ഇടയ്ക്കിടെ ഇക്കിള്‍ വരുന്നുണ്ടോ? ശ്രദ്ധിക്കണം, ഈ അപകട രോഗം വരുന്നതിന്റെ ലക്ഷണം

ഇക്കിള്‍ എന്നത് ഒരു സ്വാഭാവിക പ്രതിഭാസമാണ്. നാമെല്ലാം ജീവിതത്തില്‍ പലതവണ ഇക്കിള്‍ അനുഭവിച്ചവരാണ്. ചിലര്‍ക്ക് അല്‍പ്പ സമയം കൊണ്ട് എല്ലാം പഴയപടി ആകുമെങ്കിലും മറ്റുചിലര്‍ക്ക് കൂടുതല്‍ നേരം നീണ്ടു നിക്കുന്ന അസ്വസ്ഥതയാണ് ഇക്കിള്‍. അത് സമയവും സന്ദര്‍ഭവും സാഹചര്യവും അനുസരിച്ച് ആളുകള്‍ക്ക് ഒരുപക്ഷെ ആലോസരവും ബുദ്ധിമുട്ടും അപൂര്‍വമായി മെഡിക്കല്‍ എമര്‍ജെന്‍സിക്ക് വരെ കാരണമായേക്കാം.

ഇനി ഇക്കിള്‍ എന്നതിന്‍റെ ശാസ്ത്രീയ വശം എന്തൊക്കെയാണെന്ന് പരിശോധിക്കാം. നമ്മുടെ ശ്വാസകോശത്തിലെ ഡയഫ്രം പെട്ടെന്ന് സങ്കോചിക്കുന്ന സന്ദര്‍ഭത്തില്‍ ഇത് നെഞ്ചിലെയും വയറിലെയും പേശികൾ കുലുങ്ങുമ്പോൾ സംഭവിക്കുന്ന ഒരു റിഫ്ലെക്സ് മാത്രമാണ് ഇക്കിള്‍.

എന്നിരുന്നാലും, ഇത് വരാനിരിക്കുന്ന സ്ട്രോക്കിന്റെ ലക്ഷണമായും പല ഡോക്ടര്‍മാരും ഇക്കിളിനെ കണക്കാക്കാറുണ്ട്. തൂങിക്കിടക്കുന്ന മുഖമോ, ഒരു കൈയ്യിലെ ബലഹീനതയോ, മങ്ങിയ സംസാരമോ പോലെതന്നെ തുടര്‍ച്ചയായും നീണ്ടു നില്‍ക്കുന്നതുമായ ഇക്കിളും സ്ട്രോക്ക് ലക്ഷണമാണ് എന്നാണു ചില പഠനങ്ങളെ അധികരിച്ച് ഡോക്റ്റര്‍മാര്‍ പറയുന്നത്. വിവിധ ലക്ഷണങ്ങള്‍ സ്ട്രോക്കിന് മുന്നോടിയായി ഉണ്ടാവാറുണ്ട്, അവ ഏതൊക്കെയാണെന്ന് നോക്കാം.

കോടിയ മുഖം :

ഒരു വശത്തേക്ക് കോടിയതോ, പുഞ്ചിരിക്കാനോ സംസാരിക്കാനോ കഴിയാതെ വരികയോ ചെയ്തേക്കാം. അല്ലെങ്കിൽ അവരുടെ വായയോ കണ്ണോ തളർന്നിരിക്കാം. ഉമിനീര്‍ അനിയന്ത്രിതമായി വായിലൂടെ പുറത്തേക്ക് വരുന്നതും ലക്ഷണമാണ്.

ബലഹീനമായ കൈ :

കൈയിലെ ബലഹീനതയോ മരവിപ്പോ കാരണം, ഉയര്‍ത്തുവാനോ, മറ്റെന്തെങ്കിലും കാര്യങ്ങള്‍ ചെയ്യുവാനോ കഴിയാത്ത അവസ്ഥ ഉണ്ടായേക്കാം.

മുറിഞ്ഞതോ വ്യക്തമല്ലാത്തതോ ആയ സംസാരം :

സ്ട്രോക്കിന്റെ ലക്ഷണമായി സംസാരം തടസ്സപ്പെടുകയോ, പൂര്‍ത്തിയാക്കാന്‍ കഴിയാതെ വരികയോ അല്ലെങ്കിൽ ഉണർന്നിരിക്കുന്നതായി തോന്നിയിട്ടും വ്യക്തിക്ക് സംസാരിക്കാൻ കഴിയാതെയോ വന്നേക്കാം; എന്താണ് സംസാരിക്കുന്നത് എന്നോ, അല്ലെങ്കില്‍ മനസ്സില്‍ ഉദ്യേശിക്കുന്ന കാര്യങ്ങള്‍ അതുപോലെ പുറത്ത് പറയുവാന്‍ സാധിക്കാതെ വരികയോ ചെയ്യുനതും ഒരു പ്രധാന ലക്ഷണമാണ്.

പഠനങ്ങൾ അനുസരിച്ച്, മസ്തിഷ്കാഘാതം അനുഭവപ്പെടുമ്പോൾ സ്ത്രീകൾക്ക് ഇക്കിള്‍ ഉണ്ടാകാം. ശ്വസനത്തെ നിയന്ത്രിക്കുന്ന മെഡുള്ള ഒബ്ലോംഗറ്റ, ചലന നിയന്ത്രണത്തിൽ ഏർപ്പെട്ടിരിക്കുന്ന സൂപ്പർടെൻറ്റോറിയൽ കോർട്ടക്സ് എന്നിവയ്ക്ക് മസ്തിഷ്ക ക്ഷതം സംഭവിക്കുന്ന കാരണത്താല്‍ ആണ് ഇങ്ങനെ സംഭവിക്കുന്നത്.

പക്ഷെ നിങ്ങൾക്ക് പെട്ടെന്ന് ഇക്കിള്‍ വരുകയോ അസാധാരണമായ മയക്കം അനുഭവപ്പെടുകയോ ചെയ്താൽ അത് സ്ട്രോക്ക് ലക്ഷണം തന്നെ ആകണം എന്നില്ല എന്നും വിദഗ്ധര്‍ അഭിപ്രായപ്പെടുന്നു. രോഗലക്ഷണങ്ങൾ വളരെ കഠിനമാണെങ്കിൽ മാത്രമേ സ്ട്രോക്ക് ആകുവാനുള്ള സാധ്യത ഉള്ളൂ.

സ്ത്രീകളും പുരുഷന്മാരും തമ്മിലുള്ള സ്ട്രോക്കിന്റെ ലക്ഷണങ്ങൾ :

ശാസ്ത്രജ്ഞരുടെ അഭിപ്രായത്തിൽ, എന്തുകൊണ്ടാണ് പുരുഷന്മാരും സ്ത്രീകളും വ്യത്യസ്തമായി സ്ട്രോക്ക് അനുഭവിക്കുന്നതെന്നതിന് നിരവധി സിദ്ധാന്തങ്ങളുണ്ട്. ഒന്നാമതായി, ഹോർമോണുകളുമായി ഇതിന് വളരെയധികം ബന്ധമുണ്ടെന്ന് ഡോക്ടർമാർ പറയുന്നു. സ്ത്രീകളിലെ ഈസ്ട്രജന് ആൻറി-ഇൻഫ്ലമേറ്ററി ഇഫക്റ്റുകൾ ഉണ്ട്, ഇത് മസ്തിഷ്കാഘാതത്തിൽ നിന്ന് സംരക്ഷിക്കുവാന്‍ സഹായിക്കുന്ന ഘടകമാണ്. തലച്ചോറിലേക്ക് രക്തം നൽകുന്ന ആന്തരിക കരോട്ടിഡ് ധമനിയിൽ രക്തയോട്ടം വർദ്ധിപ്പിക്കാനും ഈസ്ട്രജൻ സഹായിക്കുന്നു.

പ്രായമാകുമ്പോൾ സ്ത്രീകൾ ഈസ്ട്രജൻ കുറയ്ക്കുന്നതിനാൽ പ്രായവും ഒരു ഘടകമാണ്. ഇത് സ്ത്രീകളിൽ സ്ട്രോക്കിനുള്ള അപകടസാധ്യത പുരുഷന്മാരേക്കാൾ കൂടുതലാക്കിയെക്കാം എന്നും പഠനങ്ങള്‍ പറയുന്നു. അതായത് ആർത്തവവിരാമ സമയത്ത് ഈസ്ട്രജന്റെ അളവ് ഗണ്യമായി കുറയുന്നത് പിന്നീടുള്ള ജീവിതത്തിൽ സ്ട്രോക്ക് ഉണ്ടാകാനുള്ള സാധ്യതയുമായി ബന്ധപ്പെട്ടിരിക്കുന്നു.

സ്ട്രോക്ക് വന്നാൽ എന്തുചെയ്യണം ?

വളരെ പ്രധാനപ്പെട്ട ഭാഗമാണ് ഇത്, കാരണം ഈ സൂചനകള്‍ ഒരാളെ മരണത്തില്‍ നിന്നോ തീവ്രമായ സ്ട്രോക്കിന്‍റെ അവസ്ഥകളില്‍ നിന്നും രക്ഷിക്കുന്നു. ചുവടെ പറയുന്ന ലക്ഷണങ്ങള്‍ ആണ് സ്ട്രോക്കിന് മുന്നോടിയായി കാണാറുള്ളത്, അതിനാല്‍ ഈ ലക്ഷണങ്ങള്‍ കാണുന്നുവെങ്കില്‍ ഏറ്റവും വേഗത്തില്‍ സ്ട്രോക്ക് ചികിത്സാ സൌകര്യമുള്ള ആശുപത്രിയിലേക്ക് രോഗിയെ എത്തിക്കേണ്ടതാണ്.

ശരീരത്തിന്റെ ഒരു വശം പൂർണമായി തളർന്നതായി കാണുന്നു.
പെട്ടെന്നുള്ള അന്ധത അല്ലെങ്കിൽ കാഴ്ച മങ്ങൽ
ക്ഷീണം
തലകറക്കം
ആശയക്കുഴപ്പം
മറ്റുള്ളവർ എന്താണ് പറയുന്നതെന്ന് മനസ്സിലാക്കാൻ ബുദ്ധിമുട്ട്.
സന്തുലിതാവസ്ഥയിലും ഏകോപനത്തിലും പ്രശ്നങ്ങൾ.
ഭക്ഷണവും ഉമിനീരും ഉള്‍പ്പടെ വിഴുങ്ങുവാനുള്ള ബുദ്ധിമുട്ട്.
പെട്ടെന്നുള്ളതും കഠിനവുമായ തലവേദന.
ബോധം നഷ്ടപ്പെടുന്ന അവസ്ഥ.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.