയ നാടന്‍ കളികള്‍.
മൃഗശാല സന്ദർശനം.
ബീച്ചിലേക്കുള്ള യാത്ര.
ഡ്രോയിംഗ് അല്ലെങ്കിൽ കളറിംഗ് എന്നിവ.

സ്‌ക്രീനുകൾ നമ്മുടെ ജീവിതത്തിൻ്റെ ഒഴിച്ചുകൂടാനാവാത്ത ഘടകമായി മാറിയിരിക്കുന്നു, അവ പൂർണ്ണമായും ഒഴിവാക്കുക അസാധ്യമാണ്. എന്നിരുന്നാലും, നിങ്ങളുടെ കുട്ടി സ്‌ക്രീനുകളിൽ എത്ര സമയം വീക്ഷിക്കുന്നു എന്നത് ശ്രദ്ധിക്കേണ്ടത് പ്രധാനമാണ്. കുട്ടിയുടെ സ്‌ക്രീൻ സമയം പരിമിതപ്പെടുത്തുക, ഒപ്പം കളിക്കാനും അവരോട് സംസാരിക്കാനും പെയിൻ്റ് ചെയ്യാനോ ഒരുമിച്ച് എന്തെങ്കിലും പ്രവര്‍ത്തനത്തില്‍ മുഴുകുകയോ ചെയ്യുക. നിങ്ങളുടെ കുട്ടിയെ വീടിനു പുറത്തേക്ക് ആകര്‍ഷിക്കുക, കഥകൾ പറഞ്ഞു കൊടുക്കുകയോ വായിക്കുവാന്‍ നല്‍കുകയോ ചെയ്യുക, നിങ്ങളുടെ കുട്ടിക്കാലത്ത് നിങ്ങൾ കളിച്ച നാടന്‍ കളികളെ പരിചയപ്പെടുത്തുക തുടങ്ങിയ കാര്യങ്ങള്‍ മികച്ച ഫലം നല്‍കുന്നവയാണ്.

സ്ക്രീന്‍ സമയം കുറച്ച് അവര്‍ക്ക് യഥാർത്ഥ ലോകാനുഭവങ്ങൾ ആസ്വദിക്കുവാന്‍ അവസരം നല്‍കുന്നത് അമിത സ്‌ക്രീൻ സമയത്തിൻ്റെ ദോഷകരമായ ഫലങ്ങളിൽ നിന്ന് രക്ഷിക്കുവാനുള്ള മികച്ച മാര്‍ഗ്ഗമാണ്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.