ആരോഗ്യം നല്‍കും സാലഡുകള്‍

തക്കാളി

ഹൃദ്രോഗങ്ങള്‍, ധമനികളുടെ തകരാറുകള്‍, ആഘാതം, ഓര്‍മ്മനഷ്ടം, വന്ധ്യത, ചര്‍മ്മത്തിലെ ചുളിവുകള്‍ എന്നിവ കുറയ്‌ക്കാന്‍ സഹായിക്കുന്ന ആന്റി ഓക്‌സിഡന്റുകള്‍ ഇവയില്‍ ധാരാളം അടങ്ങിയിട്ടുണ്ട്‌.

ബ്രോക്കോളി

വിറ്റാമിന്‍ സിയും ഭക്ഷണയോഗ്യമായ ഫൈബറും ധാരാളം അടങ്ങിയിട്ടുള്ള ഇവയില്‍ വിവിധതരം പോഷകങ്ങള്‍ അടങ്ങിയിട്ടുണ്ട്‌. ടൈഡോളില്‍മീഥേന്‍ സെലിനിയം പോലെ അര്‍ബുദത്തെ ചെറുക്കുന്ന ഘടകങ്ങളും ഇതില്‍ കാണപ്പെടുന്നുണ്ട്‌.

മത്സ്യം

മത്സ്യത്തില്‍ അടങ്ങിയിട്ടുള്ള പ്രോട്ടീന്‍, വിറ്റാമിന്‍, പോഷകങ്ങള്‍ എന്നിവ രക്തസമ്മര്‍ദ്ദം കുറയ്‌ക്കാനും ഹൃദയാഘാതം, പക്ഷാഘാതം എന്നിവയുടെ സാധ്യത കുറയ്‌ക്കാനും സഹായിക്കും.

കറുത്ത പയര്‍

കൊഴുപ്പ്‌ കുറഞ്ഞ ഇവയില്‍ ഉയര്‍ന്ന അളവില്‍ പ്രോട്ടീനും ഫൈബറും അടങ്ങിയിരിക്കും. ആന്റിഓക്‌സിഡന്റുകളാല്‍ സമൃദ്ധമായ ഇവയ്‌ക്ക്‌ പ്രതിജ്വലനശേഷിയും ഉണ്ട്‌. ഹൃദയധമനീ രോഗങ്ങള്‍ക്ക്‌ പരിഹാരം നല്‍കും.

ഇലക്കറികള്‍

ചീര, കാബേജ്‌ തുടങ്ങിയവയില്‍ വിറ്റാമിന്‍ ബിയും നിരവധി പോഷകങ്ങളും അടങ്ങിയിട്ടുണ്ട്‌. ഇലക്കറികള്‍ ഫൈബറും കാത്സ്യവും ലഭ്യമാക്കും. കൂടാതെ ഒരു ദിവസത്തേക്ക്‌ ആവശ്യമായ ബീറ്റ കരോട്ടീനും ലഭ്യമാക്കും. രോഗ പ്രതിരോധ സംവിധാനത്തിന്റെ ആരോഗ്യത്തിന്‌ ഇത്‌ വളരെ ആവശ്യമാണ്‌.