ഓര്‍മശക്തി കൂട്ടാന്‍ കപ്പലണ്ടിയും മുന്തിരി ചാറും..

മുന്തിരി വീഞ്ഞും, കപ്പലണ്ടിയും ആരാണ് ഇഷ്ടപ്പെടാത്തത്. എന്നാല്‍ ഇഷ്ടപ്പെടാത്തവര്‍ ഇനി ഇഷ്ടപ്പെട്ടു തുടങ്ങിക്കോളൂ.. കപ്പലണ്ടിയും മുന്തിരി ചാറും നിങ്ങളുടെ ഓര്‍മശക്തി കൂട്ടാന്‍ സഹായിക്കും എന്നാണ് പുതിയ കണ്ടെത്തല്‍. തിരക്കിട്ട ജീവിതത്തില്‍ എല്ലാവര്‍ക്കും പിടിപ്പെടുന്ന ഒരു രോഗമാണ് ഓര്‍മശക്തി ഇല്ലാതാകുന്നത്. എന്നാല്‍ ഇതു തടഞ്ഞു നിര്‍ത്താന്‍ ഒട്ടേറെ പരിഹാര മാര്‍ഗ്ഗങ്ങള്‍ നിലവില്‍ ഉണ്ട്.

കൂട്ടത്തില്‍ ഇതും കൂടി ഉള്‍പ്പെടുത്തിക്കോളൂ.. അല്‍സ്‌ഹൈമേഴ്‌സ് രോഗത്തിനു പ്രതിവിധിയായി മുന്തിരിസത്തും കപ്പലണ്ടിയും ഉത്തമമാണെന്നാണ് പറയുന്നത്. ചുവന്ന മുന്തിരിയുടെ തൊലിയിലും കപ്പലണ്ടിയിലും റെസ്‌വിറട്രോള്‍ എന്ന ആന്റിഓക്‌സിഡന്റ് പദാര്‍ത്ഥം ഓര്‍മശക്തി കൂട്ടും. റെസ്‌വിറട്രോള്‍ ഹൃദ്രോഗം തടയാന്‍ നല്ലതാണെന്ന് നേരത്തെ തന്നെ കണ്ടെത്തിയിട്ടുണ്ട്.

എന്നാല്‍ ഇത് ഓര്‍മശക്തി കൂട്ടാന്‍ കാരണമാകുമെന്നത് ഇതാദ്യത്തെ അറിവാണ്. ഓര്‍മയും ഗ്രാഹ്യശേഷിയും മനോനിലയും നിയന്ത്രിക്കുന്ന തലച്ചോര്‍ ഭാഗമായ ഹിപ്പോകോംപസിന്റെ ആരോഗ്യത്തിന് റെസ്‌വിറട്രോള്‍ നല്ലതാണെന്നാണ് പറയുന്നത്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.