വിറ്റാമിൻ ബി 5 അടങ്ങിയ ഭക്ഷണങ്ങൾ

നിങ്ങൾ ഭക്ഷണത്തിൽ ഉൾപ്പെടുത്തേണ്ട വിറ്റാമിൻ ബി 5 അടങ്ങിയ ചില ഭക്ഷണവസ്തുക്കളെക്കുറിച്ചു ചുവടെ

Updated: Wednesday, January 31, 2018, 15:47 [IST]

പാന്തോതെനിക് ആസിഡ് എന്നറിയപ്പെടുന്ന വിറ്റാമിൻ ബി 5 വെള്ളത്തിൽ അലിയുന്നതും എല്ലാ ജീവകോശങ്ങളിൽ കാണപ്പെടുന്നതുമായ ഒന്നാണ്..ഉപാപചയപ്രക്രീയ മെച്ചപ്പെടുത്താൻ വിറ്റാമിൻ ബി 5 നു പ്രത്യേക കഴിവുണ്ട്.ഊർജ്ജം ഉത്പാദിപ്പിക്കുന്ന പ്രക്രീയയിൽ സഹായിയായ എൻസൈം ആയി ഇത് പ്രവർത്തിക്കുന്നു.

ഭക്ഷണത്തിൽ നിന്നും പോഷകങ്ങൾ വേർതിരിക്കുക,രക്തത്തിൽ പഞ്ചസാരയുടെ അളവ് നിയന്ത്രിക്കുക,കൊളസ്‌ട്രോൾ കുറയ്ക്കുക,രക്തസമ്മർദ്ദം കുറയ്ക്കുക,നാഡികളുടെയും സന്ധികളുടെയും ക്ഷതം കുറയ്ക്കുക എന്നിവയെല്ലാം വിറ്റാമിൻ ബി 5 ചെയ്യുന്നു.

നാഡീവ്യവസ്ഥയെ മെച്ചപ്പെടുത്താനും ചുവന്ന രക്താണുക്കളെ വർദ്ധിപ്പിക്കാനും വിറ്റാമിൻ ബി 5 വലിയ പങ്ക് വഹിക്കുന്നു.

വിറ്റാമിൻ ബി 5 ന്റെ കുറവ് ക്ഷീണം, വിഷാദം, ക്ഷോഭം, ഉറക്കമില്ലായ്മ, വയറുവേദന, ഛർദ്ദി, ശ്വാസകോശ സംബന്ധമായ അണുബാധകൾ, മസിലുകൾക്ക് വേദന തുടങ്ങിയവയ്ക്ക് കാരണമാകുന്നു. അതുകൊണ്ട് നിങ്ങളുടെ ശരീരത്തിലെ വിറ്റാമിൻ ബി 5 ന്റെ കുറവ് പരിഹരിക്കാനായി പച്ചക്കറികളും മാംസവും അടിസ്ഥാനമാക്കിയുള്ള ഭക്ഷണങ്ങൾ ഉൾപ്പെടുത്തേണ്ടത് ആവശ്യമാണ്.

നിങ്ങൾ ഭക്ഷണത്തിൽ ഉൾപ്പെടുത്തേണ്ട വിറ്റാമിൻ ബി 5 അടങ്ങിയ ചില ഭക്ഷണവസ്തുക്കളെക്കുറിച്ചു ചുവടെ കൊടുക്കുന്നു.

കൂൺ

ധാരാളം പോഷകങ്ങൾക്കൊപ്പം വൈറ്റമിൻ ബി 5 ഉം കൂണിൽ അടങ്ങിയിരിക്കുന്നു . വെളുത്ത ബട്ടൺ കൂൺ, തവിട്ട് കൂൺ, മുത്തുച്ചിപ്പി കൂൺ എന്നിവയിൽ വിറ്റാമിൻ ബി 5 അടങ്ങിയിട്ടുണ്ട്. 100 ഗ്രാംകൂണിൽ ദൈനംദിനം ശുപാർശ ചെയ്യുന്ന മൂല്യത്തിന്റെ 36% അടങ്ങിയിരിക്കുന്നു.

മുട്ട

വിറ്റാമിൻ ബി 5 ന്റെയും പ്രോട്ടീന്റെയും നല്ലൊരു കലവറയാണ് മുട്ട.പാചകം ചെയ്ത മുട്ടയിൽ 7 % വിറ്റാമിൻ ബി 5 അടങ്ങിയിരിക്കുന്നു.അതിനാൽ വിറ്റാമിൻ ബി 5 ലഭിക്കാനായി മുട്ട പൊരിച്ചോ പുഴുങ്ങിയോ കഴിക്കുക.

മധുരക്കിഴങ്ങ്

വിറ്റാമിൻ ബി 5 ന്റെ നല്ലൊരു സ്രോതസ്സാണ് മധുരക്കിഴങ്ങ്.ബേക്ക് ചെയ്ത കിഴങ്ങിൽ 10 % വിറ്റാമിൻ അടങ്ങിയിരിക്കുന്നു.ഇത് കലോറി കൂടുതൽ അടങ്ങിയതും കൊഴുപ്പ് കുറഞ്ഞതുമാണ്.ഇത് ഭക്ഷണത്തിൽ ഉൾപ്പെടുത്തുന്നത് നല്ലതാണ്.

ബീഫ്

വിറ്റാമിൻ ബി 5 ധാരാളമടങ്ങിയ ഒരു ഭക്ഷ്യവസ്തുവാണ് ബീഫ്.ലീൻ ബീഫ് സ്റ്റീക്കിൽ 12 % വിറ്റാമിൻ ബി 5 അടങ്ങിയിരിക്കുന്നു.ഈ മാംസത്തിലും ബീഫ് കട്ട് സിലും ധാരാളം വിറ്റാമിൻ ബി 5 ഉണ്ട്.

ചിക്കനും ടർക്കിയും

ചിക്കനിലും ടർക്കിയിലും വിറ്റാമിൻ ബി 5 അടങ്ങിയിട്ടുണ്ട്.പാചകം ചെയ്ത ഒരു കഷ്ണം ചിക്കൻ കാലിൽ 6 % വിറ്റാമിൻ ബി 5 അടങ്ങിയിരിക്കുന്നു.ചിക്കനും ടർക്കിയും ഏതാണ്ട് ഒരുപോലെ ഉപയോഗിക്കാവുന്ന മാംസങ്ങളാണ്.

സൂര്യകാന്തി വിത്തുകൾ

വിറ്റാമിൻ ബി 5 കൊണ്ട് നിറഞ്ഞവയാണ് സൂര്യകാന്തി വിത്തുകൾ.100 ഗ്രാം വിത്തിൽ 70 % വിറ്റാമിൻ ബി 5 അടങ്ങിയിരിക്കുന്നു.ചണ വിത്ത്,മത്തൻ വിത്ത് എന്നിവയിൽ ഏകദേശം 9 %, 2 % എന്നീ അളവിൽ വിറ്റാമിൻ ബി 5 അടങ്ങിയിരിക്കുന്നു.

വെണ്ണപ്പഴം

അവക്കാഡോ അഥവാ വെണ്ണപ്പഴം പോഷകങ്ങളാൽ സമ്പുഷ്ടമാണ്.ഇതിൽ 20 % വിറ്റാമിൻ ബി 5 അടങ്ങിയിരിക്കുന്നതിനാൽ ആരോഗ്യത്തിന് വളരെ മികച്ചതാണ്.ഇതിൽ ധാരാളം കലോറി ഉള്ളതിനാൽ മിതമായി ഉപയോഗിക്കുക.

ചീസ് / വെണ്ണ

പാചകത്തിന് വളരെയധികം ഉപയോഗിക്കുന്ന ഒന്നാണ് വെണ്ണ. ഭക്ഷണത്തിന്റെ ഭാഗമായി പലരും ഇത് കഴിക്കാറുണ്ട്.ബ്ലൂ ചീസിലും ഫീറ്റ ചീസിലും ധാരാളം വിറ്റാമിൻ ബി 5 ഉണ്ട്.അതിനാൽ ചീസ് അടങ്ങിയ സാൻവിച്ചുകളും പിസ്സയും ആസ്വദിച്ചോളൂ.

മത്സ്യങ്ങൾ

ഒമേഗ 3 ഫാറ്റി ആസിഡ് അടങ്ങിയ മത്സ്യങ്ങളിൽ ധാരാളം വിറ്റാമിൻ ബി 5 അടങ്ങിയിരിക്കുന്നു.സാൽമനിൽ 16 % ഉം ചൂരയിൽ 12 % ഉം വിറ്റാമിൻ ബി 5 അടങ്ങിയിട്ടുണ്ട്.അതിനാൽ മത്സ്യങ്ങൾ ധാരാളം കഴിക്കുക.

പച്ചക്കറികൾ

കോളിഫ്‌ളവർ,ബ്രോക്കോളി,ചോളം,തക്കാളി എന്നിവയിൽ ധാരാളം വിറ്റാമിൻ ബി 5 അടങ്ങിയിരിക്കുന്നു.ഗർഭിണികൾക്ക് ദിവസവും 6 മുതൽ 7 % വരെ വിറ്റാമിൻ വേണം.പയറുകൾ,പരിപ്പ്,ബീൻസ് എന്നിവയിലും ധാരാളം വിറ്റാമിൻ ബി 5 അടങ്ങിയിട്ടുണ്ട്.