രാവിലെ എഴുന്നേറ്റയുടന്‍ ശരീരം ഇങ്ങനെയാണോ? രക്തസമ്മര്‍ദ്ദം കൂടുന്ന ലക്ഷണം

ലോകമെമ്പാടുമുള്ള ദശലക്ഷക്കണക്കിന് ആളുകളെ വലയ്ക്കുന്ന ഒരു പ്രശ്‌നമാണ് ഉയര്‍ന്ന രക്തസമ്മര്‍ദ്ദം അല്ലെങ്കില്‍ ഹൈ ബിപി. ബ്ലഡ് പ്രഷര്‍ ഒരുതരം നിശബ്ദ കൊലയാളിയാണ്. ഹൈ ബിപിയെ ഹൈപ്പര്‍ടെന്‍ഷന്‍ എന്നും വിളിക്കുന്നു. ലോകമെമ്പാടുമുള്ള മരണത്തിന്റെ പ്രധാന കാരണങ്ങളിലൊന്നാണ് ഇത്. ജനിതകം, മോശം ജീവിതശൈലി, ഭക്ഷണശീലങ്ങള്‍, സമ്മര്‍ദ്ദം എന്നിവ ഉയര്‍ന്ന ബിപിക്ക് കാരണമാകും. ഇന്നത്തെ കാലത്ത് യുവാക്കള്‍ പോലും ഉയര്‍ന്ന രക്തസമ്മര്‍ദ്ദ പ്രശന്ങ്ങള്‍ നേരിടുന്നു.

മറ്റ് രോഗാവസ്ഥകളില്‍ നിന്ന് വ്യത്യസ്തമായി, ബി.പി കൂടിയാല്‍ അത് അത്ര വലിയ ലക്ഷണങ്ങളൊന്നും കാണിക്കില്ല. നിങ്ങളുടെ രക്തസമ്മര്‍ദ്ദം നിങ്ങള്‍ നിയന്ത്രിക്കുന്നില്ലെങ്കില്‍ അത് നിങ്ങളുടെ ആരോഗ്യത്തിന് തന്നെ ഭീഷണിയാകും. അപ്രതീക്ഷിതമായി മരണത്തിലേക്ക് തള്ളിവിടുന്ന ഒരു രോഗാവസ്ഥയാണ് ഇത്. അതിനാല്‍ത്തന്നെ ബി.പി കൂടുന്നതിന്റെ ലക്ഷണങ്ങള്‍ എല്ലാവരും ശ്രദ്ധിക്കണം. രാവിലെ എഴുന്നേറ്റയുടന്‍ ഈ 5 ലക്ഷണങ്ങള്‍ കണ്ടാല്‍ നിങ്ങളുടെ രക്തസമ്മര്‍ദ്ദം കൂടുതലാണെന്ന് നിങ്ങള്‍ മനസ്സിലാക്കുക.

തലകറക്കം

രാവിലെ എഴുന്നേറ്റ ഉടന്‍ തലകറക്കം അനുഭവപ്പെടുന്നുണ്ടെങ്കില്‍ ഈ ലക്ഷണം അവഗണിക്കരുത്. രാവിലെ ഉറക്കമുണര്‍ന്നതിനുശേഷം തലകറക്കം അനുഭവപ്പെടുന്നത് ഉയര്‍ന്ന രക്തസമ്മര്‍ദ്ദത്തിന്റെ ലക്ഷണമാകാം. കിടക്കയില്‍ നിന്ന് എഴുന്നേറ്റ ഉടന്‍ തന്നെ നിങ്ങള്‍ക്ക് തലകറക്കം അനുഭവപ്പെടുന്നുണ്ടെങ്കില്‍, തീര്‍ച്ചയായും നിങ്ങളുടെ രക്തസമ്മര്‍ദ്ദം പരിശോധിക്കുക. എന്നിരുന്നാലും, തലകറക്കത്തിന് മറ്റ് നിരവധി കാരണങ്ങളുണ്ടാകാം. പക്ഷേ ഉയര്‍ന്ന രക്തസമ്മര്‍ദ്ദം ഇതിന് ഒരു പ്രധാന കാരണം ആകാം.

രാവിലെയുള്ള ദാഹം

ദാഹം തോന്നുന്നത് സാധാരണമാണ്. എന്നാല്‍ രാവിലെ എഴുന്നേറ്റയുടന്‍ ദാഹം തോന്നിയാല്‍, അത് ഉയര്‍ന്ന രക്തസമ്മര്‍ദ്ദത്തിന്റെ ലക്ഷണമാകാം. നിങ്ങള്‍ക്ക് ഉയര്‍ന്ന രക്തസമ്മര്‍ദ്ദം ഉണ്ടെങ്കില്‍ വായ വരണ്ടതായി അനുഭവപ്പെടും. പ്രത്യേകിച്ച്, രാവിലെ നിങ്ങള്‍ക്ക് കൂടുതല്‍ ദാഹം അനുഭവപ്പെടും. അതിനാല്‍, രാവിലെ എഴുന്നേറ്റ ഉടന്‍ തന്നെ ദാഹം അനുഭവപ്പെടുന്നുണ്ടെങ്കില്‍ ആദ്യം നിങ്ങളുടെ രക്തസമ്മര്‍ദ്ദം പരിശോധിക്കുക.

മങ്ങിയ കാഴ്ച

രാവിലെ എഴുന്നേറ്റയുടന്‍ കാഴ്ച മങ്ങുകയാണെങ്കില്‍ അതും ഉയര്‍ന്ന രക്തസമ്മര്‍ദ്ദത്തിന്റെ ലക്ഷണമാകാം. ഉയര്‍ന്ന രക്തസമ്മര്‍ദ്ദം കണ്ണിന്റെ ആരോഗ്യത്തെ ദോഷകരമായി ബാധിക്കും. നിങ്ങളുടെ രക്തസമ്മര്‍ദ്ദം അടിക്കടി വര്‍ദ്ധിക്കുകയാണെങ്കില്‍, നിങ്ങളുടെ കാഴ്ചശക്തി ദുര്‍ബലമാകും.

ഛര്‍ദ്ദിയും ഓക്കാനവും

രാവിലെയുള്ള ഛര്‍ദ്ദി, ഓക്കാനം തുടങ്ങിയ പ്രശ്നങ്ങളും ഉയര്‍ന്ന രക്തസമ്മര്‍ദ്ദത്തിന്റെ ലക്ഷണങ്ങളാകാം. രാവിലെ ഉറക്കമുണര്‍ന്നയുടന്‍ ഛര്‍ദ്ദിക്കാന്‍ തോന്നുകയാണെങ്കില്‍ നിങ്ങള്‍ രക്തസമ്മര്‍ദ്ദം പരിശോധിക്കണം. ഇതോടൊപ്പം അസിഡിറ്റി, ബലഹീനത തുടങ്ങിയ ലക്ഷണങ്ങളും അനുഭവപ്പെടാം.

രാവിലെയുള്ള ഉറക്കം

രക്തസമ്മര്‍ദ്ദം കൂടുമ്പോള്‍ അത് ഉറക്കത്തെ ബാധിക്കും. ഉയര്‍ന്ന രക്തസമ്മര്‍ദ്ദമുള്ള രോഗികള്‍ക്ക് രാത്രിയില്‍ ഉറങ്ങാന്‍ ബുദ്ധിമുട്ടായിരിക്കും. അതുകൊണ്ട് അവര്‍ക്ക് പലപ്പോഴും രാവിലെ ഉറക്കം വരും.

രാവിലെ എഴുന്നേറ്റയുടന്‍ ഈ ലക്ഷണങ്ങള്‍ നിങ്ങള്‍ക്കും അനുഭവപ്പെടുന്നുണ്ടെങ്കില്‍, തീര്‍ച്ചയായും നിങ്ങളുടെ രക്തസമ്മര്‍ദ്ദം പരിശോധിക്കുക. ഉയര്‍ന്ന രക്തസമ്മര്‍ദ്ദം ഗുരുതരമായ ഒരു രോഗമാണ്. ഇത് ഒരു നിശബ്ദ കൊലയാളിയാണ്. പല കേസുകളിലും ഉയര്‍ന്ന ബിപി ഉള്ളവര്‍ക്ക് രോഗലക്ഷണങ്ങള്‍ അനുഭവപ്പെടില്ല. അതിനാല്‍, ഇടയ്ക്കിടെ പരിശോധിച്ചാല്‍ മാത്രമേ ഇത് കണ്ടെത്താന്‍ കഴിയൂ.

ഹൈ ബി.പി തടയാന്‍

ഡയറ്റ്, ഭക്ഷണശീലം

ഹൈപ്പര്‍ടെന്‍ഷന്‍ നിയന്ത്രിക്കുന്നതിന് ആരോഗ്യകരമായ ഭക്ഷണം വളരെ സഹായകരമാണ്. ഡാഷ് ഡയറ്റ്, മെഡിറ്ററേനിയന്‍ ഡയറ്റ് തുടങ്ങിയ ഭക്ഷണരീതികള്‍ രക്തസമ്മര്‍ദ്ദം കുറയ്ക്കുമെന്ന് തെളിയിക്കപ്പെട്ടിട്ടുണ്ട്. ഭക്ഷണത്തിലെ ഉയര്‍ന്ന സോഡിയം ഉയര്‍ന്ന രക്തസമ്മര്‍ദ്ദത്തിന്റെ പ്രധാന കാരണങ്ങളിലൊന്നാണ്. നിങ്ങള്‍ക്ക് ഹൈപ്പര്‍ടെന്‍ഷന്‍ ഉണ്ടെങ്കില്‍ ഭക്ഷണത്തില്‍ ഉപ്പ് കുറയ്ക്കുക. ഉപ്പിന് സമാനമായി പഞ്ചസാരയും രക്തസമ്മര്‍ദ്ദം വര്‍ദ്ധിപ്പിക്കുമെന്ന് തെളിയിക്കപ്പെട്ടിട്ടുണ്ട്. മധുരം കഴിക്കുന്നതും കുറയ്ക്കുക. ഹൈപ്പര്‍ടെന്‍ഷന്‍ രോഗികളുടെ ആരോഗ്യത്തില്‍ ഡാര്‍ക്ക് ചോക്ലേറ്റ് ഗണ്യമായ പുരോഗതി കാണിക്കുന്നു. അതിനാല്‍ ഡാര്‍ക് ചോക്ലേറ്റ് കഴിക്കുന്നത് നല്ലതാണ്.

പൊട്ടാസ്യം അടങ്ങിയ ഭക്ഷണങ്ങള്‍ ഉയര്‍ന്ന രക്തസമ്മര്‍ദ്ദം കുറയ്ക്കാന്‍ സഹായിക്കും. നട്സ്, വാഴപ്പഴം, അവോക്കാഡോ തുടങ്ങിയ ഭക്ഷണങ്ങള്‍ കഴിക്കുക. അള്‍ട്രാ-പ്രോസസ്ഡ് ഫുഡുകള്‍, ജങ്ക് ഫുഡ് എന്നിവയില്‍ അമിത അളവില്‍ ഉപ്പ്, പഞ്ചസാര, ട്രാന്‍സ് ഫാറ്റുകള്‍, പ്രിസര്‍വേറ്റീവുകള്‍, മറ്റ് ഘടകങ്ങള്‍ എന്നി അടങ്ങിയിട്ടുണ്ട്. ഇത് ഹൈപ്പര്‍ടെന്‍ഷന്‍ വഷളാക്കും. അതിനാല്‍ ഇത്തരം ഭക്ഷണങ്ങള്‍ ഒഴിവാക്കുക. പ്രോട്ടീന്‍ സമ്പുഷ്ടമായ ഭക്ഷണം കഴിക്കുന്നത് ഉയര്‍ന്ന രക്തസമ്മര്‍ദ്ദം കുറയ്ക്കുകയും ഹൃദയ സംബന്ധമായ മറ്റ് പ്രശ്‌നങ്ങള്‍ ഉണ്ടാകാനുള്ള സാധ്യത കുറയ്ക്കുകയും ചെയ്യും. അമിതമായ കഫീന്‍ കഴിക്കുന്നത് ഊര്‍ജ്ജം വര്‍ദ്ധിപ്പിക്കും, പക്ഷേ ഇത് രക്തസമ്മര്‍ദ്ദം വര്‍ദ്ധിപ്പിക്കും. കഫീന്റെ അമിതവും സ്ഥിരവുമായ ഉപയോഗം ഹൈപ്പര്‍ടെന്‍ഷന്‍ വഷളാക്കും. അതിനാല്‍ കാപ്പി കുടി ശീലം കുറയ്ക്കുക. വെളുത്തുള്ളി പതിവായി കഴിച്ചതിന് ശേഷം രക്താതിമര്‍ദ്ദത്തിന്റെ അളവ് ഗണ്യമായി മെച്ചപ്പെടുത്തുമെന്ന് പല പഠനങ്ങളും കാണിക്കുന്നു. അതിനാല്‍ വെളുത്തുള്ളി കഴിക്കുന്നത് നല്ലതാണ്.

വ്യായാമം

രക്തയോട്ടം മെച്ചപ്പെടുത്താന്‍ വ്യായാമം സഹായിക്കും. ധമനികളുടെ സങ്കോചം രക്താതിമര്‍ദ്ദത്തിന് കാരണമാകുന്നു. സ്ഥിരമായ വ്യായാമത്തിലൂടെ ഇത് നിയന്ത്രിക്കാന്‍ സാധിക്കും. ആഴ്ചയില്‍ 5 ദിവസം 30 മിനിറ്റ് നേരം വ്യായാമം ചെയ്യുന്നത് വളരെ നല്ലതാണ്.

ശരീരഭാരം

അമിതവണ്ണം നിങ്ങളുടെ രക്തസമ്മര്‍ദ്ദത്തെ സാരമായി ബാധിക്കും. അധിക കൊഴുപ്പ് നിങ്ങളുടെ ധമനികളിലെ രക്തപ്രവാഹത്തെ തടയും. ഇത് ആത്യന്തികമായി നിങ്ങളുടെ രക്തസമ്മര്‍ദ്ദം വര്‍ദ്ധിപ്പിക്കും. അതിനാല്‍ ശരീരഭാരം ക്രമമാക്കി സൂക്ഷിക്കുക.

പുകവലി, മദ്യം നിര്‍ത്തുക

പുകവലി ശരീരത്തിനും ഹൃദയത്തിനും മാറ്റാനാവാത്ത നാശമുണ്ടാക്കുന്നു. പുകവലി രക്തക്കുഴലുകളില്‍ വീക്കം ഉണ്ടാക്കുന്നു, ധമനികളില്‍ ഇടുങ്ങിയതാക്കുന്നു, രക്തസമ്മര്‍ദ്ദത്തെ കൂടുതല്‍ വഷളാക്കുന്ന മറ്റ് പ്രശ്‌നങ്ങള്‍ക്ക് കാരണമാകുന്നു. അതിനാല്‍ പുകവലി ശീലം ഉപേക്ഷിക്കുക. അതുപോലെ മദ്യത്തിന്റെ അമിതമായ അല്ലെങ്കില്‍ സ്ഥിരമായ ഉപയോഗം രക്തസമ്മര്‍ദ്ദം വര്‍ദ്ധിപ്പിക്കും. കൂടാതെ ഹൈപ്പര്‍ടെന്‍ഷന്‍ മരുന്നുകളുടെ ഫലപ്രാപ്തി കുറയ്ക്കുകയും ചെയ്യും.

നല്ല ഉറക്കം

ഉറക്കക്കുറവ് ഹൃദയാരോഗ്യം കുറയുന്നതിന് കാരണമാകുന്നു. ദിവസവും കുറഞ്ഞത് 7-9 മണിക്കൂറെങ്കിലും നല്ല നിലവാരമുള്ള ഉറക്കം നേടുന്നത് മെച്ചപ്പെട്ട രക്തസമ്മര്‍ദ്ദം ഉറപ്പാക്കുന്നു.

മാനസികാരോഗ്യം

സമ്മര്‍ദ്ദം, ഉത്കണ്ഠ, മൂഡ് ഡിസോര്‍ഡേഴ്‌സ് എന്നിവ നമ്മുടെ രക്തസമ്മര്‍ദ്ദത്തില്‍ കാര്യമായ സ്വാധീനം ചെലുത്തുന്നതായി തെളിയിക്കപ്പെട്ടിട്ടുണ്ട്. നല്ല മാനസികാരോഗ്യം നിലനിര്‍ത്തുന്നത് നിങ്ങളുടെ ഹൈപ്പര്‍ടെന്‍ഷന്‍ നിയന്ത്രിക്കാന്‍ സഹായിക്കും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.