ചില അടുക്കളവിദ്യകള്‍ ആരോഗ്യത്തിന്..

അടുക്കളവിദ്യകള്‍

ചെറുപയര്‍, മുതിര, സോയാപയര്‍ എന്നിവയൊക്കെ മുളപ്പിച്ച് ഉപയോഗിക്കുന്നതാണ് ഏറ്റവും നല്ലത്.

വാഴക്കൂമ്പ്

വാഴക്കൂമ്പ് ഉപയോഗിക്കുമ്പോള്‍ വിരിഞ്ഞ വാഴപ്പൂവും എടുക്കാം. പൂവിന്റെ നടുക്കുള്ള കട്ടിയുള്ള നാര് മാറ്റിയിട്ട് ബാക്കി ഭാഗം മുറിച്ച് കറിയിലും ചേര്‍ക്കാം.

അവിയലില്‍

അവിയലില്‍ തക്കാളിക്കുപകരം അല്‍പം തൈരു ചേര്‍ത്താല്‍ സ്വാദ് കൂടും.

വെജിറ്റബിള്‍ കുറുമ

വെജിറ്റബിള്‍ കുറുമ തയാറാക്കുമ്പോള്‍ ഒരു സ്പൂണ്‍ ഓട്‌സ് പൊടിയോ, കോണ്‍ഫ്‌ളോറോ, അരിപ്പൊടിയോ ചേര്‍ത്താല്‍ തേങ്ങയുടെ ഉപയോഗം പരമാവധി കുറയ്ക്കാം.

നാരടങ്ങിയ ഭക്ഷണം

ആഹാരത്തില്‍ നാരുള്ള ഭക്ഷണം ധാരാളം ഉള്‍പ്പെടുത്തുക. വാഴക്കൂമ്പ്, വാഴപ്പിണ്ടി എന്നിവയില്‍ ധാരാളം നാരുണ്ട്. വാഴയ്ക്കാ തൊലികൊണ്ട് തോരനുണ്ടാക്കാം.

പൊടിക്കൈകള്‍

മിക്‌സഡ് വെജിറ്റബിള്‍ കറിയില്‍ അല്‍പം ബ്രഡ് പൊടി ചേര്‍ത്താല്‍ വേഗം കുറുകും. തേങ്ങ കുറയ്ക്കാം.

തക്കാളി

തക്കാളി പെട്ടെന്ന് പഴുക്കാന്‍ ബ്രൗണ്‍ പേപ്പര്‍ ബാഗിലിട്ട് ഇരുട്ടത് വെച്ചാല്‍ മതി

പച്ചക്കറികള്‍

പച്ചക്കറികള്‍ വാടിപ്പോയാല്‍ നാരങ്ങാനീരോ, വിനാഗിരിയോ ചേര്‍ത്ത വെള്ളത്തില്‍ ഒരു മണിക്കൂര്‍ മുക്കിവെച്ചാല്‍ മതി.

ക്യാരറ്റ്

ക്യാരറ്റ് നീളത്തില്‍ മുറിക്കുന്നത് പെട്ടെന്ന് വേകും.

ഗ്രീന്‍പീസ്

ഗ്രീന്‍പീസ് വേവിക്കുമ്പോള്‍ അല്‍പം പഞ്ചസാര കൂടി ചേര്‍ത്താല്‍ സ്വാദ് കൂടും.

മത്തങ്ങ

മത്തങ്ങ മുറിക്കുമ്പോള്‍ വിത്തിന്റെ ഇടയിലുള്ള നാരുപോലുള്ള ഭാഗം കളയണ്ട ആവശ്യമില്ല. ഇതുകൊണ്ടു സാലഡോ, മത്തങ്ങാ ചട്‌നിയോ ഉണ്ടാക്കാം.

ചെറുപഴം

ചെറുപഴം നന്നായി ഉണക്കിവെച്ചാല്‍ കുറേനാള്‍ ഉപയോഗിക്കാം. ഇത് ഈന്തപ്പഴം പോലെ ഉപയോഗിക്കാം.

ഉള്ളി

ഉള്ളി വഴറ്റുമ്പോള്‍ തന്നെ അല്‍പം ഉപ്പ് ചേര്‍ക്കുക. വേഗം വഴന്നുകിട്ടും.

ഇറച്ചിക്കറി

ഇറച്ചിക്കറി തയ്യാറാക്കുമ്പോള്‍ മുളകുപൊടിയുടെ അളവ് കുറച്ച് കുരുമുളകുപൊടി കൂടുതല്‍ ചേര്‍ക്കുന്നത് ആരോഗ്യകരമാണ്.

വെളുത്തുള്ളി

മീനും ഇറച്ചിയും തയ്യാറാക്കുമ്പോള്‍ വെളുത്തുള്ളി ചേര്‍ക്കുന്നത് കൊളസ്‌ട്രോളിന് നല്ലതാണ്.

കൊഴുപ്പ് കുറയ്ക്കാന്‍

മാംസം തയ്യാറാക്കുന്നതിന് അരമണിക്കൂര്‍ മുന്‍പ് ചൂടുവെള്ളത്തിലിട്ടുവെക്കുക. മാംസത്തിനടിയിലുള്ള കൊഴുപ്പ് ചൂടുവെള്ളത്തിലലിയും.

കൊഴുപ്പ് കുറയ്ക്കാന്‍

മീന്‍ കറിയും ഇറച്ചിക്കറിയും തയ്യാറാക്കി ഫ്രിഡ്ജില്‍ വച്ചാല്‍ കൊഴുപ്പ് മുകളില്‍ കട്ടിയാകും. ഇത് സ്പൂണ്‍ കൊണ്ട് മാറ്റാം.

നല്ല പ്രാതലിന്

ഇളനീരില്‍ പഞ്ചസാരയിട്ട് ആറുമണിക്കൂര്‍ വച്ചശേഷം അത് അപ്പത്തിന്റെ മാവില്‍ ചേര്‍ക്കുക. നല്ല രുചിയും മണവും ലഭിക്കും.

നല്ല പ്രാതലിന്

അപ്പത്തിന് പച്ചരി കുതിര്‍ക്കുമ്പോള്‍ ഒരു നുള്ള് ഉലുവയും ഉഴുന്നും ചേര്‍ത്താല്‍ നല്ലതാണ്.

നല്ല പ്രാതലിന്

പുട്ടുപൊടി നനച്ച് ഫ്രിഡ്ജില്‍ വച്ചശേഷം പിറ്റേന്നു പുട്ടുണ്ടാക്കിയാല്‍ മാര്‍ദവവും രുചിയും കൂടും.

നെയ്യ്

നെയ്യ് സൂക്ഷിക്കുമ്പോള്‍ അതില്‍ ഒരു കഷ്ണം ശര്‍ക്കര ഇട്ടുവച്ചാല്‍ പെട്ടെന്ന് കേടാകില്ല.

കറ പോകാന്‍

പ്രഷര്‍ കുക്കറിലേയും പ്രഷര്‍ പാനിലെയും കറ പോകാന്‍ നാരങ്ങാതൊലി കൊണ്ട് തേച്ചാല്‍ മതി.