മത്സ്യത്തിലും മാംസത്തിലും മായം, വേഗം തിരിച്ചറിയാം

മത്സ്യത്തിലെ മായം

ഫോര്‍മാലിന്‍ ചേര്‍ത്ത മത്സ്യം ആണ് ഇന്നത്തെ കാലത്ത് വ്യാപകമായി ഉപയോഗിക്കുന്നത്. ഫോര്‍മാലിന്‍ എന്ന രാസ പദാര്‍ത്ഥം മത്സ്യം ദീര്‍ഘകാലം കേടാകാതെ ഇരിയ്ക്കാന്‍ സഹായിക്കുന്നു. എന്നാല്‍ ഈ വിഷപദാര്‍ത്ഥം വളരെയധികം അപകടകരമാണ്.

ഫോര്‍മാലിന്‍ തിരിച്ചറിയാം

ഫോര്‍മാലിന്‍ ചേര്‍ത്ത മത്സ്യം പെട്ടെന്ന് തിരിച്ചറിയാം. മത്സ്യത്തിന്റെ കണ്ണുകള്‍ ഫോര്‍മാലിന്‍ ചേര്‍ക്കുന്നതോടെ മങ്ങിയതായി കാണപ്പെടുന്നു. മാത്രമല്ല ഇതിന്റെ ചെകിളയുടെ നിറവും നഷ്ടപ്പെടുന്നു. കൂടാതെ മത്സ്യത്തിന്റെ ഗന്ധത്തിലും സ്വാഭാവികതയിലും മാറ്റമുണ്ടാകുകയും ചെയ്യുന്നു.

കേടായ മുട്ട

മുട്ട എന്തായാലും പൊട്ടിച്ച് നോക്കി വാങ്ങാവുന്നതല്ല. അതുകൊണ്ട് തന്നെ വാങ്ങി വീട്ടില്‍ കൊണ്ട് വന്ന് നോക്കുമ്പോഴാണ് മുട്ട കേടു വന്നാതാണോ അല്ലയോ എന്ന് മനസ്സിലാകുന്നത്.

മുട്ടയുടെ കാര്യം

മുട്ടയുടെ കാര്യം മനസ്സിലാക്കാന്‍ മുട്ട വെള്ളത്തില്‍ ഇട്ടാല്‍ മതി. മുട്ട വെള്ളത്തില്‍ താഴ്ന്ന് കിടക്കുകയാണെങ്കില്‍ ചീത്തയാവാത്ത മുട്ടയും വെള്ളത്തില്‍ പൊങ്ങിക്കിടക്കുകയാണെങ്കില്‍ ഉപയോഗശൂന്യമായ മുട്ടയും ആണെന്ന് മനസ്സിലാക്കാം.

മാംസത്തിലെ മായം

ആട്ടിറച്ചിയില്‍ പഴകിയ മാട്ടിറച്ച് ചേര്‍ക്കുന്നതാണ് ഒന്ന്. എന്നാല്‍ ഇതിലെ വ്യത്യാസം പെട്ടെന്ന് തന്നെ മനസ്സിലാകും.

ഗുണനിലവാരം

ഗുണനിലവാരം കുറയുന്തോറും ഇറച്ചി വിളര്‍ച്ച ബാധിച്ചതു പോലെ കാണപ്പെടും. മാത്രമല്ല എല്ലുകളുടെ വ്യത്യാസം നോക്കിയും ഇത് കണ്ടു പിടിക്കാന്‍ എളുപ്പമാണ്. മാത്രമല്ല ബീഫ് പഴകുന്തോറും ഇത് ഇരുണ്ട നിറമായി മാറും.