ഉത്തേജനം കുറയും, ഭാര്യക്ക് മുന്നില്‍ തോല്‍വി; ഈ ഭക്ഷണങ്ങള്‍ നിങ്ങള്‍ക്ക് ചെയ്യും ദോഷം

Health Tips: ദാമ്പത്യ ബന്ധത്തില്‍ ശാരീരിക ബന്ധം പങ്കാളികള്‍ തമ്മിലുള്ള ബന്ധം മെച്ചപ്പെടുത്താന്‍ സഹായിക്കുന്നു. സെക്സ് ഡ്രൈവ് കുറയുന്നത് നിങ്ങളുടെ ബന്ധത്തെ മോശമായി ബാധിക്കുമെന്നത് മറ്റൊരു കാര്യം. ശരീരത്തിലെ ടെസ്റ്റോസ്റ്റിറോണിന്റെയും ഈസ്ട്രജന്റെയും അനുപാതം അനുസരിച്ചാണ് ഒരാളുടെ സെക്സ് ഡ്രൈവ് നിര്‍ണ്ണയിക്കുന്നത്. ശരീരത്തിലെ ടെസ്റ്റോസ്റ്റിറോണിന്റെ അളവ് വര്‍ദ്ധിക്കുന്നതിനാല്‍, ഒരു വ്യക്തിയുടെ സെക്സ് ഡ്രൈവ് വര്‍ദ്ധിക്കുകയും ഈ സമയത്ത് ഈസ്ട്രജന്റെ അളവ് കുറയുകയും ചെയ്യുന്നു.

നിങ്ങള്‍ക്ക് സെക്സ് ഡ്രൈവ് വര്‍ദ്ധിപ്പിക്കണമെങ്കില്‍, ടെസ്റ്റോസ്റ്റിറോണ്‍ അളവ് വര്‍ദ്ധിപ്പിക്കുകയും ഈസ്ട്രജനെ ഉത്തേജിപ്പിക്കാതിരിക്കുകയും ചെയ്യുന്ന ഭക്ഷണങ്ങള്‍ നിങ്ങള്‍ കഴിക്കണം. ചില ഭക്ഷണ പദാര്‍ത്ഥങ്ങള്‍ നിങ്ങളുടെ ഹോര്‍മോണുകളുടെ അളവിനെ ബാധിക്കുന്നതായി പല ഗവേഷണങ്ങളും വെളിപ്പെടുത്തിയിട്ടുണ്ട്. നിങ്ങളുടെ ലൈംഗികാസക്തിയെ ദോഷകരമായി ബാധിക്കുന്ന ചില ഭക്ഷണങ്ങളുണ്ട്. അത് എന്തൊക്കെയാണെന്ന് നമുക്ക് നോക്കാം.

ടിന്നിലടച്ച ഭക്ഷണം

വളരെക്കാലം കേടുകൂടാതെ തയ്യാറാക്കി സൂക്ഷിക്കാന്‍ ഉദ്ദേശിച്ചുള്ളതാണ് ടിന്നിലടച്ച ഭക്ഷണങ്ങള്‍. ഇവയില്‍ ഉയര്‍ന്ന അളവില്‍ സോഡിയം അടങ്ങിയിട്ടുണ്ട്. ഇത് നിങ്ങളുടെ രക്തസമ്മര്‍ദ്ദം വര്‍ദ്ധിപ്പിക്കുകയും ശരീരത്തിന്റെ പല ഭാഗങ്ങളിലേക്കും രക്തയോട്ടം കുറയ്ക്കുകയും ചെയ്യുന്നു. ശരീരത്തിന്റെ സുപ്രധാന അവയവങ്ങളിലേക്ക് രക്തം ശരിയായി എത്താത്തത് കാരണം നിങ്ങളുടെ ലിബിഡോയും കുറയുന്നു.

മദ്യം

അമിതമായ മദ്യപാനം കരളിനെ നശിപ്പിക്കുമെന്ന് നമുക്കെല്ലാവര്‍ക്കും അറിയാം. എന്നാല്‍ അമിതമായ മദ്യപാനം ലൈംഗിക ജീവിതത്തെയും ബാധിക്കുമെന്ന് നിങ്ങള്‍ക്കറിയാമോ? നിങ്ങളുടെ കരള്‍ ദുര്‍ബലമാണെങ്കില്‍ ആന്‍ഡ്രോജന്‍ ഈസ്ട്രജനായി മാറുകയും ലൈംഗികതയോടുള്ള ആഗ്രഹം കുറയുകയും ചെയ്യും. അമിതമായ മദ്യപാനം മൂലം പുരുഷന്മാര്‍ക്ക് സ്ഖലനം നിലനിര്‍ത്തുന്നതില്‍ പ്രശ്‌നങ്ങള്‍ ഉണ്ടാകാം. മദ്യപാനം സ്ത്രീകളിലെ പ്രത്യുല്‍പാദന ശേഷിയെ ബാധിക്കുന്നു.

മൂഡ് ലഭിക്കാന്‍ ഒരു ഗ്ലാസ് വൈന്‍ കുടിക്കുന്നതില്‍ കുഴപ്പമില്ല. എന്നിരുന്നാലും നിങ്ങള്‍ മദ്യം കഴിക്കുകയാണെങ്കില്‍, അത് നിങ്ങളുടെ സെക്സ് ഡ്രൈവിനെ ബാധിക്കും. ഇത് പുരുഷന്മാരുടെ ഉദ്ധാരണത്തെ മോശമായി ബാധിക്കുകയും പുരുഷന്മാരിലും സ്ത്രീകളിലും ലിബിഡോ കുറയ്ക്കുകയും ചെയ്യും. നിങ്ങള്‍ക്ക് നല്ല ലൈംഗിക ജീവിതം ആസ്വദിക്കണമെങ്കില്‍ മദ്യപാന ശീലം ഉപേക്ഷിക്കുക.

പഞ്ചസാര കൂടുതലുള്ള ഭക്ഷണങ്ങള്‍

പഞ്ചസാര ശരിക്കും ആരോഗ്യത്തിന് ഒരു വില്ലന്‍ തന്നെയാണ്. മധുരപലഹാരങ്ങളിലും പാനീയങ്ങളിലും ഉയര്‍ന്ന അളവില്‍ പഞ്ചസാര അടങ്ങിയിട്ടുണ്ട്. മിക്ക ഭക്ഷണ സാധനങ്ങളിലും പഞ്ചസാര ഒളിഞ്ഞിരിക്കുന്നുണ്ട്. സോഡ, കഫീന്‍ അടങ്ങിയതും മധുരമുള്ളതുമായ പാനീയങ്ങള്‍ എന്നിവ അമിതമായി കഴിക്കുന്നത് ശരീരത്തെയും ലൈംഗികാസക്തിയെയും ദോഷകരമായി ബാധിക്കുന്നു. ശരീരത്തിലെ പഞ്ചസാരയുടെ അളവ് വര്‍ദ്ധിക്കുകയാണെങ്കില്‍ സെക്സിനോടുള്ള നിങ്ങളുടെ ആഗ്രഹം കുറയുന്നു.

നിങ്ങള്‍ കാപ്പിയും സോഡയും കുടിക്കാന്‍ ഇഷ്ടപ്പെടുന്നവരാണെങ്കില്‍ ഉടന്‍ അത് നിര്‍ത്തണം. ഇന്‍സുലിന്‍ ഹോര്‍മോണ്‍ വര്‍ധിക്കുന്നത് കാരണം പഞ്ചസാര നിങ്ങളുടെ വയറിലെ കൊഴുപ്പ് വര്‍ദ്ധിപ്പിക്കും. ഇത് നിങ്ങളുടെ ടെസ്റ്റോസ്റ്റിറോണും കുറയ്ക്കുന്നു. ഇത് കുറഞ്ഞ സെക്സ് ഡ്രൈവ്, ഉദ്ധാരണക്കുറവ്, വയറിലെ കൊഴുപ്പ്, അയഞ്ഞ പേശികള്‍ എന്നിവയിലേക്ക് നയിക്കുന്നു.

പ്രോസസ് ചെയ്ത ഭക്ഷണങ്ങള്‍

കുക്കികളും ബിസ്‌ക്കറ്റുകളും എല്ലാത്തരം പ്രോസസ് ചെയ്ത ഭക്ഷണങ്ങളും നിങ്ങളുടെ ലൈംഗികാഭിലാഷം കുറയ്ക്കുന്നു. പ്രോസസ്സിംഗില്‍ ഉപയോഗിക്കുന്ന സ്ട്രിപ്പുകള്‍ ലൈംഗികാഭിലാഷം വര്‍ദ്ധിപ്പിക്കുന്ന പോഷകങ്ങള്‍ നീക്കം ചെയ്യുന്നു. ഉദാഹരണത്തിന്, ഗോതമ്പ് മാവ് പ്രോസസ്സ് ചെയ്യുമ്പോള്‍ അതില്‍ അടങ്ങിയിരിക്കുന്ന സിങ്കിന്റെ നാലില്‍ മൂന്ന് ഭാഗവും നഷ്ടപ്പെടും. ഇത് സെക്സ് ഡ്രൈവ് വേണ്ട ഒരു പ്രധാന ധാതുവാണ്.

എരിവുള്ള ഭക്ഷണം

എരിവുള്ള കറികളും അച്ചാറുകളും നിങ്ങള്‍ക്ക് ഇഷ്ടമാണോ? എന്നാല്‍ ഇവയുടെ ഉപയോഗം അല്‍പ്പം കുറയ്ക്കണമെന്നാണ് ഞങ്ങളുടെ ഉപദേശം. എരിവുള്ള ഭക്ഷണം അമിതമായി കഴിക്കുന്നത് നിങ്ങളുടെ സെക്സ് ഡ്രൈവിനെ ബാധിക്കും.

വൈറ്റ് ബ്രെഡ്

വൈഡ് ബ്രെഡ് കഴിക്കാന്‍ രുചികരമാണെങ്കിലും ഇതിലുള്ള ശുദ്ധീകരിച്ച കാര്‍ബോഹൈഡ്രേറ്റുകള്‍ നിങ്ങള്‍ക്ക് ദോഷകരമാണ്. പുരുഷന്മാരില്‍ ലൈംഗികത വര്‍ദ്ധിപ്പിക്കുന്നതിന് സിങ്ക് ആവശ്യമാണ്. ശുദ്ധീകരിച്ച കാര്‍ബോഹൈഡ്രേറ്റുകള്‍ ശരീരത്തിലെ സിങ്കിന്റെ മൂന്നില്‍ രണ്ട് ഭാഗവും ഇല്ലാതാക്കുന്നു. അതിനാല്‍ വൈറ്റ് ബ്രെഡ് കഴിക്കുന്നത് കുറയ്ക്കുക.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.